SEKARIA 4:6 - BUKUIT NE TILIIL Sireet ne Dutero Kanon

⁶ Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek.

Bukuit Ne Tilil

⁶ Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek.

BUKUIT NE TILIL

⁶ Yeityo kowol kolenja, Ni ko ng’olyotab Jehovah ne mwachin Serubabel, kolenjin, Ma eng’ kamuktaet, ama eng’ kimnatet, ago eng’ Tamirmiriennyu, mwaei Jehovah ne bo lugosiek.

SEKARIA 4:6 Referencias Cruzadas

TAUNET 41:16

Ki wolji `Joseph Pharaoh koleenji, “Ma pota anee; igoochin `Kamuktaindet Pharaoh waluunet ne po kaalyeet.”

1 LAITORINIK 19:12

Kingo pata potanet kobiit maat, ago ki ma komi Kamuktaindet ne Toroor maata. Kingo pata maat kobiit tuugeet ne ming'in ne kitwegu mutyo.

2 ATEPTAP PEETUUSYEK 14:11

Ki riirchi `Asa Kamuktaindet ne Toroor Kamuktaindennyi, kole, “Kamuktaindet ne Toroor, ma mi age kobatenen ne imuuchi kotoretis eng' kwenutap ne kiim ak ne ma tinyei kimnateet: toretech, ee Kamuktaindet ne Toroor, Kamuktaindennyo; amu kimang'un, ak kagibwa kebarge ak tuiyoni eng' kaineng'ung'. Ee Kamuktaindet ne Toroor, ii Kamuktaindennyo; amat koterteerin chii.”

EZRAH 2:2

Kigabwa icheek kobooto Zerubabel, Jeshua, Nehemiah, Seraiah, Reelaia, Mordekai, Bilsan, Mispar, Bigbai, Reum ak Baanah. Koitetap murenigap piigap Israel:

EZRAH 3:10

Kingo lumda teegik lumeiywotap Hekaluutap Kamuktaindet ne Toroor, konam poisyennywa tisiik ak kolas Kamuktaindet ne Toroor kolaachi ngoroikwak che po tiseinateet ak kotinyei iryagook, kobooto Lawiik weeriigap Asaph che ki tinyei sanisyegap sugunonik che kibirei, ko uu ng'atuutyetap Daudi laitoryatap Israel.

EZRAH 5:2

kong'eet anyun Zerubabel weeriitap Shealtiel ak Jeshua weeriitap Josadak ak kotoi koteech kootap Kamuktaindet ne mi Jerusalem. Ki mi kobooto icheek maotigap Kamuktaindet kotoreti.

TIENWOGIKAL 33:16

Ma mi laitoryat ne saruunegei chaang'indap lugeet; ma kisaru ne nyigan eng' kimnateet ne oo.

AMDOINDET 9:11

Ki aweege ak ageer eng' kurereetap asiista, ale, ma po kabeletapkei che chepchep, ama po lugeet che kiimeen, ama po amitwogik che utaatiin, ama po mogornatosyek piigap naet, ama chamaatiin piik che utaatiin; ago ityin icheek tugul sainnywa ak peetuunywa.

ISAIAH 30:1

Pwo eng' lagok che ngelel, mwaei Kamuktaindet ne Toroor, che tilei ng'aleek, ama eng' anee; ak che tuchegei, ama eng' kabuusennyu, si kobiit kotes tengekto eng' tengekto;

ISAIAH 32:15

agoi keroong'wech Kabuuset ne Tiliil eng' parak, ak koek surkwen mbareet ne rurei, ak kiroge mbareet ne rurei, timiin.

ISAIAH 34:16

Ocheeng' ak osoman eng' bukuitap Kamuktaindet ne Toroor: Ma petei agot agenge eng' chuuto, ma mi ne rartae koget. Amu kang'at kutinnyu, ak kagoyum icheek kabuusennyi.

ISAIAH 59:19

Iywei anyun kainetap Kamuktaindet ne Toroor eng' cherongo, ak koywei toroornatennyi eng' ole charunee asiista: amu nyoonei ko uu aineet ne isururtoi, ne oonei kabuusetap Kamuktaindet ne Toroor.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

HAGGAI 1:1

Ki nyoonji `ng'olyootap Kamuktaindet ne Toroor Zerubabel weeriitap Shealtiel pounindetap Judah, ak Joshua weeriitap Jehosadak tisiindet ne oo, eng' maotyot Haggai eng' kenyiit ne po aeng' kolaitorani Darius, eng' peetuut ne po tai ne po arawet ne po lo, koleenji,

HAGGAI 2:21

“Ng'alaalji Zerubabel, pounindetap Judah, ileenji atumdumi kipsengwet ak ng'wony.

SEKARIA 6:12

ak imwachi ineendet ileenji mwaei Kamuktaindet ne Toroor ne po lugoosyek ko uu ni kole keero, chiito ne kiguure kainennyi Temet; eetu eng' oldanyi, ak koteech Hekaluutap Kamuktaindet ne Toroor:

KAITOSYEK 27:16

“Ingolewen Kamuktaindet ne Toroor, Kamuktaindetap saboonwegap piik tugul, chiito ne imuuchi koboi tuiyet,

EPESOEK 6:17

Ak onam kuutweetap yetunet, ak rotwetap chok ne po Kabuuset ne Tiliil, nooto ng'olyootap Kamuktaindet:

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

1 SAMUEL 14:6

Ki leenji `Jonathan murenooto ki ipchin kariikyik che po lugeet, “Nyoo kelande keebe ole mi lugeetap chu ma kimuratan, abeere imuuchi kotoretech Kamuktaindet ne Toroor amu ma mi kiy ne etee Kamuktaindet ne Toroor kosar eng' che chaang' anan ko eng' che ng'ering'.”

1 SAMUEL 17:47

Nae tuiyoni tugul kole, ma saruunee chii Kamuktaindet ne Toroor rotwetap chok ak ng'otit, amu po lugeet Kamuktaindet ne Toroor ak indeok eunekyok.”