NG'ATUTIK 4:25 - BUKUIT NE TILIIL Sireet ne Dutero Kanon

²⁵ Ye tuun kaomeng'iisye eng' emet ak osich lagok ak mochogoronik, ak ngo namgei ak oyai kanamwet eng' kergeindap kiy age tugul, ak oyai ne ya eng' taitap Kamuktaindet ne Toroor Kamuktaindeng'ung' otach ineendet,

Bukuit Ne Tilil

²⁵ Ye tuun kaomeng'iisye eng' emet ak osich lagok ak mochogoronik, ak ngo namgei ak oyai kanamwet eng' kergeindap kiy age tugul, ak oyai ne ya eng' taitap Kamuktaindet ne Toroor Kamuktaindeng'ung' otach ineendet,

BUKUIT NE TILIL

²⁵ Ye isich lagok, ak mochogoronik, ak koga omeny emet keny, ak ong’emgei, ak oyai kanamwet eng’ kergeindab kiy age tugul, ak oyai ne ya eng’ taitab Jehovah Kamuktaindeng’ung’, otach inendet;

NG'ATUTIK 4:25 Referencias Cruzadas

2 LAITORINIK 21:2

Ki yai yaityet eng' taitap Kamuktaindet ne Toroor, koosup tuguuk che kiwechei che po pororyosyek, che ki oon Kamuktaindet ne Toroor eng' taitap piigap Israel.

TIENWOGIKAL 78:58

Kitach ineendet kot konereech eng' oldinwekwak che sutotin, Ak ki igoochi ineendet ng'etkonda eng' kanamonikwak che ki kiwai.

KOMONG'U 20:4

Ameyachigei kanamwet anan itoondap kiy age tugul ne mi parak kipsengwet anan ne mi ng'wony anan ne mi nyanjet ng'wony oriit;

KOMONG'U 32:7

Ki ng'alaalji `Kamuktaindet ne Toroor Musa koleenji, “Ui, choortegei; amu kagong'emgei piiguk che ki imutu komang'une emetap Misiri.

EZEKIEL 8:10

Ki awe anyun oriit, ak ageer, ak ogeero, kimi itoondap age tugul ne po tyong'ik che ichuutegei, ak tyong'ik che kiwechei, ak kanamonik tugul che po kootap Israel, che ki kisirchi itoonwekwak tooteet komoswekwak tugul.

HOSEA 9:17

Oone Kamuktaindennyu icheek, amu ki ma kas iit ineendet: ak koek piik che ombenioti eng' pororyosyek.

HOSEA 9:9

Kigong'emgei miising', ko uu eng' peetuusyegap Gibea: ibwaati ineendet tengektonywa, iityin pireet amu tengekwogikwak.

1 KORINTOEK 10:22

Anan kitache Kiptaiyat konyoor ng'etkong'? Tos ki kiimeen kosiir ineendet?

NG'ATUTIK 16:22

Amat iteech toloiwagap kanamonik, amu wechei `Kamuktaindet ne Toroor Kamuktaindeng'ung'.

NG'ATUTIK 27:15

“Chuboot ne yaei kanamwet ne wechei Kamuktaindet ne Toroor nooto ne kiwaei anan kiy ne kitaanyi eng' musoknateet ak kelumda eng' ung'oot.” Ak kowol piik tugul kole, Amen!

NG'ATUTIK 28:45

“Pwonjinin anyun chubisyosyechu tugul, koonaatiin agoi konamin ak kong'emin. Amu ma iepchi iit kutitap Kamuktaindet ne Toroor Kamuktaindeng'ung' iriip ng'atuutikyik ak kaneetisyosyekyik che king'atin

NG'ATUTIK 28:61

Kogeny ko ibun Kamuktaindet ne Toroor myando age tugul ak koroito age tugul ne ma ki sirchi bukuitap ng'atuutyoni, agoi kiwong'un.

NG'ATUTIK 30:18

aboorwok rani ale olustosi iman ak koma chaang'itu peetuusyekwok eng' emet ole olang'jini eng' Jordan iwendi inam.

NG'ATUTIK 30:19

Kaaguur kipsengwet ak ng'wony kobaoryanjok rani ale, kande taing'ung' saboondo ak meet, kaberuret ak chubisyet. Lewen saboondo anyun, si isap, inyee ak iyoteng'ung'.

NG'ATUTIK 31:29

Amu angen ale ye kaamei ong'emge miising' kot, omastoi eng' ooreet ne ki ang'ataak ak koityok yaityet eng' peetuusyek che po let. Amu omache oyai yaityet eng' taitap Kamuktaindet ne Toroor otach ineendet amu poisyonigap eunekwok.”

NG'ATUTIK 32:5

King'emgei eng' taitap Kamuktaindet ne Toroor; kalilano eng' icheek amu ma ko lagokyik icheeget; icheek ko pororyet ne ngelelyo ago mastaat.

NG'ATUTIK 4:16

Ama mong'emgei oyachigei kanamwet eng' kergeindap kiy age tugul: Eng' itoondap muren anan kwony,

NG'ATUTIK 4:23

Oriipkei anyun si moutye kayomisetap Kamuktaindet ne Toroor Kamuktaindeng'wong', ne ki yai kobootok, oyai kanamwet eng' kergeindap kiy age tugul ne kietenen Kamuktaindet ne Toroor Kamuktaindeng'ung'.

JOSHUA 23:16

“Ngo ngelelji kayomisetap Kamuktaindet ne Toroor Kamuktaindeng'wong', ne king'ataak ak obe oot kanamonik ak ogutung'ji, kolaldos anyun nereegegap Kamuktaindet ne Toroor agobo okweek ak ochakte obegu, owong'ugei eng' emoni karaaran kigogoonok ineendet.”

JOSHUA 24:20

Ngot omete Kamuktaindet ne Toroor ak oot kamuktaik che too, koweeksei anyun ak koyaiywok ne ya ak kogeswok, ago kiga koyaiywok ne myee.”