SEKARIA 1:17 - BUKUIT NE TILIIL Sireet ne Dutero Kanon

¹⁷ Itechi kogeny ileenji, “Mwaei Kamuktaindet ne Toroor ne po lugoosyek kole: ‘Kibaroi nganasookyuk eng' kaberuret; ak ta kogoigoi Kamuktaindet ne Toroor Zion ak ta koleweni Jerusalem.’ ”

Bukuit Ne Tilil

¹⁷ Itechi kogeny ileenji, “Mwaei Kamuktaindet ne Toroor ne po lugoosyek kole: ‘Kibaroi nganasookyuk eng' kaberuret; ak ta kogoigoi Kamuktaindet ne Toroor Zion ak ta koleweni Jerusalem.’ ”

BUKUIT NE TILIL

¹⁷ Ititenji kogeny ilenji, Mwaei Jehovah ne bo lugosiek ko u ni kole: Kibaroi nganasokyuk eng’ kaberuret; ak ta kogoigoi Jehovah Sion ak ta koleweni Jerusalem.

SEKARIA 1:17 Referencias Cruzadas

2 ATEPTAP PEETUUSYEK 6:6

Ago ki alewen Jerusalem si kobiit kotebee yooto kainennyu, ak ki alewen Daudi koboi piikyuk Israel.’

NEEMIA 11:20

Ak che ki ng'et che po Israel, eng' Tisiik ak Lawiik, ko ki mi nganasook tugul che po Judah, chii age tugul eng' ole mi porotennyi.

NEEMIA 11:3

Chu ko piik che eecheen che po emotinwek che ki meny Jerusalem, ago ki meny chii tugul komostanyi eng' nganasoogap Judah eng' nganasookwak, chooto ko ki Israel, tisiik, Lawiik, otwogigap Hekaluut ak lagogap otwogigap Solomon.

TIENWOGIKAL 69:35

Amu saru Kamuktaindet Zion, ak koteech nganasoogap Judah; Ak komeny icheek olooto, kobunji.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

ISAIAH 44:26

ne igimiti ng'olyootap otwogindennyi, ak kosuldoi kirwoogetap chechiik che kiyooktoi; ne mwaei agobo Jerusalem kole, tuun ki menyei; ak komwaei agobo nganasoogap Judah kole, tuun kiteechei, ak ang'eet komoswekyik che ki koek karatwek:

ISAIAH 49:13

Otyense, ee kipsengwet; ak oboiboitu, ee ng'wony; ak otyense, ee tuloonook; amu kagogaigai `Kamuktaindet ne Toroor piikyik, ak koriiree piikyik che ki kinyalil.

ISAIAH 51:12

Anee, aneendet ne agoigook: ii ng'oo, kot iywei chiito ne meei, ak iywei weeriitap chii ne kiyaei koek suswot;

ISAIAH 51:3

Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

ISAIAH 54:8

Ki aung'enen togeennyu ne matya eng' nereegek che ing'irtogei; ago ariirenen eng' talasyet ne po koigeny, mwaei Kamuktaindet ne Toroor katyagindeng'ung'.

ISAIAH 66:13

Agoigook ko uu ineendet ne igoigoi kamet; ak kigaigaak eng' Jerusalem.

JEREMIA 31:13

Kobaibait anyun pergeiyat eng' ureryet, kobooto murenik ak poisyek ak icheek: amu awale riirekwak koek poiboiyet, ak agaigai icheek, ak agoochi koboiboitu kometo riirekwak.

JEREMIA 33:13

Punei kogeny akwotisyegap keechiirek taitap ineendet ne iiti eng' nganasook che po emetap tuloonook, ak eng' nganasoogap soi, ak eng' nganasook che po murot tai, ak eng' emet ne po Benjamin, ak eng' komoswek ole neegitee Jerusalem, ak eng' nganasoogap Judah, mwaei Kamuktaindet ne Toroor.

JEREMIA 33:9

Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

EZEKIEL 36:33

Mwaei Kiptaiyat Kamuktaindet ne Toroor kole: Agoochini kemeny nganasook kogeny, ak keteech karatwek, eng' peetuut ne aundawok tengekwogikwok tugul.

AMOS 9:14

Ak amutu kogeny piikyuk Israel che kiga keluul, ak koteech nganasook che kiga koek karatwek ak komeny olooto; ak komiin mbareenigap sabibuk ak koeei divaigap mbareenichooto; ak kobatis ak koam logoegap mbareenichooto.

OBADIA 1:20

Ak konam che kiga keluul che po lugoniito po piigap Israel che mi kwenutap Kanaanik, namei icheek kot koit Sarepat; ak namei che kiga keluul che po Jerusalem che mi Separad, nganasook che mi murot tai.

SEKARIA 1:14

Ki leenjo anyun malaikaiyandanooto ki ng'alaalwo: “Ititenji ileenji, Mwaei Kamuktaindet ne Toroor ne po lugoosyek kole; ‘Ama ng'etkong' agobo Jerusalem ak agobo Zion eng' ng'etkonda ne oo.

SEKARIA 1:18

Ak ki ang'eet met ak ageer, ogeero, kuinoik ang'wan.

SEKARIA 2:12

Ak konam Kamuktaindet ne Toroor Judah koek kebebertanyi eng' emet ne tiliil, ak kolewen kogeny Jerusalem.

SEKARIA 2:4

ak koleenji ineendet, “Labat, ng'alaalji murenonin ileenji: Ki menyei Jerusalem ko uu ye ki menyei nganasook che mengeechen che ma tinyei irimoik, amu chaang'indap piik ak tuuga che mi.

SEKARIA 3:2

Ak ki leenji Kamuktaindet ne Toroor Setani, Ingogeerin kong' Kamuktaindet ne Toroor, ee Setani; ee, ingogerin kong' Kamuktaindet ne Toroor ne ki lewen Jerusalem: tos ma mecheita niito ne kaginemune ma?

EPESOEK 1:4

ko uu ye kilewenech eng' ineendet ye kitom kelumda, si keegu che tiliileen che ma tinyei leluut eng' tainnyi eng' chamyet: