SEKARIA 8:16 - BUKUIT NE TILIIL Sireet ne Dutero Kanon

¹⁶ Chu tuguuk che tuun oyae: Ingomwachi chii age tugul eng' okweek chiitap kokwennyi imanit; oyai kirwooget ne po imanit ak kaalyeet eng' ormariichokwok.

Bukuit Ne Tilil

¹⁶ Chu tuguuk che tuun oyae: Ingomwachi chii age tugul eng' okweek chiitap kokwennyi imanit; oyai kirwooget ne po imanit ak kaalyeet eng' ormariichokwok.

BUKUIT NE TILIL

¹⁶ Chu tuguk che tun oyae; Ingomwachi chi age tugul eng’ okwek chitab kokwennyi imanit; oyai kiruoget ne bo imanit ak kalyet eng’ ormarichokwok:

SEKARIA 8:16 Referencias Cruzadas

TIENWOGIKAL 15:2

Ineendet ne wendoti eng' lititindo ak koyaei imanda, ak komwaei imanit eng' muguleldanyi;

TIENWOGIKAL 34:15

Tokyingei konyegap Kamuktaindet ne Toroor che po imanda, ak kasei itiikyik riirekwak.

KALEWANAIK 12:17

Ineendet ne mwaei iman koboortoi imanda, ago iboortoi ng'aalseet paoryat ne ma po iman.

KALEWANAIK 12:19

Ki kimiiti koigeny kutit ne po iman; ago po sait ne matya ng'elyepta ne mwaei lembech.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 22:3

Mwaei Kamuktaindet ne Toroor kole: Oyai okweek kirwooget ak imanda, ak osaru ne ki kiluul komong' eng' eutap usiindet: amat oyai ne ya, anan koroomnateet, oyachi toondet, anan ne ma tinyei sigiik, anan mosoget, amotumde korotiik che ma tinyei tengek, eng' olito.

EZEKIEL 18:8

ineendet ne tomo kogoito tuguuk si konyoorunee kelunet ne siirtoot, ama ibei che tesatiin, ne kigoistoe eunnyi tengekto, ne ki koyai kirwooget ne po iman eng' kwenutap piik,

EZEKIEL 45:9

Mwaei Kiptaiyat Kamuktaindet ne Toroor kole: Ingoyamak nooto, ee pounigap Israel: oiste koroomnateet ak ng'emisyet, ak oyai kirwooget ak imanda; oiste yaakset ne oyaache piikyuk eng' kimnateet, mwaei Kiptaiyat Kamuktaindet ne Toroor.

ATEPTAP LAWIK 19:11

“Amochoorse, amoberberisye, amomwachigei lembech.

AMOS 5:15

Owech yaityet ak ocham che myach, ak ogimiit kirwooget eng' ormariichet; abeere imuuchi koriiree Kamuktaindet ne Toroor, Kamuktaindet ne po lugoosyek, che ki ng'et che po Joseph.

AMOS 5:24

Ago ingoroot kirwooget ko uu peek, ak ingoroot imanda ko uu aineet ne nyiitaat peek.

MIKAH 6:12

Amu nyiitaat koroomnateet mogorekyik, ak kogomwa lembechek piik che menyei olooto, ak kong'aalsei ng'elyebwekwak.

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

SEPANIA 3:13

Ma koyaei tengekto piik che ki ng'et che po Israel, ama komwaei lembechek; ama kinyoorchin ng'olyoot ne po ng'aalseet kutusweekwak. Ago tuun amisyei ak koruiyo, ama piitu chii ne imui icheek.

SEKARIA 7:9

Kamwa Kamuktaindet ne Toroor ne po lugoosyek kole, oyai kirwooget ne po iman, ak oyachi tupchetap chii age tugul eng' okweek myeeindo ak rireenet:

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

SEKARIA 8:3

Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

MATAYO 5:9

Poiboen che yaei kaalyeet, amu kiguure weeriigap Kamuktaindet.

EPESOEK 4:17

Amwae anyun ni, ak abaoryani eng' Kiptaiyat, ale si mata obendate ko uu ye pendoti Pororyosyek ak icheek, eng' kabwaatutikwak che po puch,

EPESOEK 4:25

Nooto anyun oiste lembeita, ong'alaaljinigei ne po iman chii tugul ak chiitap kokwennyi: amu ki kebeberwek age tugul ne po age.

1 THESSALONIKEK 4:6

amat koyai chii kachiliilut anan koyachi ne ya tupchennyi eng' ng'olyoondoniito: amu Kiptaiyat yaaktaindetap mugetuut eng' tuguuchuuto tugul, ko uu ye kisip kiteeiywok ak kebaoryan.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”