ROMANIK 10:3 - BUKUIT NE TILIIL Sireet ne Dutero Kanon

³ Amu ye ki ma nai icheek imandap Kamuktaindet, ak ye ki cheeng' kogimit nenywa, koma kogas iit imandap Kamuktaindet.

Bukuit Ne Tilil

³ Amu ye ki ma nai icheek imandap Kamuktaindet, ak ye ki cheeng' kogimit nenywa, koma kogas iit imandap Kamuktaindet.

BUKUIT NE TILIL

³ Amu ye kima nai ichek imandab Jehovah, ak ye kicheng’ kogimit nenywa, ko ma kogas it imandab Jehovah.

ROMANIK 10:3 Referencias Cruzadas

NEEMIA 9:33

Ago ii po iman eng' tuguuk tugul che ki kobwanjech, amu ki iyai ne po iman, ago ki keyai ne ya:

Kitabuutap JOB 33:27

Tyeni eng' taitap piik ak kole ki ayai tengekto, ak amaas kiit ne ki po iman, ama kelwo kiy.

TIENWOGIKAL 71:19

Toroor agine imandang'ung' miising', ee Kamuktaindet; Inyee ne ki iyai tuguuk che eecheen, Ee Kamuktaindet, ng'oo ne ogerge?

ISAIAH 51:1

Oepcha iit, okweek che osubi imanda, okweek che ocheeng'e Kamuktaindet ne Toroor: ogeer rwandet ne ki kimoong'unenok eng' waet, ak ogeer keriinget ne ki kibalunenok.

ISAIAH 51:6

Onyal kipsengwet, ak ogeer ng'wony: amu petos kipsengwet ko uu iyeto, ak ositu ng'wony ko uu ngoryeet, ak pegu ko uu nooto icheek che menyei olooto: ago punjin koigeny yetunennyu, ama kigeesu imandanyu.

ISAIAH 51:8

Amu amei icheek kiptorotyot ko uu ngoryeet, ak koamei icheek kutyet ko uu koroorik: ago punjin koigeny imandanyu, ak kobunjiin ibinwek tugul yetunennyu.

ISAIAH 56:1

Mwaei Kamuktaindet ne Toroor kole, osup kirwooget, ak oyai imanda: amu neegit konyo yetunennyu, ak neegit keng'aany imandanyu.

ISAIAH 57:12

Aboortoi imandang'ung'; ama kelun kiy eng' poisyoniguk.

ISAIAH 64:6

Amu ki kiige tugul chii ne po simdo, ak uu imandanyo tugul ngoryeet ne murwoon: ak kirestosi acheek tugul ko uu sogoot; ak onech yaitwogikyok ko uu ye onsei usoonet.

RIREKAB JEREMIA 3:22

Ki rireenosyegap Kamuktaindet ne Toroor kityo si ma kigeswech, amu mararu rireenosyekyik.

ATEPTAP LAWIK 26:41

ak ki atil let agane icheek, ak amutu icheek kobwa emetap puunikwak. Ngo ming'ingei anyun mugulelwekwak che ma imuratanotiin ak kotaach piretap tengekwogikwak,

LUKA 10:29

Ago ye kimachei komyeeitkei, koleenji Jeso, “Ng'oo chiitap kokwennyu?”

LUKA 16:15

Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”

ROMANIK 1:17

King'aanyei eng' niito imandap Kamuktaindet kobun kayaneet agoi kayaneet; ko uu ye siraat kole, “Ineendet ne po imanda ko sabei eng' kayaneet.”

ROMANIK 10:2

Amu abaoryani agobo icheek ale tinyei kagiiletapkei agobo Kamuktaindet, ago ma eng' naet.

ROMANIK 10:20

Ak nyigan miising' Isaiah, ak mwaei kole, “Ki nyoorwo icheek che ki ma cheeng'a; ki ataagu eng' icheek che ma teeba.”

ROMANIK 11:7

Nee anyun? Ki ma nyoor Israel nooto ki cheeng'ei; ago kinyoor lewenik, ak ki kiuuiit chuun alak:

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

ROMANIK 3:26

amu kabartaetap imandanyi eng' peetuusyechuuto, si kobiit koek ineendet ne po imanda, ak koek ne iityin imanda ineendet ne tinyei kayaneet eng' Jeso.

ROMANIK 5:19

Amu ko uu ye ki ek che chaang' kiptengeginik eng' pistoetap chiito agenge, ko uu nooto kiyaei che chaang' kobunji imanda eng' kasetap iit ne po agenge.

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

NG'ATUTIK 6:25

Egu anyun imanda eng' acheek ngigiilgei keyai ng'atuutyoni tugul eng' taitap Kamuktaindet ne Toroor, Kamuktaindennyo ko uu ye king'atech.

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet:

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo: