TAUNET 12:2 - BUKUIT NE TILIIL Sireet ne Dutero Kanon

² Ayain iegu pororyet ne oo, ak aberuurin, ak atoroor kaineng'ung' koeet, si iegu kaberuret.

Bukuit Ne Tilil

² Ayain iegu pororyet ne oo, ak aberuurin, ak atoroor kaineng'ung' koeet, si iegu kaberuret.

BUKUIT NE TILIL

² ak ayain iegu bororiet ne o, ak aberurin, atoror kaineng’ung’ koeet; ak iegu kaberuret.

TAUNET 12:2 Referencias Cruzadas

TAUNET 13:16

Ayae lagoguk kochang'a ko uu temburyek che po ng'wony, si ngot komugaksei koiit chii temburyek, ko kaagaa iitoksei lagoguk ak icheek.

TAUNET 15:5

Ki imaanda ineendet kwo saang' ak koleenji, “Kaigai keero, inyal parak kipsengwet, ak iit kecheik ngot imuuchi.” Ak ki testai koleenji, “Tuun ko tenitu chooto lagoguk.”

TAUNET 17:20

Kosupkei ak Ishmael, ko kaagasun ng'aleeguk; keero, aberuuri ineendet ak agoochi iyoteet. Abaroi ineendet miising' ak tuun sichei pounik taman ak aeng' ak ayai koek pororyet ne oo.

TAUNET 18:18

ago tuun egu Abraham ne matiny pororyet ne oo ne tinyei kimnateet, ne kiberuure pororyosyek tugul che po ng'wony?

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

TAUNET 19:29

Ak kingo ng'emei Kamuktaindet nganasook che po atebweet, kobwaat Abraham ak komaanda Lot, komandae ng'emisyetap nganasochooto kiga komeng'oot.

TAUNET 24:1

Kiga koosit Abraham; ki neegit kwo kalilot, ak kiga koberuur `Kamuktaindet Abraham eng' tuguuk tugul.

TAUNET 24:35

Ki koberuur miising' kot `Kamuktaindet ne Toroor kiptaiyandennyu; ak ki kotoroor koeet. Ki kogoochi ineendet `akwotisyek che po keechiirek ak che po tuuga, fedha ak thahabu, otwogik che murenik ak otwogik che tiibiik, tambeesik ak sigiroik.

TAUNET 25:11

Kingo kagobata kaliletap Abraham, ko ki iberuur `Kamuktaindet Isak weeriinnyi, ak ki meny Isak ole neegitee keriingetap peek ne kiguure Beer-lahari-roi.

TAUNET 26:3

Egu toondet eng' emoni, ami kobooten, ak aberuurin; amu agoonin inyee, kobooto lagoguk, emotinwechuuto tugul, ak agimiit kayasyoet ne ki ayasyechi kwandang'ung' Abraham.

TAUNET 26:4

Abaroi iyoteng'ung' ko uu kecheik che po kipsengwet, ak agoochini iyoteng'ung' emotinwechu tugul. Ak kiberuuri pororyosyek tugul che po ng'wony eng' iyoteng'ung';

TAUNET 27:29

Ingootin pororyosyek, ak ingong'uruukyin pororyosyek. Egu kiptaiyat eng' tupchosyeguk, ak ingong'uruukyin weeriigap kamenng'ung'. Chuboot ineendet ne chubin, ak iberuurot ineendet ne iberuurin!”

TAUNET 28:14

Tuun tenitu lagoguk temburyegap ng'wony, ak iyomu cherongo ak kong'asiis, murot kaataam ak murot tai. Kiberuuri ortinwek tugul che po ng'wony eng' inyee ak eng' lagoguk.

TAUNET 35:11

Ak koleenji Kamuktaindet, “Aa Kamuktaindet Ne po Kamuktaet. Ii ak itesage, tuun mong'unenen inyee pororyet ak chaang'indap pororyosyek, ak mang'unen laitorinik.

TAUNET 46:3

Koleenji Kamuktaindet, “Aa Kamuktaindet, Kamuktaindet ne po kwandang'ung'. Meiywei, ichoortegei iwe Misiri; amu ayain iegu pororyet ne oo eng' olooto.

2 SAMUEL 7:9

Ki atebi kobooten eng' oldo tugul ole ki iwe ak ki aiste puuniguk tugul eng' taing'ung'. Aeeti kaineng'ung', ko uu kainetap piik che eecheen eng' ng'wony.

1 LAITORINIK 1:47

Ak kogeny-i, ko kabwa otwogigap laitoryat koberuur laitoryat kiptaiyandennyo Daudi, koleen, ‘Ingoyai kamuktaindeng'ung' kainetap Solomon kogararanit kosiir neng'ung', ak koyai ng'echerennyi ne po laitornatet koeet kosiir neng'ung!’ Ak ki ing'uruuk laitoryat eng' ng'echerennyi.

Kitabuutap JOB 35:8

Imuuchi kogoochi yaityeng'ung' ng'wanindo kipkosabei age; ak imuuchi imandang'ung' kogoochi keljinet kipkosabei age.

TIENWOGIKAL 107:38

Iberuuri anyun icheek, si kotesagis miising'; ama chamjin tuukwak kong'ering'itu.

KOMONG'U 1:7

Ak ki sigiis piigap Israel, kotesagis kochang'a kot konyi emet ak kogimegitu kot.

KOMONG'U 32:10

Pagaakta anyun, si kolaany parak nereegekyuk agobo icheek ak awong'u pichuuto. Yeityo ayain inyee iegu pororyet ne oo.”

ISAIAH 51:2

Ogeer Abraham kwandang'wong', ak Sara ne kisichok: amu ki aguur ineendet ye kita komi ineegei, ak aberuur ineendet ak abaraa.

EZEKIEL 34:26

Ak ayai icheek koek kaberuret kobooto komoswek ole neegitee tulweennyu; ak ang'at ropta koroobon eng' peetuusyekyik; ak kobiit roptap kaberuret.

MIKAH 7:20

Iyachini Jakobo imanit, ak iyachi Abraham rireenet, che kigeyosyechi kwanisyekyok eng' peetuusyek che po keny.

SEKARIA 8:13

Ak ko uu ye ki oegu che chubootiin eng' pororyosyek, ee kootap Judah ak kootap Israel, asarwok anyun, si oegu kaberuret. Amoiywei, ago ingogimegitu eunekwok.”

KAITOSYEK 14:12

Abare koroito ak aistoegei icheek, ak ayaaiin iegu pororyet ne oo ne kiim kosiir icheek.”

KAITOSYEK 22:12

Ki leenji `Kamuktaindet Balaam, “Amat obe ak icheeget. Amat ichup pichooto, amu iberuurotin icheek.”

KAITOSYEK 23:20

Keero, kaataach ng'atuutyet aberuur, kagoberuur, ak ma muuchi aweech.

ROMANIK 4:11

kitaach kaboorunetap kamuratanet, ng'ookset ne po imandap kayaneet ne ki tinyei ye kitom kimuratan: si kobiit koek kwandap icheek tugul che kiyani, agot ye kitom kimuratan, si kobiit kiityi icheek imanda;

GALATYEK 3:14

si kobiit konyonji Pororyosyek kaberuretap Abraham eng' Kristo Jeso; si kobiit ketaach arorutyetap Kabuuset ne Tiliil eng' kayaneet.

GALATYEK 3:7

Ongen anyun ole icheeget che po kayaneet, ko weeriitap Abraham chooto.

NG'ATUTIK 26:5

Ak iwolu eng' taitap Kamuktaindet ne Toroor Kamuktaindeng'ung' ile, ‘Ki Syrianindet abba ne kiuoti ne kichoortagei kwo Misiri ak komeny olooto ak ye kimatyanit koek ineendet pororyet ne oo eng' olooto, kochang'a ak kogimegiitu miising'.