NG'ATUTIK 4:9 - BUKUIT NE TILIIL Sireet ne Dutero Kanon

⁹ Riipkei anyun, ak iriip saboondang'ung' eng' kagiiletapkei, si meutye tuguuk che ki keer konyeguk ak si ma manda eng' muguleldang'ung' eng' peetuusyeguk tugul che po sabeeng'ung'; agoi ineet lagoguk tuguuchuuto ak mochogoroniguk.

Bukuit Ne Tilil

⁹ Riipkei anyun, ak iriip saboondang'ung' eng' kagiiletapkei, si meutye tuguuk che ki keer konyeguk ak si ma manda eng' muguleldang'ung' eng' peetuusyeguk tugul che po sabeeng'ung'; agoi ineet lagoguk tuguuchuuto ak mochogoroniguk.

BUKUIT NE TILIL

⁹ Ripgei anyun, ak irib sobondang’ung’ eng’ kagiiletab ge, si meutie tuguk che kigeer konyeguk, ak si mamanda eng’ muguleldang’ung’ eng’ betusieguk tugul che bo sobeng’ung’; agoi inet lagoguk tuguchuto ak mochogoroniguk;

NG'ATUTIK 4:9 Referencias Cruzadas

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

TIENWOGIKAL 119:11

Kaagonoree muguleldanyu ng'olyoondeng'ung'. si ma yaun tengek.

TIENWOGIKAL 71:18

Ee, ye tuun kaaositu, asich kalwalek, ko mebagaakta, ee Kamuktaindet; agoi amwachi kimnateng'ung' ibinda ne nyoonei, amwachi kamuktaeng'ung' age tugul ne piitu.

KOMONG'U 10:2

Si kobiit omwa kogas lagokwak ak mochogorenikwok ole ki aite Misiriik koek che perber, ak kaboorunoikyuk che ki ayai eng' kwenunnywa, si onai ole aa Kamuktaindet ne Toroor.”

KOMONG'U 23:13

Riip tuguuk tugul che kaamwaun. Amat imwa kainaigap kamuktaik, amat kegasyi kutinng'ung'.

KALEWANAIK 1:8

Weeriinnyu, epchi iit kaneetisyetap kwandang'ung', amemete ng'atuutyetap kamenng'ung'.

KALEWANAIK 23:26

Weeriinnyu, koono muguleldang'ung', ingobaibaitune konyeguk ortinwekyuk.

KALEWANAIK 3:21

Weeriinnyu, amengoistoenengei chooto eng' taing'ung'; isup utaatyet ne ititaat ak ruchiinet.

KALEWANAIK 7:1

Weeriinnyu, riip ng'aleekyuk, ak igonorchigei kayomisutikyuk.

ISAIAH 38:19

Ilasun che saptos, ee che saptos, ko uu ye alasun ra. Iboorchin `kwanisyek lagok imandang'ung'.

ISAIAH 42:20

Igeere tuguuk che chaang', ago meguitosi; yaatatin itiikyik, ago ma kasei.

JEREMIA 17:21

Mwaei Kamuktaindet ne Toroor kole: Oriipkei, amoip laut age tugul eng' peetuutap sabato, anan oibu kobun ormariichogap Jerusalem;

LUKA 8:18

“Oriipkei anyun eng' ole ogastoi: amu age tugul ne tinyei ko tuun kigoochin; ak ineendet ne ma tinyei ko tuun kirebe agot ne leen tinyei.”

EPESOEK 6:4

Ak okweek, kwanisyechu, amotachatachi lagokwok, si konereekso: ago obai icheek eng' atep ne myee ak katigonetap Kiptaiyat.

NG'ATUTIK 11:19

Oneet lagokwok chooto ye ong'alaaldosi, ye itebye eng' koong'ung', ye iwendoti, ye irue ak ye ing'eete.

NG'ATUTIK 12:1

“Chu kirwoogutik ak atebosyek che tuun oriibe oyae eng' emet ne ki koonok Kamuktaindet ne Toroor, Kamuktaindetap kwanisyeguk, kobunjiin kotee osaptosi eng' ng'wony.

NG'ATUTIK 16:3

Ameam magatiinik che ki kinde mermereek. Am eng' peetuusyek tisap magatiinik che ma kinde mermereek, chooto magatinigap nyalilda; amu ki imang'une emetap Misiri eng' kagirgiret si ibwaat peetuut ne ki imang'une emetap Misiri kotee isabe.

NG'ATUTIK 17:19

Ngo tepto ak kosoman ko tee kosabei, si koneetkei koywei Kamuktaindet ne Toroor Kamuktaindennyi, koriip ak koyai ng'aleek tugul che po ng'atuutyoni ak kaneetisyosyechu.

NG'ATUTIK 29:29

Po Kamuktaindet ne Toroor, Kamuktaindennyo tuguugap ung'oot: ago chechook ak lagokyok koigeny tuguuk che ng'ang'atiin, si kobiit keyai ng'aleek tugul che po ng'atuutyoni.

NG'ATUTIK 31:19

“Osirchigei anyun nguno tyeni, si ineet piigap Israel. Inde kutusweekwak si koek paoryandennyu tyeni agobo piigap Israel.

NG'ATUTIK 32:46

koleenji, “Onde mugulelwekwok ng'aleechu tugul kabaoryanwok ra; che tuun ong'ate lagokwok koriip koyai ng'aleek tugul che po ng'atuutyoni.

NG'ATUTIK 4:10

Eng' peetuut ne ki itonone taitap `Kamuktaindet ne Toroor Kamuktaindeng'ung' eng' Horeb, ye ki leenjo `Kamuktaindet ne Toroor, Iyumwa piik ak agoochi kogas ng'aleekyuk si koneetkei koiywea eng' peetuusyekwak tugul komi ng'wony ak si koneet lagokwak.

NG'ATUTIK 4:15

Oriipkei anyun miising'; amu ki ma ogeer itoon age tugul eng' peetuut ki ng'alaalwok Kamuktaindet ne Toroor eng' Horeb eng' maat.

NG'ATUTIK 4:23

Oriipkei anyun si moutye kayomisetap Kamuktaindet ne Toroor Kamuktaindeng'wong', ne ki yai kobootok, oyai kanamwet eng' kergeindap kiy age tugul ne kietenen Kamuktaindet ne Toroor Kamuktaindeng'ung'.

NG'ATUTIK 6:12

iriipkei anyun si meutye Kamuktaindet ne Toroor ne ki imutun imang'une emetap Misiri eng' kootap otwoknateet.

NG'ATUTIK 6:2

si kobiit igonyit Kamuktaindet ne Toroor Kamuktaindeng'ung', inyee ak weeriing'ung' ak mochogoreng'ung' eng' peetuusyeguk tugul kotee isabe. Ak iriip kaneetisyosyekyik tugul ak ng'atuutikyik che ang'atiin, si kochang'a peetuusyeguk.

NG'ATUTIK 6:20

Ye tuun teebenen weeriing'ung' kole po nee paornatosyek, kaneetisyosyek ak kirwoogutichu king'ataak Kamuktaindet ne Toroor, Kamuktaindennyo?

NG'ATUTIK 6:7

Ineet lagoguk eng' kagiiletapkei: ng'alaale ye itebye ng'wony eng' koong'ung', ye iwendi eng' ooreet, ye irue ak ye ing'eete.

NG'ATUTIK 8:11

“Riipkei anyun si meutye Kamuktaindet ne Toroor Kamuktaindeng'ung' ak imete ng'atuutikyik, kirwoogutikyik ak kaneetisyosyechooto kang'atiin rani.

NG'ATUTIK 8:14

Memeen anyun ak iutye Kamuktaindet ne Toroor Kamuktaindeng'ung' ne ki imutun imang'une emetap Misiri eng' kootap otwoknateet,

HEBRANIK 2:1

Eng' nooto anyun kanyool kenam miising' kosiir tuguuchooto ki kegas, si ma kichuchuige.

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

JAKOBO 2:22

Igeere ile kibois kayaneet kobooto poisyonikyik, ak ki ek kayaneet ne ititaat eng' poisyonik,

JOSHUA 1:18

Chii age tugul ne kabisto chooto ing'ate, ama kas iit ng'aleeguk, kiy age tugul ne keng'at, kebarei. Kimitu ak inyiganitu miising'.”

JOSHUA 23:11

Oriipkei anyun miising' si ocham Kamuktaindet ne Toroor Kamuktaindeng'wong'.

JOSHUA 4:21

Ki ng'alaalji piigap Israel koleenji, “Ye tuun teebee lagokwok kwanisyekwak eng' peetuusyek che pwoonei koleenji ibooru nee koichu,

NG'ANG'UTYET 3:3

Ibwaat anyun nooto kiitaach ak ki igas; iriip, ak isigu. Ngot ko meriipse anyun, anyoone ko uu choriindet, amenae sait ne anyoonjinenen.

KIRUOGIK 3:7

Ki yai ne ya piigap Israel eng' taitap Kamuktaindet ne Toroor, koutye ineendet kamuktaindennywa ak koot Baalik ak Aserot.

KIRUOGIK 8:34

Ak ma ibwaat piigap Israel Kamuktaindet ne Toroor Kamuktaindennywa, ne ki sar icheek eng' eunegap puunikwak tugul che ki mi komosta age tugul.