PILIPIK 4:8 - BUKUIT NE TILIIL Sireet ne Dutero Kanon

⁸ Ne po let anyun, che kitupche, tuguuk alak tugul che po imanda, alak tugul che po teegisto, alak tugul che po imanda, alak tugul che tiliileen, alak tugul che chamaatiin, alak tugul che kimwaitoe ne myee; ngo mi myeein age tugul, ak ngo mi kalasunet age tugul, obwaat tuguuchuuto.

Bukuit Ne Tilil

⁸ Ne po let anyun, che kitupche, tuguuk alak tugul che po imanda, alak tugul che po teegisto, alak tugul che po imanda, alak tugul che tiliileen, alak tugul che chamaatiin, alak tugul che kimwaitoe ne myee; ngo mi myeein age tugul, ak ngo mi kalasunet age tugul, obwaat tuguuchuuto.

BUKUIT NE TILIL

⁸ Ne bo let anyun, che kitupche, tuguk alak tugul che bo imanda, alak tugul che bo teegisto, alak tugul che bo imanda, alak tugul che tililen, alak tugul che chamotin, alak tugul che kimwaitoe ne mie; ngo mi miein age tugul, ak ngo mi kalosunet age tugul, obwat tuguchuto.

PILIPIK 4:8 Referencias Cruzadas

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

2 SAMUEL 1:23

Ki korooron Saulo ak Jonathan, ak ki chamaatiin eng' saboonwekwak, Ak ma pesyo eng' sabeennywa anan eng' meennywa; Ki chepcheben kosiir kipsichinik, Ki kiimeen kosiir ng'etuunyik.

2 SAMUEL 23:3

Ki ng'alaal Kamuktaindetap Israel, ki ng'alaalwo Rwandetap Israel kole: “Ineendet ne pou piik eng' imanda, ko ingoboi eng' kaiyweisyetap Kamuktaindet,

TIENWOGIKAL 82:2

Orwoochi kirwooget ne ma po iman kot kotyanit, ak ogonyiti kiptengeginik?

KALEWANAIK 11:1

Wechei Kamuktaindet ne Toroor kerutyet ne ma po iman, ago chamei Kamuktaindet ne Toroor kerutyet ne po iman.

KALEWANAIK 12:4

Egu kwondo ne myee konditap manong'otyondennyi; ago kwondo ne ibu kalilanet ko uu nunateet eng' kawegap chiichooto.

KALEWANAIK 16:11

Po Kamuktaindet ne Toroor kerutyet ne po iman ak tuguuk che kigerisye; koik tugul che mi lolet che kigerisye ko poisyennyi.

KALEWANAIK 20:7

Iberuurotin lagogap chiito ne po iman, ne wendote imandanyi.

KALEWANAIK 31:10

Ng'oo ne imuuchi konyoor kwondo ne nyolunot? Amu siirei miising' kamanuutyennyi, ne po koik che kiguure peninim.

KALEWANAIK 31:29

“Ki koyai ne nyolunot tiibiik che chaang', ago ii nyolunot kosiir chooto tugul.”

KALEWANAIK 31:31

Ogoochi logoegap eunekyik; ak ingolas poisyonikyik ineendet eng' ormariichok.

TYENDO NE SIIREI TUGUL 5:16

Onyiny ng'aleekyik miising', ee, karaaran kot ineendet eng' kiy age tugul. Niito ko chamanennyu, niito ko chorwennyu, ee, tiibiigap Jerusalem.

ISAIAH 26:7

Litit ooreetap ineendet ne po iman; inyee ne ii litit, indochini ortinwegap chiito ne po iman.

MATAYO 22:16

Ki iyookto kasubikwak kobooto che po Herodik koba ole mi ineendet, koleenji, “Kaneetindoni, kingen keele ii po iman, ak ineeti ooreetap Kamuktaindet eng' iman, ameiti chii tugul; amu megeere togoochigap piik.

MARIKO 6:20

amu ki iywei `Herod Johana ak ki riip, kongen kole ineendet ko chii ne po imanda ak ko tiliil. Ye kingo kas Herod ng'aleekyik, koiimgei miising'; nganda ki cham koboiboenjin kogas ineendet.

LUKA 16:15

Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”

LUKA 2:25

Ogeero, ki mi chiito age Jerusalem, ne ki kiguure Simion; ak ki chiito ne po iman ak kigonyiti Kamuktaindet, ne ki igeni kagaigaetap Israel: ak ki tebee `Kabuuset ne Tiliil ineendet.

LUKA 23:50

Ak ogeero, chiito ne ki kiguure Joseph, chiitap kapkirwook, chiito ne myee, ak ko po imanda

JOHANA 7:18

Ineendet ne mwaei che chechiik ineegei kocheeng'ei toroornatennyi: ago ne cheeng'ei toroornatetap ne ki iyook ineendet ko po iman, ama mi kiy ne ma po imanda eng' ineendet.

POISYONIGAP CHE KIYOKTOI 10:22

Ak ki le, “Ki iboorchi komyee Kamuktaindet Korneli, eng' malaikaiyat ne tiliil, koyook piik kobwa koguurin iwe koonnyi ne ineendet ko kiptaiyatap pogol, chiito ne po imanda ak koywei Kamuktaindet, ak paoryanjin pororyet tugul ne po Yahudik kole myee ineendet, kole si kogasenen ng'aleek.”

POISYONIGAP CHE KIYOKTOI 22:12

“Ak ki nyo ole ami, chiito age ne keguure Anania, chiito ne po iman eng' riibetap Ng'atuutyet, ne kibaoryanjin Yahudik tugul che ki menyei olooto kole myee.

POISYONIGAP CHE KIYOKTOI 6:3

Ko uu nooto anyun, che kitupche, ocheeng' piik tisap eng' okweek che taagunotiin keele myachen, che nyiitootiin Kabuuset ne Tiliil ak utaatyet, che kimuuchi kinde poisyoni.

ROMANIK 13:13

Ongebendoti ko uu ye nyolu, ko uu peet; ma eng' waseetapkei anan pogitet, ma eng' sokseet anan mageet ne ya, ma eng' polateet ak ng'etkong'.

ROMANIK 13:3

Amu ma po pounik kamuiset eng' poisyonik che myach, ago eng' che yaach. Ak tos meiywei pounateet? Yai ne myee, si inyooru kalasunet eng' nooto;

ROMANIK 14:18

Amu ineendet ne otei Kristo eng' tuguuchuuto koboiboi Kamuktaindet, ak koyanjin piik.

ROMANIK 2:29

ago Yahudyot ineendet ne Yahudyot eng' oriit; ak kamuratanet ko nooto po muguleldo, eng' saboondo, ma eng' sireet; ne kalasunennyi koma po piik, ago po Kamuktaindet.

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

2 KORINTOEK 13:7

Kisaae Kamuktaindet anyun si moyai yaityo age tugul; ma si ketaagu keele ki kiyanech, ago si kobiit oyai nooto myee, agot nganda ko uu che kiesyoi.

2 KORINTOEK 6:8

eng' toroornatet ak teweernateet, eng' ng'aleek che yaach che kimwaitaenech, ak eng' ng'aleek che myachen; ko uu kaberberik, ago ki po iman;

2 KORINTOEK 8:18

Ak kogiyookte tupchet age kobooto ineendet ne tagunoot kalasunennyi agobo logoiywek che myach eng' kanisosyek tugul;

2 KORINTOEK 8:21

amu kibwaati tuguuk che po teegisto, ma eng' taitap Kiptaiyat kityo, ago eng' taitap piik ak icheek.

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

EPESOEK 4:25

Nooto anyun oiste lembeita, ong'alaaljinigei ne po iman chii tugul ak chiitap kokwennyi: amu ki kebeberwek age tugul ne po age.

EPESOEK 5:9

(amu logoiyatap lapkeiyet ko eng' myeeindo tugul ak imanda ak imanit),

EPESOEK 6:14

Otononse anyun, ko kaogermen suenutikwok eng' imanit, ak ko kaolaach karnetap tegeet ne po imanda,

NG'ATUTIK 16:20

Isup che po imanda kityo, si isap ak inyaban emet ne koonin Kamuktaindet ne Toroor Kamuktaindeng'ung'.

PILIPIK 3:1

Ne po let anyun, che kitupche, oboiboitu eng' Kiptaiyat. Ma kaimet iman eng' anee asirwak tuguuchuuto, ago toretook okweek.

KOLOSAIK 4:5

Obendoti eng' ng'omnateet eng' taitap icheeget che mi saang', ingoek saisyek kamanuut eng' okweek.

1 THESSALONIKEK 4:12

si obendate ko uu ye nyolu eng' taitap icheek che mi saang', si mobanan kiy age tugul.

1 TIMOTEO 2:2

agobo laitorinik ak tugul che tinyei pounateet; si kobiit ketebee kaalyeet ak mutyonet eng' kayweet ne kiywei Kamuktaindet ak teegisto.

1 TIMOTEO 3:11

Ko uu nooto kobogorisyek, kanyool kotebi eng' teegisto, ma kataamik, che riibegei, che kiyani eng' tuguuk tugul.

1 TIMOTEO 3:4

ne pou koonnyi komyee, ne igoochin eng' teegisto tugul lagokyik kogas iit;

1 TIMOTEO 4:12

Amat kosas chii ming'inateng'ung'; ago egu kaboorunet eng' icheek che iyani, eng' ng'olyoot, eng' atepto, eng' chamyet, eng' kayaneet, eng' tiliilindo.

1 TIMOTEO 5:10

ne kimwaitae ineendet poisyonik che myach; ngo kigo pai lagok, ngo ki kotaach toek, ngo kigoun keelyegap che tiliileen, ngo ki kotoret che nyalildos, ngo kigogiilgei eng' poisyet age tugul ne myee.

1 TIMOTEO 5:2

chebyosok ko uu kametisyek, kwonyiik che mengeechen ko uu tiibiik che otupche, eng' tiliilindo tugul.

TITO 1:8

ago ne taachei toek, ne chamei che myachen, ne pou kabwaatutikyik, ne po imanda, ne tiliil, ne riibegei;

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

TITO 2:2

si koriipkei poisyek che kagoeegitu, koek che po teegisto, che pou kabwaatutikwak, che po iman eng' kayaneet, eng' chamyet, eng' muitaet:

TITO 2:7

ibartegei inyeendet eng' tuguuk tugul iegu kaboorunet ne po poisyonik che myachen; eng' kaneetisyeng'ung' ibarte atebeet ne ma ng'emaksei,

TITO 3:14

Ak ingoneetkei piikyok ak icheek koyai poisyonik che myachen kotugul, agobo tuguuk che makyingei, si ma ek che mayiei logoek.

HEBRANIK 11:2

Amu ki kibaoryanjine nooto poisyek.

HEBRANIK 13:18

Osaa agobo acheek: amu kiyani keele ki tinyei kabwaatet ne myee, kimache ketebi eng' atebeet ne myee eng' tuguuk tugul.

JAKOBO 1:27

Kayaneet ne tiliil ne ma tinyei murwoonindo eng' taitap Kamuktaindet Kwanda, ko ni: kowendi kogeerei che ma tinyei sigiikwak ak mosoogik eng' nyalildanywa, ak koriipkei ineendet eng' ng'wony koek ne ma tinyei tisya.

JAKOBO 3:17

Ago utaatyet ne punu parak ko ne tai ko tiliil, yeityo ko po kaalyeet, ak komuitoi, ak kasei kiy ne kimwachin, ak ko nyiitaat rireenet ak logoek che myach, ama walaksei, ama tinyei chombilet.

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.

1 PETERO 4:8

ne siirei tuguuk tugul ko ochamyee miising' okweegei; amu tuchei chamyet chaang'indap tengekwogik:

2 PETERO 3:1

Chamanichu, parwaani asirwok nguno ko ne po aeng', ak eng' tuwai ang'eeti kabwaatutikwok che ma tinyei keniisyet ye agoonok obwaat;

1 JOHANA 3:18

Lagochu mengech, among' kecham eng' ng'olyoot, anan eng' ng'elyepta; ago eng' poisyet ak imanit.

1 JOHANA 3:3

Ak chii age tugul ne tinyei kamang'unoni agobo ineendet kotiliilegei, ko uu ye tiliil ineendet.

1 JOHANA 4:1

Chamanichu, amoyan chii age tugul, ago otyem ng'aang'et age tugul, ngot ko punu Kamuktaindet; amu ki komong'ji ng'wony maotik che chaang' che po lembech.

RUTH 3:11

Nooto anyun cheptonyu, meiywei; ayaun tugul chooto kemwa, amu ingen nganaseet tugul ne po piikyuk kole, ii kwondo ne tinyei atebeet ne nyolunot.