PILIPIK 1:27 - BUKUIT NE TILIIL Sireet ne Dutero Kanon

²⁷ Ago ingoek atebeeng'wong' ne nyoljin logoiywek che myach che po Kristo: si ngot anyoo ageerok anan ngo ma mi anee, amuuchi agas agobo atebeeng'wong', keele otonondosi komyee eng' sabeet agenge, eng' muguleldo agenge ogiiligei agobo kayaneetap logoiywek che myach;

Bukuit Ne Tilil

²⁷ Ago ingoek atebeeng'wong' ne nyoljin logoiywek che myach che po Kristo: si ngot anyoo ageerok anan ngo ma mi anee, amuuchi agas agobo atebeeng'wong', keele otonondosi komyee eng' sabeet agenge, eng' muguleldo agenge ogiiligei agobo kayaneetap logoiywek che myach;

BUKUIT NE TILIL

²⁷ Ago ingoek atebeng’wong’ ne nyoljin logoiywek che miach che bo Kristo: si ngot anyo ageerok anan ngo mami ane, amuchi agas agobo atebeng’wong’, kele otonondosi komie eng’ tamirmiriet agenge, eng’ muguleldo agenge ogiilige agobo kayanetab logoiywek che miach;

PILIPIK 1:27 Referencias Cruzadas

1 ATEPTAP PEETUUSYEK 19:12

Ki le Joab, “Ngot kogimegitu piigap Syria koterteera, itoreta; ago ngot kogimegitu lagogap Ammon koterteerin, atoretiin.

TIENWOGIKAL 122:3

Jerusalem, ne teegat ko uu nganaseet ne tuiyot.

TIENWOGIKAL 133:1

Ogeero, myee ne tya ak karaaran ne tya ye meng'indos che tupcho eng' yamdaet agenge!

KALEWANAIK 22:23

Amu ng'alaaldochin `Kamuktaindet ne Toroor icheek, ak koluul saboonwegap icheek che luulei.

JEREMIA 32:39

ak agoochi icheek muguleldo agenge ak ooreet agenge, si komuuch koiywea koigeny; si konyoor myeeindo ak lagokwak che isubi icheek:

MATAYO 12:25

Ki ingen ineendet kabwaatutikwak ak ki leenji, “Ng'emaksei laitornatet age tugul ne pcheat, ama tononi nganaseet anan koot age tugul ne pcheat.

POISYONIGAP CHE KIYOKTOI 2:46

Ki mi Hekaluut peetuut age tugul kotebyei eng' kabwaatet agenge, ak eng' putuletap magatyat eng' kaa ak ki amisyei eng' kaagaasetapkei, ak eng' muguleldo agenge,

POISYONIGAP CHE KIYOKTOI 24:24

Ago kingo pata peetuusyek alage, koit Felix, kobooto Drusila osotyonnyi, ne ki Chebyahudio, ak koyookto Paulo konyo, ak ki kas eng' ineendet agobo kayaneet eng' Kristo Jeso.

POISYONIGAP CHE KIYOKTOI 4:32

Ak ki po muguleldo agenge ak saboondo agenge tuiyet ne kiga koyan. Ma mwa chii agot agenge kole nenyi kiy age tugul ne ki tinyei, ago ki yamdoi tuguukwak tugul.

ROMANIK 1:16

Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

ROMANIK 1:5

ki kitaach eng' ineendet myeeindo ak kayooktoet, agoi kasetap iit ne po kayaneet eng' pororyosyek tugul amu kainennyi:

ROMANIK 1:9

Amu Kamuktaindet paoryandennyu, ne aoote eng' saboondanyu eng' logoiywek che myach che po Weeriinnyi, ale masise amwa agobo okweek kotugul eng' saautikyuk,

ROMANIK 10:8

Ago mwaei nee? “Neegitenen ng'olyoot, mi kuting'ung' ak mi muguleldang'ung'” nooto ko ng'olyootap kayaneet, ne ki amdoi;

ROMANIK 15:16

ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil.

ROMANIK 15:29

Ak angen ale, ye Anyoonjok, anyoone eng' nyiietap kaberuretap Kristo.

1 KORINTOEK 1:10

Asoomok miising' anyun, che kitupche, eng' kainetap Kiptaiyandennyo Jeso Kristo, ale, omwa tugul kiit agenge, si ma piit pesyosyek eng' kwenung'wong'; ago si oegu che ititaatiin kibagenge eng' kabwaatet agenge ak eng' kirwooget agenge.

1 KORINTOEK 15:58

Nooto anyun, che kitupche che achame, ogimegitu, among' king'eak, oyae otese kotugul poisyetap Kiptaiyat, amu ongen ole ma po puch poisyeng'wong' ne uui eng' Kiptaiyat.

2 KORINTOEK 13:11

Ne po let anyun, che kitupche, ko saisere. Oegu che chobootiin; oegu che po kagaigaet; oegu che po kabwaatet agenge; otebi eng' kaalyeet: ak mi Kamuktaindet ne po chamyet ak kaalyeet kobootok.

2 KORINTOEK 4:4

eng' icheek che katuch kamuktaindetap ng'wonyuni kabwaatutigap che ma iyani, si ma iluuchi icheek lapkeiyetap logoiywek che myach che po toroornatetap Kristo, ne ineendet ko itoondap Kamuktaindet.

2 KORINTOEK 9:13

amu tyemet ne po poisyoni kotoroori icheek Kamuktaindet amu kasetap iit ne po ng'ang'eng'wong' eng' logoiywek che myach che po Kristo, ak aiyebindap kagoitoeng'wong' eng' icheek, ak eng' tugul;

GALATYEK 1:7

che ma teer: kobatee mi alage che iimok, ak machei kowal logoiywek che myach che po Kristo.

EPESOEK 1:13

Ki ogas ak okweek eng' ineendet ng'olyootap imanit, logoiywek che myach che po yetuneng'wong' - eng' ineendet, ne kingo kaoyan, ko ki king'oochak eng' Kabuuset ne Tiliil ne po arorutyet,

EPESOEK 1:15

Amu niito anyun, kingo kaagas agobo kayaneet ne mi kwenung'wong', eng' Kiptaiyat Jeso, ak chamyet eng' tugul che tiliileen,

EPESOEK 4:1

Nooto anyun, anee ne aa kimonjororyot eng' Kiptaiyat, asoomok miising' ale obendate ko uu ye nyoljin kuurseet ne kigeguurok,

PILIPIK 1:5

amu yamdaeng'wong', eng' logoiywek che myach kobooch peetuut ne po tai agoi peetuuni;

PILIPIK 2:12

Nooto anyun, chamanikyuk, ko uu ye koogase iit kotugul, ma ye ami kityo, ago nguno ye ma mi ogase iit kosiir, oboisyee yetuneng'wong' kosulda eng' kaiyweisyet ak potanet;

PILIPIK 2:24

ago amang'u eng' Kiptaiyat ale anyoone aneendet agane ko neegit.

PILIPIK 3:18

Amu pendoti che chaang' che ki amwaiwok kotugul agobo icheek, ak nguno amwaiwok eng' riirek, ale icheeget ko puunigap kimurtoiyotap Kristo:

PILIPIK 3:20

Amu ki piigap kipsengwet: che kigeni Yetindet kobun olooto, Kiptaiyat Jeso Kristo:

PILIPIK 4:1

Nooto anyun, tupchosyekyuk chamanik, che ating'ee emosto, poiboiyennyu ak kuutweennyu, olumdegei anyun eng' Kiptaiyat, chamanikyuk.

KOLOSAIK 1:10

si obendate ko uu ye nyolu eng' Kiptaiyat, oboiboi ineendet, oitosi logoek eng' poisyet age tugul ne myee, ak otesage eng' naetap Kamuktaindet;

KOLOSAIK 1:4

ye ki ngegas agobo kayaneng'wong' eng' Kristo Jeso, ak chamyet ne oting'e tugul che tiliileen

1 THESSALONIKEK 3:6

Ago, ye kingo nyo Timoteo kobunu olong'wong', ak koibwech logoiywek che po poiboiyet che po kayaneng'wong' ak chamyet, ak otinye kabwaatet ne myee ne obwaatech kotugul, oting'enech emosto omache ogeerech, ko uu ye kimache agacheek kegeerok;

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

1 TIMOTEO 1:11

ko uu ye mwaei logoiywek che myach che po toroornatetap Kamuktaindet ne iberuurot, che ki kigoono atononji.

1 TIMOTEO 1:19

iname kayaneet ak kabwaatet ne myee; che, kingo kagometo alage, kong'emogis eng' kayaneet;

2 TIMOTEO 4:7

Ki ayai lugeet ne myee, kaagesu labatet, ki ariip kayaneet:

TITO 2:10

amaek che kooen eun, ago kobarta kayaneet tugul ne myee; si kobiit kogoochi icheek telunateet kaneetisyetap Kamuktaindet ne Yetindennyo eng' tuguuk tugul.

PILEMON 1:5

agase agobo chamyeng'ung', ak kayaneet ne itinye eng' Kiptaiyat Jeso, ak eng' che tiliileen tugul.

JAKOBO 3:18

Ak kegolei logoegap imanda eng' kaalyeet agobo icheek che yaei kaalyeet.

2 PETERO 3:11

Amu tuun chotoos tuguuchuuto tugul ko uu niito, ko nyolu oegu piik che uu nee eng' atebeet ne tiliil ak kayweetap Kamuktaindet,

2 PETERO 3:14

Nooto anyun, chamanichu, amu ogeni tuguuchooto, ogiilgei si tuun kenyoorwok omi eng' kaalyeet ko motinye tisya amotinye leluut eng' tainnyi.

JUDA 1:3

Chamanichu, ye ki agiiligei miising' asirwak agobo yetunet ne kiyamdoi, ageer ale nyoljino asirwak ateiywok ale ogiiljige miising' kayaneet ne ki kigoochi che tiliileen konyil agenge kityo.