TAUNET 1:14 - BUKUIT NE TILIIL Sireet ne Dutero Kanon

¹⁴ Komwa Kamuktaindet kole, “Ingobiit tuguuk che iluu eng' soetap kipsengwet, si kobiit koobeesyo peet ak kemoi, si koek chooto kaboorunoik che po peetuusyek, arawek ak kenyiisyek,

Bukuit Ne Tilil

¹⁴ Komwa Kamuktaindet kole, “Ingobiit tuguuk che iluu eng' soetap kipsengwet, si kobiit koobeesyo peet ak kemoi, si koek chooto kaboorunoik che po peetuusyek, arawek ak kenyiisyek,

BUKUIT NE TILIL

¹⁴ Ak kimwa Kamuktaindet kole, Ingobiit tuguk che iluu eng’ soetab kipsengwetisiek si kobiit kobesio bet ak kemoi; si koek choto kaborunoik, che bo arawek, ak betusiek ak kenyisiek;

TAUNET 1:14 Referencias Cruzadas

TAUNET 1:13

Koimen ak koeech, peetuut ne po somok.

TAUNET 1:15

ingoek chooto che iluu eng' soetap kipsengwet si kobiit koluuchi ng'wony.” Ak kiyaak ko uu nooto.

TAUNET 8:22

Kotee kota komi ng'wony, koma pegu koolset ak kesisyet, kaitityet ak kiptoret, kemeut ak iwot, peet ak kemoi.”

TAUNET 9:13

Kande chemng'isiryennyu poolik parak, si koek kaboorunet ne po kayomiset ne mi kwenunnyoo, anee ak ng'wony.

Kitabuutap JOB 25:3

Tos iitoksei lugosyekyik? Ak ng'oo ne ma iluuchin lapkeiyennyi?

Kitabuutap JOB 25:5

Ngot ko agot arawet koma tinyei kaluunet, ama tiliileen kecheik eng' tainnyi,

Kitabuutap JOB 3:9

Ingoimenitu kecheik che po ye karatarat; ingocheeng' lapkeiyet, amanyoor, amat kogeer peetuunooto ye machei koorir emet.

TIENWOGIKAL 119:91

Tebyei icheek agoi kora ko uu kirwoogutiguk; amu otwogiguk tuguuk tugul.

TIENWOGIKAL 148:3

Olasu ineendet, okweek asiista ak arawet; olasu ineendet, okweek kecheik tugul che oo po lapkeiyet.

TIENWOGIKAL 148:6

Kigogimiit `inee chooto kotebi koigeny ak koigeny; ki koyai ng'atuutyet ne ma igeesugei.

TIENWOGIKAL 150:1

Olasu Kamuktaindet ne Toroor! Olasu Kamuktaindet eng' oldanyi ne tiliil; olasu ineendet eng' yamunetap kimnateennyi.

TIENWOGIKAL 81:3

Oguut iryageet ko kaleel arawet, ye kagoeet arawet, eng' peetuunnyo ne po igoorto ne oo.

ISAIAH 40:26

Onyal parak, ogeer ole ng'oo ne ki toi koyai chuuto, ne imutu lugeennywa kobee koitet: kuurei tugul eng' kainaikwak, eng' ooindap kamugennyi, ak kiim ineendet eng' kamuktaet, ma peet agot agenge.

JEREMIA 10:2

Mwaei Kamuktaindet ne Toroor kole, “Amat oneetkei ortinwegap pororyosyek, amoaragense agobo kaboorunoigap kipsengwet; amu aragendos pororyosyek, agobo chooto.

JEREMIA 31:35

Mwaei Kamuktaindet ne Toroor, ne koonu asiista koek lapkeiyet peet, ak ng'atuutik che ki king'at agobo arawet ak kecheik si koek lapkeiyet kemoi, ne wasei nyanjet, kot komoror mildaennyi pogei; kainennyi ko Kamuktaindet ne Toroor ne po lugoosyek, mwaei kole:

JEREMIA 33:20

mwaei Kamuktaindet ne Toroor kole: Ndaomuuchi obut arorutyennyu ne po peet, ak arorutyennyu ne po kemoi, kot koma komi peetuut ak kemout eng' saisyekwak;

JEREMIA 33:25

Mwaei Kamuktaindet ne Toroor kole: Ngot koma tononi arorutyennyu ne po peet ak ne po kemoi, ngot koma ande ng'atuutigap kipsengwet ak che po ng'wony;

EZEKIEL 46:1

Mwaei Kiptaiyat Kamuktaindet ne Toroor kole: Kigerei eng' peetuusyek lo che po poisyet ormariichet ne po seremut ne po oriit, ne tokyingei kong'asiis; ak kiyatei eng' peetuutap sabato, ak kiyatei eng' peetuut ne kaleel arawet.

EZEKIEL 46:6

Ak eng' peetuut ne kaleel arawet kigoito kirgit ne libwoop ne parnotyot; ak aarek lo che po keechiir, ak mengit; libwoben tugul:

JOEL 2:10

Potani emet eng' tainnywa; potandos kipsengwet: imenitu asiista ak arawet, ama kooluu kecheik.

JOEL 3:15

Imenitu asiista ak arawet, ama kooluu kecheik,

AMOS 5:8

Ineendet ne yaei Koremerik ak Kapsomoguk, ak kowalei mesundeito ne nyigiis koek karonet, ak koyaei peetuut koek kemoi; ineendet ne kuurei peegap nyanjet, ak koroong'ji ng'wony; Kamuktaindet ne Toroor kainennyi;

AMOS 8:9

Mwaei Kiptaiyat Kamuktaindet ne Toroor kole, “Eng' peetuunooto, agoochini kororokto asiista peet kween, ak agoochini emet koimenit eng' peetuut ne churat.

MATAYO 2:2

koteeboti kole, “Mi ano ineendet laitoryatap Yahudik ne ko ki sich? Kogigeer kecheiyandennyi eng' kong'asiis, ak kagibwa kilasu ineendet.”

MATAYO 24:29

“Ne ma tyanit ko kagogeskei nyalilda ne po peetuusyechooto, koimenit asiista, ama kooluu arawet, ak rorogu kecheik eng' kipsengwet, ak kitumdum kimnatosyek che po kipsengwet.

MARIKO 13:24

“Ago eng' peetuusyechooto, ko kagobata nyalilata, koimenit asiista, kama kooluu arawet,

LUKA 23:45

ak ki ma kota kooluu asiista: ak kigereer kwenutap angeet ne kiga kioiye Hekaluut.

NG'ATUTIK 4:19

Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.

NG'ANG'UTYET 6:12

Ak ki ageer ye kingo yaat ng'ookset ne po lo, ak ki piit potanet ne oo ne po ng'wony; ak ki tuit asiista ko uu kuniet ne ki kiyae koroorik, ak ki igei arawet komugul korotiik;

NG'ANG'UTYET 8:12

Ki kuut malaikaiyatap ang'wan, ak ki kikwer kebeberta agenge eng' somok ne po asiista, ak kebeberta agenge eng' somok ne po arawet, ak kebeberta agenge eng' somok ne po kecheik, si koimenit kebeberta agenge eng' somok ne po tuguuchooto. Ak kebeberta agenge eng' somok ne po peetuut koma iluu, ak koigei nooto agine kemout.

NG'ANG'UTYET 9:2

Kingo yaat keriingonooto; kotogosta iyeto komang'une yooto, ne uu iyeto ne po maat ne oo miising'. Ak ki imenit asiista ak soet amu iyetap keriingonooto.