SEPANIA 1:5 - BUKUIT NE TILIIL Sireet ne Dutero Kanon

⁵ ak icheek che ilasu tuguuk tugul che po kipsengwet, eng' kooriik parak; kobooto icheeget che ilasu, che iyasyechin Kamuktaindet ne Toroor, ak koyastos eng' kainetap Malkam;

Bukuit Ne Tilil

⁵ ak icheek che ilasu tuguuk tugul che po kipsengwet, eng' kooriik parak; kobooto icheeget che ilasu, che iyasyechin Kamuktaindet ne Toroor, ak koyastos eng' kainetap Malkam;

BUKUIT NE TILIL

⁵ ak ichek che ilosu tuguk tugul che bo kipsengwet, eng’ gorik barak; koboto icheget che ilosu, che iyosiechin Jehovah, ak koyostos eng’ kainetab Malkam;

SEPANIA 1:5 Referencias Cruzadas

1 LAITORINIK 11:33

Ayaei ko uu nooto amu ki kobagakta ineendet ak kogutung'ji Astoret kanamwet ne kwondo ne po Sidonik, Kemos kanamwetap Moab ak Milkom kanamwetap lagogap Ammon; ama wendote ortinwekyuk, koyai ne myee eng' tainnyu, ak koriip ng'atuutikyuk ak kirwoogutikyuk, ko uu ye ki yai Daudi kwandanyi.

1 LAITORINIK 11:5

Amu ki isup `Solomon Astoret, kanamwet ne kwondo ne po Sidonik, kobooto Milkom ne kiwechei ne po Amonik.

1 LAITORINIK 18:21

Ki nyo Elijah koriikyi piik tugul ak koleenji, “Otebee kabwaatutik aeng' kot kotyanit? Ngot ko Kamuktaindet ne Toroor ko Kamuktaindet, osup ineendet; ago ngot ko Baal, osup anyun ineendet.” Ak ma wolji `piik ineendet ng'olyoo.

2 LAITORINIK 17:32

Koiywei icheek anyun Kamuktaindet ne Toroor, ak kolewenjigei eng' pichooto tisiik che po komoswek che torooreen, che kieng'jin tiseiywek eng' kooriigap komoswek che torooreen.

2 LAITORINIK 17:33

Ki iywei Kamuktaindet ne Toroor ago kiote kora kanamonikwak, ko uu ye ki iyweitoi pororyosyek eng' ole ki kiuune icheek kobwa.

2 LAITORINIK 17:41

Ki iywei anyun pororyosyechuuto Kamuktaindet ne Toroor, ak kootei kanamonikwak che ki kiwai. Ki yai ko uu nooto lagokwak, ak lagogap lagokwak, ki yai ko uu kwanisyekwak, agoi ra.

2 LAITORINIK 23:12

Kibut laitoryat kapkorosusyek che ki mi koot parak eng' koot ne tabanu parak ne po Ahaz, che kiga koyai laitorinigap Judah, ak kapkorosusyek che kiga koyai Manasseh eng' seremusyek tuwai che po kootap Kamuktaindet ne Toroor. Kiturur ak kotuatui yeityo koseer koba kererutap Kidron.

ISAIAH 22:1

Maonateet agobo atebweetap ng'ang'utyet. Amin nee anyun, kot itogoste kooriik parak?

ISAIAH 44:5

Mwaei age kole, aa po Kamuktaindet ne Toroor; ak koguuregei age kainetap Jakobo; ak kosirchi age eunnyi kainetap Kamuktaindet ne Toroor; ak komwaitoegei kainetap Israel.

ISAIAH 45:23

Ki ayosyechigei, kagomang'une ng'olyoot kutinnyu eng' imanda, ama weechegei, ale, kutung'jino kutundo age tugul, iyastos ng'elyepta age tugul.

ISAIAH 48:1

Ogas ni anyun, okweek, ee kootap Jakobo, che kimwaitoenok kainetap Israel, che ki obiitune peegap Judah; che oyostosi eng' kainetap Kamuktaindet ne Toroor, ak omwae Kamuktaindetap Israel, ago ma eng' iman, anan ko eng' imanda.

JEREMIA 12:16

Ak ngot koneetkei ko ki iljigei ooreetap piikyuk, ak koyasyo eng' kainennyu kole, “Ko uu ye sabei Kamuktaindet ne Toroor ak ko uu ye ki ineet piikyuk koyasyo eng' Baal, keteechei anyun icheek eng' kwenutap piikyuk.

JEREMIA 19:13

ak kogergeit kooriigap Jerusalem, ak kooriigap laitorinigap Judah, che ki king'wanit, ak komostap Topet, kooriik tuguuk che kibeelee icheek paragunnywa nyamdutik kobeeljine tuguuk tugul che po kipsengwet, ak ki koroong'ji kagoochinoik che kieei, kanamonik che teer.

JEREMIA 32:29

ak kobwa Kaldeik che paregei ak nganasani, kobwa konaam nganasani, ak kobeel, kobooto kooriik, che ki igoitoe icheek nyamdutik che kibeelei, kogoochin Baal eng' paragutap koorichooto, ak koroong'jin kanamonik che teer, kagoochinoik che kieei, si kobiit kotacha anereech.

JEREMIA 4:2

ak ngot iyasye ko uu ni ile, ‘Ko uu ye sabei Kamuktaindet ne Toroor,’ eng' imanit, eng' kirwooget ak lititindo, konyooru kaberuret pororyosyek eng' aneendet ak kolasunenogei.”

JEREMIA 49:1

Ng'aleegap lagogap Ammon: Mwaei Kamuktaindet ne Toroor kole: Tos ma tinyei Israel weeriik? Ma tinyei ne namei tuguukyik? Amu nee anyun si konam Malkam Gad kobunji, ak komeny piikyik nganasookyik?

JEREMIA 5:2

Agot nga imurtoi icheek koleen, “Ko uu ye sabei Kamuktaindet ne Toroor,” ko iyastos icheek eng' lembech.

JEREMIA 5:7

Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

JEREMIA 7:10

yeityo obwa otonone tainnyu eng' koi, ne kimwaitoe kainennyu ak ole, “Kagesarwech,” si kobiit oyai tuguuchuuto tugul kiwechei?

JEREMIA 7:9

Tos nyolu ochoorsei, orumisyei, oyaei ibeetapkei, oyosye eng' lembech, obeelji nyamdutik Baal ak osubote kamuktaik che teer che mongen,

JEREMIA 8:2

Kimaae eng' asiista ak eng' arawet ak eng' taitap tuguuk tugul che po kipsengwet, che kiga kocham, che kiga koot, che kiga kosubot, che kiga kocheeng'at ak che kiga kolas. Ma kiyumi anan ketup, ago egu keturek eng' emet.

HOSEA 10:2

Pcheat muguleldanywa; tinyei ng'oogisto: putei Kamuktaindet ne Toroor kapkorosusyekwak, ng'emei tolochikwak.

HOSEA 4:15

Agot ngiyae inyee Israel kugoinatet, ko mat koyai Judah. Amobwa Gilgal, anan otogoste Beth-aben, anan oyosye ole, “Ko uu ye sabei Kamuktaindet ne Toroor.”

AMOS 5:26

Ee, ki oeet Sakut laitoryandeng'wong', ak Kaiwan kanamonikwok, kecheiyatap kamuktaindeng'wong', che ki oyachigei.

MATAYO 6:24

Ma mi chii ne imuuchi koot kiptainik aeng'; amu imuuch kowech age ak kocham age, anan konamgei ak age ak kosas age. Momuuchi oot Kamuktaindet ak mogornatosyek.

POISYONIGAP CHE KIYOKTOI 10:9

Eng' peetuut ne ki isubi ye kita kobendi, ko kariikta nganaseet, kotogosta Petero koot parak, eng' olo po sait lo, kwo kosa.

ROMANIK 14:11

Amu ki kisir keele, “Ko uu ye asabe, Mwaei Kiptaiyat, ko tuun kutung'jino kutundo age tugul, ak kolas ng'elyepta age tugul Kamuktaindet.”

NG'ATUTIK 10:20

Iywei anyun Kamuktaindet ne Toroor Kamuktaindeng'ung' ak iboisyechi ineendet. Onamgei ak ineendet ak iyasye eng' kainennyi.

NG'ATUTIK 4:19

Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.

JOSHUA 23:7

si mobe kwenutap pororyosyechu chuuto kong'et eng' kwenung'wong' anan omwa kainaigap kanamonikwak anan oyosye eng' icheek anan oot anan ogutung'ji.