SEKARIA 7:12 - BUKUIT NE TILIIL Sireet ne Dutero Kanon

¹² Ee, ki iuit mugulelwekwak koigei kibargoiyet, si ma kas ng'atuutyet, ak ng'aleek che kiga koyook Kamuktaindet ne Toroor ne po lugoosyek eng' Kabuusennyi ne Tiliil eng' eunegap maotik che po tai: ki mong' anyun nereegek che eecheen kobunu Kamuktaindet ne Toroor ne po lugoosyek, amu nooto.

Bukuit Ne Tilil

¹² Ee, ki iuit mugulelwekwak koigei kibargoiyet, si ma kas ng'atuutyet, ak ng'aleek che kiga koyook Kamuktaindet ne Toroor ne po lugoosyek eng' Kabuusennyi ne Tiliil eng' eunegap maotik che po tai: ki mong' anyun nereegek che eecheen kobunu Kamuktaindet ne Toroor ne po lugoosyek, amu nooto.

BUKUIT NE TILIL

¹² Ee, kiiuuiit mugulelwekwak koigei kibargoiyet, si magas ng’atutiet, ak ng’alek che kiga koyok Jehovah ne bo lugosiek eng’ Tamirmiriennyi eng’ eunekab maotik che bo tai: kimong’ anyun neregek che eechen kobunu Jehovah ne bo lugosiek, amu noto.

SEKARIA 7:12 Referencias Cruzadas

2 ATEPTAP PEETUUSYEK 36:13

Ak ki ingelelji kogeny Laitoryat Nebukadnezar, ne ki kabirchi koyasyo eng' Kamuktaindet: ago ki iuit kaatinnyi ak muguleldanyi, ma weekyigei Kamuktaindet ne Toroor, Kamuktaindetap Israel.

2 ATEPTAP PEETUUSYEK 36:16

Ago ki reeny pichooto ki iyooktoi Kamuktaindet, ak ki sas ng'aleekyik, kogengenie maotikyik, agoi konereekyi `Kamuktaindet ne Toroor piikyik, kot koma komi kiit ne kinyae.

Kitabuutap JOB 9:4

Utaat ineendet eng' muguleldo, ak kotinyei kimnateet ne oo. Ng'oo ne ki kouitkei eng' tainnyi, ak koboor?

TIENWOGIKAL 50:17

Amu inyee ne iweche atep ne myee, ak ituktochini patai ng'aleekyuk.

KOMONG'U 7:13

Ki iuit muguleldap Pharaoh, ak ma kas iit icheek ko uu ye kiga komwa Kamuktaindet ne Toroor.

ISAIAH 46:12

Oepcha iit, okweek che oo nyigoonen, che oo looen eng' imanda:

ISAIAH 48:4

Amu ki anai ale uin met, po karnet kaating'ung', po sugunwet togeng'ung';

ISAIAH 6:10

Yai mugulelwegap pichu konyigiisitu, ak kotimogis itiikwak, ak kogerogis konyekwak, si ma keertoe konyekwak, ama kastoe itiikwak, anan koguiyo eng' mugulelwekwak, ak kowalogis, ak kisoop.

ISAIAH 65:12

aityinok anyun rotwetap chok, ak ong'uruukyini tugul parisyet: amu kinga kuurse, koma kowolu; kinga ng'alaal, koma ogas; ago ki oyai yaityet eng' tainnyu, ak ki olewen ne ma paibaitune.

JEREMIA 17:1

Ki kisire lelutiktap Judah kalamitap karnet kobooto ng'atibindap koita ne ui; ki kimolji mugulelwekwak ak eng' kimnateet ne po kuinoigap kapkorosusyekwak;

JEREMIA 17:23

ago ma kas, anan koep iit, ago ki iuit kaatwekwak, si ma kas, ak kotaach kaneetisyet.

JEREMIA 26:19

Tos kita kobar Hezekiah laitoryatap Judah ak Judah tugul ineendet? Tos ki ma iywei Kamuktaindet ne Toroor ak kogaigai Kamuktaindet ne Toroor, kot kowal Kamuktaindet ne Toroor kabwaatutikyik eng' yaityet ne kiga komwa agobo icheek? Ngot keyai ko uu nooto, ko kagiipchi saboonwekyok yaityet ne oo.

JEREMIA 42:21

ak kaamwaiwok ng'aleechooto rani; ago ma ogas iit kutitap Kamuktaindet ne Toroor Kamuktaindeng'wong' eng' kiy age tugul ne kogoyogunena amwaiwok.

JEREMIA 5:3

Ee Kamuktaindet ne Toroor, tos ma keerei konyeguk imanit? Ki ibir icheek, ago ma aragenso, ki igeesu icheek, ago ki eesyo kotaach katigonet. Ki iuit icheek togoochikwak kosiir rwandet, ki eesyo koweekyingei.

JEREMIA 7:20

Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

EZEKIEL 11:19

Ak agoochi icheek muguleldo agenge, ak ande icheek sabeet ne leel; ak aiste muguleldap koita eng' poorwekwak, ak agoochi icheek muguleldo ne po panyeek:

EZEKIEL 14:5

si kobiit anam kootap Israel eng' mugulelwekwak icheeget, amu ki kotoiyenagei icheek tugul amu kanamonikwak.

EZEKIEL 2:4

Ak ma tinye kalilanet lagok ak ko uueen mugulelwekwak. Kayookten iwe ye mi pichooto, ak ileenji icheek, mwaei Kiptaiyat Kamuktaindet ne Toroor ko uu niito.

EZEKIEL 36:26

Agoonok kogeny muguleldo ne leel, ak andeok sabeet ne leel: ak aiste muguleldo ne uu koita eng' poorwekwok, ak agoonok muguleldo ne po panyeek.

SEKARIA 1:2

ki konereekyi `Kamuktaindet ne Toroor miising' kwanisyekwok.

SEKARIA 7:7

Tos manyoljok ogas ng'aleek che ki mwa Kamuktaindet ne Toroor eng' maotik che po tai, ye ki kimenyei Jerusalem, ak komi perurto, ak nganasookyik che mi komoswekyik tugul, ak ye ki kimenyei murot tai ak soito?

MATAYO 13:15

Amu kwalilenotin mugulelwegap pichu, ak ma kastoi komyee iitiikwak, ak ki kogeer konyekwak, si ma keer eng' konyekwak, anan kogas eng' iitiikwak, anan koguiyo eng' mugulelwekwak, si koweek kogeny ak asoop icheek.’

MARIKO 4:12

si eng' ‘keeret kogeerei ama ibestos, ak eng' kaseet kogasei ama iguitos; si ma week ak kenyochi kaat.’ ”

LUKA 8:12

Ak chooto mi ooreet taban ko icheeget che ki kogas; yeityo konyo chesawilyet, ak konem ng'olyoot eng' mugulelwekwak, si ma nyoor kayaneet ak kesar.

POISYONIGAP CHE KIYOKTOI 28:27

Amu kwolilenotin mugulelwegap pichu, ak ma kastoi komyee iitiikwak, ak kiger icheeget konyekwak; si ma keer eng' konyekwak, anan kogas eng' iitiikwak, anan koguiyo eng' mugulelwekwak, si koweek kogeny, ak asoop icheek.’

2 PETERO 1:21

Amu ma mi maonateet ne ki kobiit eng' mageetap chii: ago ki ng'alaaldos piik eng' Kamuktaindet, kondochin Kabuuset ne Tiliil.