SEKARIA 8:13 - BUKUIT NE TILIIL Sireet ne Dutero Kanon

¹³ Ak ko uu ye ki oegu che chubootiin eng' pororyosyek, ee kootap Judah ak kootap Israel, asarwok anyun, si oegu kaberuret. Amoiywei, ago ingogimegitu eunekwok.”

Bukuit Ne Tilil

¹³ Ak ko uu ye ki oegu che chubootiin eng' pororyosyek, ee kootap Judah ak kootap Israel, asarwok anyun, si oegu kaberuret. Amoiywei, ago ingogimegitu eunekwok.”

BUKUIT NE TILIL

¹³ Ak ko u ye kioegu che chubotin eng’ bororiosiek, ee gotab Juda ak gotab Israel, asoruok anyun, si oegu kaberuret: amoiywei, ago ingogimegitu eunekwok.

SEKARIA 8:13 Referencias Cruzadas

TAUNET 26:4

Abaroi iyoteng'ung' ko uu kecheik che po kipsengwet, ak agoochini iyoteng'ung' emotinwechu tugul. Ak kiberuuri pororyosyek tugul che po ng'wony eng' iyoteng'ung';

TIENWOGIKAL 44:16

amu kutitap ineendet ne rosu ak kochubisyei, amu puunyoot ak ne yaaktoi mugetuut.

TIENWOGIKAL 72:17

Tebyei kainennyi koigeny; Tebyei kainennyi kota komi asiista: Ak kiberuuri piik eng' ineendet; Ak kuure pororyosyek tugul ne paibai.

TIENWOGIKAL 79:4

Kigeegu che iteweerotin eng' piik che neegiteenech, Saseech ak kororechinech anyun, che mi komoswekyok tugul.

ISAIAH 43:28

Amurwoni anyun pounik che po ole-tiliil, ak ayae Jakobo koek ne chuboot, ak ayae Israel koek ne kisasei.

JEREMIA 24:9

agoitoi icheek koek che ki wiirchin komosi ak komosi eng' pounatosyek tugul che po ng'wony si konyoor taiyet; koek teweernateet, ak kalewenet, chotisyet ak sasisyet, eng' komoswek tugul ole aoonjini icheek.

JEREMIA 25:18

chooto ko Jerusalem, ak nganasoogap Judah, ak laitorinikyik, ak pounikyik, si koyai icheek koek karaatya, kwong'eet, ne kireenyei, ak ne kisasei; ko uu eng' peetuuni;

JEREMIA 26:6

ayae anyun kooi koigei Shiloh, ak ayai nganasani koek ne sasei pororyosyek tugul che po ng'wony.

JEREMIA 29:18

Ak asube icheek rotwetap chok, ak rubeet, ak koroito, ak agoite icheek kewiirchi komosi ak komosi eng' pounatosyek tugul che po ng'wony, si koek che chubootiin ak che kikwong'ee, che kireenyei ak che kiteweeri, eng' pororyosyek tugul che ki aoonji;

JEREMIA 33:24

tos mebwaati kiit ne kagomwa pichu kole ki gotimda `Kamuktaindet ne Toroor koorchooto aeng' che ki kolewen? Sasei icheek ko uu nooto piikyuk, si ma koegu kogeny pororyet eng' tainnywa.

JEREMIA 42:18

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole; Ko uu ye kigeroong'ji nereegekyuk ak nereegekyuk che ng'woneen, piik che menyei Jerusalem, keroong'jinok anyun ko uu nooto nereegekyuk che ng'woneen, ye obe Misiri: ak oegu che kichubei, ak che kikwong'ee ak che kisasei, ak che kichotei; ama ogeere olito kogeny.

JEREMIA 44:12

Ak anam che ng'etu che po Judah, che kitokyigei emetap Misiri, koba kotebee olooto, ak kigeesu icheek tugul: ibutos eng' emetap Misiri; kigeesu icheek eng' rotwetap chok ak eng' rubeet; pegu icheek, kong'etee ne ming'in agoi ne oo, eng' rotwetap chok ak eng' rubeet: ak koek che kichubei, ak che kikwong'ee, ak che kisasei, ak che kichotei.

JEREMIA 44:22

kot ko mata komuuch Kamuktaindet ne Toroor komuita, amu yaityetap poisyonikwok, ak amu tuguuk che kiwechei che ki oyai? Ki ek anyun emeng'wong' ne kuberot, ak ne kikwong'ee, ak ne kisasei, ama menyei chii, ko uu ye uu rani.

RIREKAB JEREMIA 4:15

Ki wokyi piik koleenji, “Oistegei, murwonen! Oistegei, oistegei, amatotiny!” Ara ki ek che mweisoti ak ko ombeniot, ak ki leenjigei piigap pororyosyek, “Ma kotebyei olito kogeny.”

EZEKIEL 34:26

Ak ayai icheek koek kaberuret kobooto komoswek ole neegitee tulweennyu; ak ang'at ropta koroobon eng' peetuusyekyik; ak kobiit roptap kaberuret.

EZEKIEL 37:11

Yeityo, komwaiwo koleenjo, Ee, weeriitap chii, kowechu ko kootap Israel komugul: keero, leen icheek, Ki koyaamyo kawekyok, ak ki kobet kamang'unennyo; ki kigeswech.

EZEKIEL 5:15

Egu ko uu nooto anyun teweernateet ak sasisyet, kaneetisyet ak kwong'eet, eng' pororyosyek che mi komosweguk tugul, ye ayae kirwoogutik eng' inyee eng' nereegek, ak eng' nereegek che ng'woneen, ak eng' kereetap kong' ne ng'waan: kaamwa anee Kamuktaindet ne Toroor ng'olyoondoniito:

MIKAH 5:7

Ak kotebee piik che ki ng'et che po Jakobo kwenutap pororyosyek che chaang' ko uu rewoot ne punu Kamuktaindet ne Toroor, ko uu ropta ne inesyin susweek; ne ma igeni chii, anan kogany weeriigap piik.

SEPANIA 3:16

Kimwachin Jerusalem eng' peetuunooto keleenjin: “Meiywei, ee Zion, amat ingochorirenso euneguk.

SEPANIA 3:20

Amutwok eng' peetuusyechooto, ak ayumak eng' peetuusyechooto: amu ayaok onaage ak olasunage eng' kwenutap pororyosyek tugul che po ng'wony, ak tuun aweekwok poroteet ogeere, mwaei Kamuktaindet ne Toroor.

HAGGAI 2:19

Tos ta komi peek choge? Ee, ma iiyo keetiigap sabibuk, anan mogoonik, anan keetiigap logoek alak, anan mseituni. Aberuurok anyun kobooch peetuuni.

HAGGAI 2:5

Niito ng'olyoot ne ki kiyomisyige ye ki obwane eng' Misiri, ak tebee kwenung'wong' Kabuusennyu ne Tiliil; amoiyweisye.

SEKARIA 1:19

Ki ateebee malaikaiyat ne ki ng'alaalwo aleenji, “Nee chu?” Ak ki wolwo koleenjo, “Chu ko kuinoik che ki iyeesta Judah, Israel, ak Jerusalem.”

SEKARIA 14:11

Ak komeny piik olooto, ama komi chubisyet kogeny; ago meng'iisyei Jerusalem eng' chametapkei.

SEKARIA 8:15

kaabwaat anyun kogeny eng' peetuusyechuuto ayachi ne myee Jerusalem kobooto kootap Judah; amoiywei.

SEKARIA 8:9

Mwaei Kamuktaindet ne Toroor ne po lugoosyek kole: “Ingogimegitu eunekwok, okweek che ogase ng'aleechu eng' peetuusyechu eng' maotik che ki mi eng' peetuut ne ki kiluumei lumeiywot ketau keteechei kogeny kootap Kamuktaindet ne Toroor ne po lugoosyek, nooto ko Hekaluut.

SEKARIA 9:13

Amu ki ariikyigei Judah ko uu kwanget, ak ayai Ephraim koek kipchabonikyik. Ang'eeti weeriiguk, ee Zion, kobargei ak weeriiguk, ee Greece, ak ayain iige rotwetap chok ne po chiito ne nyigan.

1 KORINTOEK 16:13

Oriipse, olumdegei miising' eng' kayaneet, otebi ko uu murenik, ogimegitu.

GALATYEK 3:14

si kobiit konyonji Pororyosyek kaberuretap Abraham eng' Kristo Jeso; si kobiit ketaach arorutyetap Kabuuset ne Tiliil eng' kayaneet.

NG'ATUTIK 26:19

ak koyain itororitu isiir pororyosyek tugul che ki yai ineendet, eng' kalasunet ak kainet ak teegisto, si iegu pororyet ne tiliil eng' Kamuktaindet ne Toroor Kamuktaindeng'ung', ko uu ye ki mwa.”

NG'ATUTIK 28:37

Ak iegu kwang'utyet, kalewenet ak atindyot, eng' kwenutap piik tugul ole imutyinin Kamuktaindet ne Toroor.