NG'ATUTIK 4:37 - BUKUIT NE TILIIL Sireet ne Dutero Kanon

³⁷ Amu ki chamei kwanisyeguk, kolewen anyun ineendet iyotennywa ne piitu let ak komoong'un eng' Misiri komi kobooten eng' kimnateennyi ne oo.

Bukuit Ne Tilil

³⁷ Amu ki chamei kwanisyeguk, kolewen anyun ineendet iyotennywa ne piitu let ak komoong'un eng' Misiri komi kobooten eng' kimnateennyi ne oo.

BUKUIT NE TILIL

³⁷ Amu kichamei kwanisieguk, kolewen anyun inendet iyotenywa ne biitu let, ak komoong’un eng’ Misri ko mi koboten, eng’ kimnatennyi ne o;

NG'ATUTIK 4:37 Referencias Cruzadas

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

TIENWOGIKAL 32:8

Atigoonin ak aneetiin eng' ooreet ne ibune. Ageerotin ak ang'omitin.

TIENWOGIKAL 34:15

Tokyingei konyegap Kamuktaindet ne Toroor che po imanda, ak kasei itiikyik riirekwak.

TIENWOGIKAL 44:3

Amu ma nam emet eng' rotonikwak po chok, ama sar icheek `eunekwak; ago eung'ung' ineegei ne po tai, ak lapkeiyetap togeng'ung', ko ki icham icheek.

KOMONG'U 12:41

Kingo pata kenyisyechooto pogol ang'wan ak sosom, komanda eng' peetuunooto lugoosyek tugul che po Kamuktaindet ne Toroor eng' emetap Misiri.

KOMONG'U 12:51

Ak ki imaanda Kamuktaindet ne Toroor peetuunooto piigap Israel eng' emetap Misiri eng' lugosyekwak.

KOMONG'U 13:14

Ye tuun teebenen weeriing'ung' eng' peetuusyek che pwoonei, koleenjin, ‘Amu nee si keyai ko uu niito?’ Ileenji anyun, ‘Ki imoong'wech Kamuktaindet ne Toroor eng' Misiri eng' kootap otwoknateet, eng' euut ne kiim.

KOMONG'U 13:3

Yeityo koleenji `Musa piik, “Obwaat anyun peetuuni ki omang'une Misiri kootap otwoknateet. Amu ki imoong'wok Kamuktaindet ne Toroor eng' kimnateetap eunnyi omang'une olooto. Eng' peetuuni anyun koma ki amei magatiinik che kaginde mermereek.

KOMONG'U 13:9

Ak tuun egu nooto kaboorunet eng' eung'ung' ak koek kabwaatet ne mi kwenutap konyeguk si kobiit kotebee ng'atuutigap Kamuktaindet ne Toroor kuting'ung'. Amu ki imoong'wok Kamuktaindet ne Toroor omang'une Misiri eng' euut ne kiim.

KOMONG'U 33:14

Ak ki le Kamuktaindet, “Kibendi tuwai ak agoonin kamuung'et.”

ISAIAH 43:4

Amu koiegu eng' anee ne achame miising', ak ne kigonyiti, ak ki achamin; agoitoi anyun piik agobo inyee, ak agoite piik agobo sabeeng'ung'.

ISAIAH 63:9

Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

JEREMIA 31:1

Mwaei Kamuktaindet ne Toroor kole, aegu eng' peetuusyechooto Kiptaiyat Kamuktaindetap ortinwek tugul che po Israel, ak koek piikyuk.

JEREMIA 31:3

Kimong'jo Kamuktaindet ne Toroor koloo, koleenjo, Ee, ki achamin eng' chamyet ne po koigeny; ak ki atestai achamin eng' konyit.

MALAKI 1:2

Ki achamak, mwaei Kamuktaindet ne Toroor. Ago omwae ole, “Ki ichamenech nee?” Komwa Kamuktaindet ne Toroor kole: Tos ki ma ko ng'eetap kametap `Jakobo Esau? Nga uu nooto ko ki acham Jakobo;

KAITOSYEK 20:16

Kingeriirchi Kamuktaindet ne Toroor kogas riirekyok ak ki iyook malaikaiyat konyo komutwech kemang'une Misiri. Ki mi nguno Kadesh, nganaseet ne mi kiwoteng'ung' taban.

ROMANIK 9:5

ne chechwaak kwanisyek, ak nenywa Kristo eng' atebeetap poorto. Iberuurot koigeny Kamuktaindet, ne pou tugul. Amen.

NG'ATUTIK 10:15

Ago ki paibait Kamuktaindet ne Toroor eng' kwanisyeguk ki cham icheek ak kolewen iyotennywa ne piitu let, ne chooto ko okweek eng' piik tugul, ko uu rani.

NG'ATUTIK 23:5

Nga ki yai ko uu nooto ko ki ma kasyi `Kamuktaindet ne Toroor Kamuktaindeng'ung' Balaam, ago ki iweech `Kamuktaindet ne Toroor Kamuktaindeng'ung' chubisyet koek kaberuret, amu ki chamin `Kamuktaindet ne Toroor Kamuktaindeng'ung'.

NG'ATUTIK 33:12

Ki le agobo Benjamin, “Meng'iisyei chamaneetap Kamuktaindet ne Toroor eng' kaalyeet eng' ye neegitee ineendet. Tuchei peet komugul, Ak komenyei kwenutap tigigoikyik.”

NG'ATUTIK 33:3

Ee, ichame pororyosyeguk; mi eung'ung' piikyik tugul che tiliileen. Ing'uruukyin ole po keelyeguk, ak taachei age tugul eng' ng'aleeguk.

NG'ATUTIK 4:34

Anan kityem Kamuktaindet au komutyigei pororyet eng' pororyet age, eng' tyemuutik, eng' kaboorunoik, eng' kwang'utik, eng' pooryeet ak eng' euut ne kiim ne chuulaat eng' kamuisosyek che eecheen ko uu tugul che kiyaiywok Kamuktaindet ne Toroor Kamuktaindeng'wong' eng' Misiri eng' taitap konyekwok?

NG'ATUTIK 7:6

Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

NG'ATUTIK 9:5

Ma eng' imandang'ung' anan atebeeng'ung' ne myee, ne kagoonin inam emennywa. Ago oonei `Kamuktaindet ne Toroor Kamuktaindeng'ung' pororyosyechu eng' taing'ung' amu sogornatennywa, si kobiit kogimit Kamuktaindet ne Toroor ng'olyoot ne ki iyasyechi kwanisyeguk Abraham, Isak ak Jakobo.