SEKARIA 10:5 - BUKUIT NE TILIIL Sireet ne Dutero Kanon

⁵ Ak koigei piik che nyigoonen, che tyechei puunikwak eng' ng'atateegap ortinwek eng' pooryeet; ak kobargei, amu mi Kamuktaindet ne Toroor kobooto icheek: ak kotoptobenso piik che ketei paraisisyek.

Bukuit Ne Tilil

⁵ Ak koigei piik che nyigoonen, che tyechei puunikwak eng' ng'atateegap ortinwek eng' pooryeet; ak kobargei, amu mi Kamuktaindet ne Toroor kobooto icheek: ak kotoptobenso piik che ketei paraisisyek.

BUKUIT NE TILIL

⁵ Ak koigei bik che nyigonen, che tiechei bunikwak eng’ ng’atatekab ortinwek eng’ boriet; ak kobargei, amu mi Jehovah koboto ichek: ak kotoptobenso bik che lanyei mbartanyisiek.

SEKARIA 10:5 Referencias Cruzadas

2 SAMUEL 22:43

Ki atonaton anyun icheek komengegitu koigei temburyegap ng'wony, ki atyech ko uu ng'atateek che mi ortinwek ak aiyeste.

2 SAMUEL 22:8

Ki kirgiren ng'wony anyun ak ki potan, ki twagei lumeiywegap kipsengwet, ak kotumdumgei amu kinereech.

2 LAITORINIK 9:33

Ak ki le Jehu, “Owiiru!” Kowiir anyun ineendet konyo ng'wony ak ki iseegei korotiikyik inaatut ak paraisisyek; ak kityechatyech Jehu ineendet.

TIENWOGIKAL 18:42

Ki atonaton eng' nooto komengegitu koigei temburyek che ibei usoonet; ki awaste ko uu ng'atateek che mi ortinwek.

TIENWOGIKAL 20:7

Imang'u alak kariisyegap lugeet ak alak paraisisyek; ago kibwaati acheek kainetap Kamuktaindet ne Toroor, Kamuktaindennyo.

TIENWOGIKAL 33:16

Ma mi laitoryat ne saruunegei chaang'indap lugeet; ma kisaru ne nyigan eng' kimnateet ne oo.

TIENWOGIKAL 44:5

Kiterteeri puunikyok eng' inyee; ak eng' kaineng'ung' ketyeche che machei kong'eetyeech.

TIENWOGIKAL 45:3

Rat rotweng'ung' po chok, inyee ne kiim, kobooto konding'ung' ak etunateng'ung'.

ISAIAH 10:6

Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

ISAIAH 25:10

Amu imuunyi eutap Kamuktaindet ne Toroor eng' tulwooni, ak ketyekyi ng'wony Moab eng' oldanyi, ko uu ye kityekyin ng'wony mobeek eng' peegap kapng'atat.

ISAIAH 31:1

Pwo eng' icheek che choorchingei Misiri kocheeng'ei toreteet, ak kotiegei paraisisyek; ak komang'u kariisyek, amu chaang', ak komang'u piik che ketei paraisisyek amu kiimeen kot; ago ma inyali Ineendet ne Tiliil ne po Israel, ama cheeng'ei Kamuktaindet ne Toroor!

ISAIAH 41:12

Icheeng'e icheek, amenyooru, agot icheek che obaregei: egu puch che poryenen, ak kogergeit ak kiy puch.

ISAIAH 41:25

Koang'eet age ne punu murot kaataam, ak kagoit; punu ineendet ne kuure kainennyu ole chorunei asiista: ak nyoonjin pounik ko uu ye nyoonjin meneet, ak ko uu cheptereniot ne tyechei meneet.

ISAIAH 8:9

Owaach, ee pororyosyechu, si kobiit ketonatonak; ak oep iit, ee okweek tugul che oo po emotinwek che looen; ogermenge, si ketonatonak; ogermenge anyun, si ketonatonak.

EZEKIEL 38:15

Ak inyoo eng' oldang'ung' eng' tabanwek che looen che po murot kaataam, komi pororyosyek che chaang' kobooten, kolaanyei tugul paraisisyek, piik che chaang', ak ko lugeet ne kiim:

AMOS 2:15

Amaimuuchi kotonon ineendet ne namei kwanget, ma sarugei ineendet ne chepchep, ama sarugei ineendet ne laanyei paraisiit.

MIKAH 5:8

Ak kotebee piik che ki ng'et che po Jakobo kwenutap pororyosyek, kwenutap pororyosyek che chaang', ko uu ye mi ng'etundo kwenutap tyong'ik che po timiin, ko uu ng'etundo ne neran eng' kwenutap akwotisyegap keechiirek: ne ye punei kween kotyegoti ak kotonatoni, ama mi chii ne saru.

MIKAH 7:10

Yeityo kogeer anyun punyondennyu, ak kotuch `teweernateet ineendet ne ki leenjo, “Mi ano Kamuktaindet ne Toroor Kamuktaindeng'ung'?” Abaoryani eng' konyekyuk agobo kabutennyi; ak ketyekyin ng'wony ko uu ng'atateek che mi ortinwek.

HAGGAI 2:22

Agabui ng'echereetap laitornatet ne po pounatosyek, ak ang'eme kimnateetap pounatosyegap pororyosyek. Agabui kariisyek che po lugeet kobooto che laanyei; ak kobutyo paraisisyek kobooto che laanyei, ki parei age tugul eng' rotwetap chok ne po tupchennyi.

SEKARIA 12:4

Mwaei Kamuktaindet ne Toroor eng' peetuunooto kole, agoochini paraisiit age tugul kokwong', ak abire iywek chiinyi ne laanyei: ak ayaat konyekyuk ageer kootap Judah, ak abire korateet paraisiit age tugul ne po pororyosyek.

SEKARIA 12:8

Riibei Kamuktaindet ne Toroor eng' peetuunooto piik che menyei Jerusalem; ak koigei ne nyalulat eng' icheek Daudi eng' peetuunooto; ak koigei kootap Daudi Kamuktaindet, ko uu malaikaiyatap Kamuktaindet ne Toroor ne mi tainnywa.

SEKARIA 14:13

Punu Kamuktaindet ne Toroor eng' peetuunooto wasetapkei ne oo, ne nyoonei kwenunnywa; ak konam age tugul eng' icheek eutap chiitap kokwennyi, ak kobargei ineendet ak chiitap kokwennyi.

SEKARIA 14:3

Yeityo kwo Kamuktaindet ne Toroor, kwo kobargei ak pororyosyechooto, ko uu ye kiyaei pooryeet eng' peetuutap lugeet.

SEKARIA 9:13

Amu ki ariikyigei Judah ko uu kwanget, ak ayai Ephraim koek kipchabonikyik. Ang'eeti weeriiguk, ee Zion, kobargei ak weeriiguk, ee Greece, ak ayain iige rotwetap chok ne po chiito ne nyigan.

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

MATAYO 4:3

Ak ki nyo yoomindet ak koleenji, “Ngo ii Weeriitap Kamuktaindet, ing'at koichu koek magatiinik.”

LUKA 24:19

Ak ki leenji icheek, Nee tuguuchooto? Ak ki leenji, “Tuguuk che kiyaak agobo Jeso ne po Nazareth ne ki maotyot ne kiim eng' poisyet ak ng'olyoot eng' taitap Kamuktaindet ak eng' piik tugul:

POISYONIGAP CHE KIYOKTOI 18:24

Ki nyo Epheso Yahudyot age ne keguure Apolo, ne po Alexandria. Ki chiito ne ng'oom, ak ki kiim eng' siruutik.

POISYONIGAP CHE KIYOKTOI 7:22

Ak ki kineet Musa utaatyet tugul ne po Misiriik ak ki kiim eng' ng'aleekyik ak poisyonikyik.

2 KORINTOEK 10:4

(amu kariigap lugeennyo koma po poorto, ago tinyei kamuget eng' taitap Kamuktaindet koluul irimosyek);

NG'ATUTIK 20:1

“Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

2 TIMOTEO 4:17

Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

2 TIMOTEO 4:7

Ki ayai lugeet ne myee, kaagesu labatet, ki ariip kayaneet:

JOSHUA 10:14

Kitom kobiitu peetuut ne uu nooto eng' tai amata kobiit eng' let ne ki kas Kamuktaindet ne Toroor kutitap chii. Amu ki yai Kamuktaindet ne Toroor lugeet agobo Israel.

JOSHUA 10:42

Ki nam `Joshua laitorinichooto tugul ak emotinwekwak eng' peetuusyechooto, amu ki yai Kamuktaindet ne Toroor, Kamuktaindetap Israel lugeet agobo Israel.

NG'ANG'UTYET 19:17

Ak ki ageer malaikaiyat kotononi eng' asiista; ak kiwaach eng' kutit ne oo, koleenji toriitik tugul che tirirendos eng' kwenutap kipsengwet, “Obwa otuiyechi igoorto ne oo ne po Kamuktaindet,

1 SAMUEL 16:18

Ki wolji anyun age eng' murenjoto chiget koleenji, “Ki ageer weeriit age ne po Jesse Bethlehemindet, ne putiin, chii ne kiim ne tinyei nyiganateet ak ko chiitap lugeet, ng'oom eng' ng'alaalet, inender ko chii ne karaaran ak komi Kamuktaindet ne Toroor kobooto ineendet.”