NG'ATUTIK 7:6 - BUKUIT NE TILIIL Sireet ne Dutero Kanon

⁶ Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

Bukuit Ne Tilil

⁶ Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

BUKUIT NE TILIL

⁶ Amu i bororiet ne itabanat eng’ Jehovah Kamuktaindeng’ung’: kilewenin Jehovah Kamuktaindeng’ung’ iegu bororiet ne nenyi inegei, eng’ bororiosiek tugul che mi ng’ony.

NG'ATUTIK 7:6 Referencias Cruzadas

1 LAITORINIK 3:8

Ak mi otwogindeng'ung' kwenutap piiguk che ki ilewen, piik che chaang', che ma kimuuchi kiit anan ko kerar amu chaang'indo.

EZRAH 9:2

Amu ki kotun tiibiikwak, kotunji weeriikwak kot koburuigei keswoot ne tiliil ak piigap emotinwek, ee, che ki indochin pistooniito ko ki kandoik ak pounik.”

TIENWOGIKAL 114:2

koek Judah oldanyi ne tiliil, ak koek Israel pounatennyi.

TIENWOGIKAL 135:4

Amu ki kolewenjigei Kamuktaindet ne Toroor Jakobo, ak Israel koek kinnyi ne nenyi iman.

TIENWOGIKAL 50:5

“Oyumja piikyuk che tiliileen; chooto che ki kiyomiske ak icheek eng' tiseiywek!”

KOMONG'U 6:7

Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

ISAIAH 41:8

Ago inyee Israel, otwogindennyu, Jakobo ne ki alewen, iyoteetap chorwennyu Abraham;

ISAIAH 41:9

inyee ne ki anamin kobooch ole poochin ng'wony, ak aguurin imang'une luukwekyik, ak aleenjin, ii otwogindennyu, ki alewenin ama atimdoin;

ISAIAH 6:13

Ak ngot kota komi kebeberta agenge eng' taman, keamei kogeny, keetit ne kiguure alayet anan keetit age ne uu tarakwet, che ng'etu musugikwak ye kageep.” Uu nooto musugyet, iyoteet ne tiliil ko tigitikyik.

ISAIAH 62:12

Ak koguure icheek, Piik che tiliileen, Che ki kotyach Kamuktaindet ne Toroor: ak keguurenen, Ne Ki kicheeng', Nganaseet ne ma kimeto.

JEREMIA 2:3

Ki itabanat Israel agobo Kamuktaindet ne Toroor, tongoanigap ruratennyi. Tugul che amei ineendet kiityin ng'oogisto, nyoonjin yaityet icheek,” mwaei Kamuktaindet ne Toroor.

EZEKIEL 20:5

ak ileenji, mwaei Kiptaiyat Kamuktaindet ne Toroor kole: Eng' peetuut ne ki alewen Israel, ak ayogoochi eunnyu iyoteetap kootap Jakobo, ak aboorchigei icheek eng' emetap Misiri, ye ki ayogoochi eunnyu icheek aleenji, Aa Kamuktaindet ne Toroor Kamuktaindeng'wong';

ATEPTAP LAWIK 20:24

Ago ki amwaiwok aleenjok, ‘Onyabani emennywa, ak agoonok kobunjook emonooto nyiitaat cheego ak komi kumyat eng' chaang'indo.’ Aa Kamuktaindet ne Toroor Kamuktaindeng'wong', ne ki atabaanenak pororyosyek.

ATEPTAP LAWIK 20:26

Oegu che tiliileen eng' anee, amu aa tiliil anee Kamuktaindet ne Toroor, ne ki atabaanenak pororyosyek, si oegu chechuuk.

AMOS 3:2

Okweegei kityo che angen eng' ortinwek tugul che po ng'wony. Nooto anyun aiitwok pireet amu tengekwogikwok tugul.

MALAKI 3:17

Ak mwaei Kamuktaindet ne Toroor ne po lugoosyek kole, “Punjino icheek, eng' peetuut ne ayae icheek koek kinnyu ne nenyu aneege; ak ariiree icheek ko uu ye riiree chii weeriinnyi ne poisyechin.

POISYONIGAP CHE KIYOKTOI 13:17

Ki lewen Kamuktaindet ne po pichu Israel kwanisyekyok ak kotoroor pichooto ye ki punootik eng' emetap Misiri, ak ki imut icheek komong' eng' euut ne kiim.

ROMANIK 9:4

che Yahudik; che ki kiyai koek lagok, che neny wo toroornatet, ak kayomisutik, ak kagoitoetap Ng'atuutyet, ak otetap Kamuktaindet, ak arorutik;

NG'ATUTIK 14:2

Amu ii pororyet ne tiliil eng' Kamuktaindet ne Toroor Kamuktaindeng'ung' ak ki kolewenin Kamuktaindet ne Toroor iegu pororyennyi ne itabaanat kosiir pororyosyek tugul che mi ng'wony.

NG'ATUTIK 14:21

Amat oam ne kame ineegei. Imuuchi igoochi kiprutoiyot ne mi kurgotiguk koam anan ialdochi toondet: amu ii pororyet ne tiliil eng' Kamuktaindet ne Toroor Kamuktaindeng'ung'. Amat iyoe aarwetap ng'oroor cheegap kamet.

NG'ATUTIK 26:18

Kang'aany Kamuktaindet ne Toroor rani kole, ii pororyet ne ki kitabaanin iegu nenyi, ko uu ye ki iarorun ak si kobiit iriip ng'atuutikyik tugul,

NG'ATUTIK 26:19

ak koyain itororitu isiir pororyosyek tugul che ki yai ineendet, eng' kalasunet ak kainet ak teegisto, si iegu pororyet ne tiliil eng' Kamuktaindet ne Toroor Kamuktaindeng'ung', ko uu ye ki mwa.”

NG'ATUTIK 28:9

“Ngiriip ng'atuutigap Kamuktaindet ne Toroor Kamuktaindeng'ung', iwendote ortinwekyik, kogimitin Kamuktaindet ne Toroor iegu pororyennyi ne tiliil ko uu ye ki iyasyeun.

NG'ATUTIK 33:3

Ee, ichame pororyosyeguk; mi eung'ung' piikyik tugul che tiliileen. Ing'uruukyin ole po keelyeguk, ak taachei age tugul eng' ng'aleeguk.

NG'ATUTIK 4:20

Ago konamak Kamuktaindet ne Toroor, ak komutwak omang'une maatap karnet eng' Misiri oegu piigap porotennyi ko uu rani.

NG'ATUTIK 4:37

Amu ki chamei kwanisyeguk, kolewen anyun ineendet iyotennywa ne piitu let ak komoong'un eng' Misiri komi kobooten eng' kimnateennyi ne oo.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

2 PETERO 2:5

ak ngot ko ki ma riiree `inee ng'wonyut ne po keny, ago nganda ki riip Noah, amdoindet ne po imanda, ak piik alak tisap ye kingo ipchi maraneet ng'wonyutap piik che ma iywei Kamuktaindet;

2 PETERO 2:9

ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi.

1 SAMUEL 12:22

Kosupkei ak kainennyi ne oo, koma pagaaktoi `Kamuktaindet ne Toroor piikyik amu ki cham ineendet koyaak oegu piikyik.