NG'ATUTIK 7:10 - BUKUIT NE TILIIL Sireet ne Dutero Kanon

¹⁰ Yaakyin mugetuut kong'emei che wechei ineendet ne matiny: ma igaigei eng' ne wechei, igeerchin kimni.

Bukuit Ne Tilil

¹⁰ Yaakyin mugetuut kong'emei che wechei ineendet ne matiny: ma igaigei eng' ne wechei, igeerchin kimni.

BUKUIT NE TILIL

¹⁰ ak koyaakyi mugetut che wechei inendet kegeerei, si kong’em ichek: maigaigei eng’ ne wechei, igeerjin kegeerei.

NG'ATUTIK 7:10 Referencias Cruzadas

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

KOMONG'U 34:7

ne italachingei eliphuusyek, ne nyochin kaat piik tengekto ak pistoet ak chalwokto, ma pagaaktoi kiptengekyot age tugul. Igeerchin lagok tengektap kwanisyekwak ak eng' lagogap lagokwak agoi ibindap somok ak ne po ang'wan.”

KALEWANAIK 11:31

Ngot kigeerchin ne po iman eng' ng'wony, kotam nee anyun chiito ne ya ak ko kiptengekyot!

ISAIAH 59:18

Yaakyin icheek ko uu poisyonikwak, nereegek che ng'woneen eng' puunikyik, yaaktaet eng' puunikyik; yaakyin ngeguusyek ko uu ye nyoljin.

JEREMIA 32:18

inyee ne iriiree eliphuusyek, ak igeerchini tengekwogigap kwanisyek tegetigap lagokwak che isubi icheek: Kamuktaindet ne Toroor ne oo, ne po kamuktaet, kainennyi ko Kamuktaindet ne Toroor ne po lugoosyek;

NAHUM 1:2

Kamuktaindet ne Toroor ko Kamuktaindet ne amei ng'etkong' ak koyaaktoi mugetuut; yaaktoi Kamuktaindet ne Toroor mugetuut ak tinyei nereek; yaakyin Kamuktaindet ne Toroor mugetuut puunikyik, ak kogonorchin puunikyik nereegek.

KAITOSYEK 10:35

Atkai tugul ye kingwo tai moinget, kole anyun Musa, “Ng'eet, ee Kamuktaindet ne Toroor, Ingoiyesta puuniguk ak ingomwei eng' taing'ung' che wechin.”

KAITOSYEK 14:18

‘Ma sip konereechi Kamuktaindet ne Toroor ak ko nyiitaat rireenet, ne nyochin kaat tengekto ak pistoet ama nyochin kaat puch kiptengekyot; ago iityin lagok agobo tengektap kwanisyekwak agoi ibinda ne po somok ak ne po ang'wan.’

ROMANIK 12:19

Chamanichu, amoyaakte mugetuut, ago ogoochi poroindo nereegek: amu siraat kole, “Nenyu yaaktaetap mugetuut; ayaaktoi, mwaei Kiptaiyat.”

NG'ATUTIK 32:25

Eng' ole po saang', korebisyei rotwetap chok, ak eng' ko, kobiitu kamuiset; Parei muren ak pergeiyat, Ne chuchuni ak chiito ne po kalwalek.”

NG'ATUTIK 32:35

Nenyu mugetuut ak kageeret. Neegit peetuut ne kagochabaita keelyekwak: Karik peetuutap nyalildanywa, ak chogu tuguuk che pwaanjin icheek.

NG'ATUTIK 32:41

Ngalit rotwennyu po chok ne ilyeli, ak konam eunnyu kirwooget, ayaakyini mugetuut puunikyuk, ageerchini che wecho.

NG'ATUTIK 5:9

Ameng'uruukyi anan ioot. Amu anee Kamuktaindet ne Toroor Kamuktaindeng'ung', ko aa Kamuktaindet ne amei ng'etkong'. Ageerchini lagok tengektap kwanisyekwak agoi ibinda ne po somok ak ne po ang'wan eng' icheek che wecho.

NG'ATUTIK 7:11

Riip anyun ak iyai ng'atuutik, kaneetisyosyek ak kirwoogutik che kang'atiin rani.

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.