SEKARIA 13:7 - BUKUIT NE TILIIL Sireet ne Dutero Kanon

⁷ Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

Bukuit Ne Tilil

⁷ Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

BUKUIT NE TILIL

⁷ Ng’eet, ee rotwetab chok, borie mestowondennyu, borie chito ne kimi tuwai, mwaei Jehovah ne bo lugosiek: bir mestowot, si koiyesta kechirek; ak atokyi eunnyu che mengechen.

SEKARIA 13:7 Referencias Cruzadas

TIENWOGIKAL 2:2

Tetegei laitorinigap ng'wony, ak irwoochi pounik che kagotuiyo, agobo Kamuktaindet ne Toroor ak nenyi ne iilaat.

ISAIAH 1:25

Atokyinin eunnyu, ak aunde simdang'ung', ak aiste murwoonindang'ung' tugul.

ISAIAH 27:1

Tuun pirei Kamuktaindet ne Toroor eng' peetuunooto eng' rotwennyi ne po chok ne koroom ak ko oo ak kogim, tyondo ne po peek ne uu ting'ong'et, ne ereneet ne chepchep, ak tyonyooto ne ereneet ne taategei; ak kobar maswetit ne mi nyanjet.

ISAIAH 40:11

Paei keechiirekyik ko uu mestowot, iyumi eunnyi aaregap keechiir, ak komute tegeennyi, ak kondochi mutyo che aboen.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 47:6

Ee, inyee rotwetap chok ne po Kamuktaindet ne Toroor, tyanitu si tuun isiis? Weekyigei chogeng'ung'; imuuny, ak isiis.

EZEKIEL 21:28

Maoten inyee weeriitap chii, ile, Mwaei Kiptaiyat Kamuktaindet ne Toroor agobo lagogap Ammon, ak agobo teweernatennywa, kole; mwaa ile, Rotwetap chok, kaging'us rotwetap chok, kagesit agobo parisyet, si kobiit kobaris, si koigei kalyeleet:

EZEKIEL 21:3

ak ileenji emetap Israel, Mwaei Kamuktaindet ne Toroor kole: Keero, aboryenen ak ang'usu rotwennyu po chok, ak aiste eng' inyee chiito ne po iman ak ne ya.

EZEKIEL 37:24

Ak koek otwogindennyu Daudi laitoryannywa; ak konyoor icheek tugul mestowot agenge: ak kobendatee kirwoogutikyuk ak koriip ng'atuutikyuk ak koyai.

EZEKIEL 7:6

Kagonyo kagesunet, ng'eetyinin; keero, nyoonei.

MIKAH 5:2

Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

MIKAH 5:4

Ak kotonon kobai akweennyi eng' kimnateetap Kamuktaindet ne Toroor, eng' telunatetap kainetap Kamuktaindet ne Toroor Kamuktaindennyi: ak kotebi; amu eetu kobooch nguno agoi ole poochin ng'wony.

SEKARIA 11:11

Ak kibutok eng' peetuunooto: ak ki nai anyun che nyerootiin che po akweetap keechiirek, che ki epcha iit, kole ki ng'olyootap Kamuktaindet ne Toroor nooto.

SEKARIA 11:4

Kamwa Kamuktaindet ne Toroor Kamuktaindennyu kole: “Iyage akweetap keechiirek che kienyei.

SEKARIA 11:7

Ki ayage anyun akweetap keechiirek che kienyei, keechiirek che nyerootiin iman. Ki aip anyun kirokweek aeng'; ki aguure age Myeeindo, aguure age Ratuutik; ak ki ayage akweet.

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

MATAYO 10:42

Ak age tugul ne igoochin agenge eng' chu mengeechen agot kigombet ne po peek che kaitit kityo amu kasubiin ineendet, amwaiwok iman ale, ma petyin melektanyi matiny.”

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

MATAYO 18:10

“Oriip si mosas age eng' chu mengech; amu amwaiwok ale malaikaisyekwak eng' kipsengwet ko keerei kotugul togeetap Abba ne mi kipsengwet.

MATAYO 18:14

Ko uu nooto anyun koma mageetap Kwandang'wong' ne mi kipsengwet, kolus age eng' chu mengech.

MATAYO 26:31

Ki mwachi Jeso icheek koleenji, “Kinachok okweek tugul agobo anee kemouni; amu siraat kole, ‘Tuun abire mestowot, ak koyesta keechiirek che po akweet.’

MATAYO 26:56

Ago kabwa chu tugul, si kobiit kosulda siruutik che po maotik.” Ki pagaakta ineendet anyun kasubik tugul ak komwei.

MARIKO 14:27

Koleenji `Jeso icheek, Kinachok okweek tugul: amu ki kisir keele, Abire mestowot, ak koiyesta keechiirek.

MARIKO 14:50

Ak ki pagaakta icheek tugul ineendet ak komwei.

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

LUKA 17:2

Kita kaigai eng' ineendet kirooch kaatinnyi koitap pai ne oo ak kewiirchi araraita, kosiir ye inachi age eng' chu mengech.

JOHANA 1:29

Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!

JOHANA 10:30

Anee ak Kwanda, ko ki agenge.”

JOHANA 10:38

Ago ngayai, ko agot ngo moyana, oyan poisyosyek: si kobiit onai ak oyan ole mi Kwanda eng' anee, ak anee eng' Kwanda.”

JOHANA 14:1

Amogoochi mugulelwekwok koiimgei: oyani Kamuktaindet, oyana agane.

JOHANA 14:23

Kowolji Jeso koleenji, “Ngo chama chii, koriip ng'olyoondennyu: ak kocham Abba ineendet ak kebwonji ineendet, ak kemeny kobooto ineendet.

JOHANA 16:15

Chechuuk tuguuk tugul che tinyei Kwanda: nooto kaamwa, ale, namei chechuuk, ak koboorwok.”

JOHANA 16:32

Ogeero, nyoonei sait, ee, kagonyo nguno, ye kiyestook, kwo chii tugul oldanyi, ak obagaakta aneege: ago ma mi aneege, amu mi Kwanda kobooto.

JOHANA 5:23

si kobiit koteech tugul Weeriit, ko uu ye teechei Kwanda. Ineendet ne ma teechei Weeriit koma teechei Kwanda ne ki iyook ineendet.’ ”

JOHANA 8:58

Koleenji Jeso, “Amwaiwok, iman, iman, ale, Kingo tomo kobiit Abraham, ami.”

POISYONIGAP CHE KIYOKTOI 2:23

Ineendet ne ki igoito Kamuktaindet eng' pegechinetap ng'olyoondennyi ak naet ne kiga kechop eng' tai, ki ogartaat okweek ineendet ak obar eng' eunegap piik che pistoe ng'atuutik.

ROMANIK 4:25

ne ki kigoito amu pistautikyok, ak ki king'eet si kobiit kiityech imanda.

ROMANIK 8:32

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

PILIPIK 2:6

ne, nganda ki tinyei itoondap Kamuktaindet, koma iit kole kiit ne po kamanuut ne oo kole kogergeit ak Kamuktaindet,

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 PETERO 5:4

Ak ye tuun took Mestowot ne oo, onyooru kuutweet ne po liilindo ne ma petei.

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

NG'ANG'UTYET 1:11

koleen, “Sirchi bukuit tuguuk che igeere ak iyookyi kanisosyek tisap; iyookyi Epheso, ak Smyrna, ak Pergamo, ak Thyatira, ak Sardis, ak Philadephia, ak Laodikia.”

NG'ANG'UTYET 1:17

Kinga keer ineendet, abutyi keelyekyik ko uu chiito ne kagome. Ago ki igonoora eunnyi ne po tai, ak kole, “Meiywei! Aneendet ko aa ne po tai ak ne po let.

NG'ANG'UTYET 1:8

“Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 21:6

Ak koleenjo, “Kagosulda! Aa Alpha ak ko aa Omega, taunet ak kagesunet. Agoochini puch ineendet ne amei melelda che po kondametutap peegap saboondo.