NG'ATUTIK 4:19 - BUKUIT NE TILIIL Sireet ne Dutero Kanon

¹⁹ Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.

Bukuit Ne Tilil

¹⁹ Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.

BUKUIT NE TILIL

¹⁹ si ma ye inyal barak, igeer asista ak arawet ak kecheik, agot chang’indo tugul che mi kipsengwetisiek, kochuutin iwe isa tukchoto, ak iot tuguchoto kigopchechi Jehovah Kamuktaindeng’ung’ bororiosiek tugul che mi kureretab kipsengwetisiek.

NG'ATUTIK 4:19 Referencias Cruzadas

TAUNET 1:14

Komwa Kamuktaindet kole, “Ingobiit tuguuk che iluu eng' soetap kipsengwet, si kobiit koobeesyo peet ak kemoi, si koek chooto kaboorunoik che po peetuusyek, arawek ak kenyiisyek,

TAUNET 2:1

Ki kigees anyun yaetap kipsengwet ak ng'wony ak chaang'indonywa tugul.

2 LAITORINIK 17:16

Ki meto icheek ng'atuutik tugul che po Kamuktaindet ne Toroor Kamuktaindennywa, ak koyachigei moek aeng' che po kanamonik che ki kitany ak ki yai Asera. Kigutung'ji icheek tuguuk tugul che po kipsengwet, ak koot Baal.

2 LAITORINIK 21:3

Amu ki teech kogeny komoswek che torooreen che kiga kobut Hezekiah kwandanyi; kiteekyi Baal kapkorosusyek ak koyai Asera ko uu ye kiga yai Ahab laitoryatap Israel. Kigutung'ji ineendet tuguuk tugul che po kipsengwet ak koot.

2 LAITORINIK 23:11

Ki isto paraisisyek che kiga kogoochi laitorinigap Judah asiista. Ki mi ye kimandoe kebendi kootap Kamuktaindet ne Toroor, ye neegitee kootap Natan-melek riibindet, ne mi serem. Ki peel kariisyek che po asiista eng' maat.

2 ATEPTAP PEETUUSYEK 33:3

Ki teech komoswek che torooreen che kiga kobut kwandanyi Hezekiah, kiteekyi Baalik kapkorosusyek ak koyai Aserot. Kigutung'ji tuguuk tugul che po kipsengwet ak koot chooto.

NEEMIA 9:6

Ii Kamuktaindet ne Toroor, inyee inyegei; ki iyai kipsengwet, kipsengwet ne po kipsengwet kobooto tuguukwak tugul, ng'wony ak tuguuk tugul che mi olooto, nyanjosyek ak tuguuk tugul che miitei, ak iriibe tuguuchooto tugul ak kolasun lugeet tugul ne po kipsengwet.

TIENWOGIKAL 19:3

Ma mi ng'alaalet anan ng'aleek; ma kigasei tweguunennywa.

JEREMIA 19:13

ak kogergeit kooriigap Jerusalem, ak kooriigap laitorinigap Judah, che ki king'wanit, ak komostap Topet, kooriik tuguuk che kibeelee icheek paragunnywa nyamdutik kobeeljine tuguuk tugul che po kipsengwet, ak ki koroong'ji kagoochinoik che kieei, kanamonik che teer.

JEREMIA 31:35

Mwaei Kamuktaindet ne Toroor, ne koonu asiista koek lapkeiyet peet, ak ng'atuutik che ki king'at agobo arawet ak kecheik si koek lapkeiyet kemoi, ne wasei nyanjet, kot komoror mildaennyi pogei; kainennyi ko Kamuktaindet ne Toroor ne po lugoosyek, mwaei kole:

JEREMIA 33:25

Mwaei Kamuktaindet ne Toroor kole: Ngot koma tononi arorutyennyu ne po peet ak ne po kemoi, ngot koma ande ng'atuutigap kipsengwet ak che po ng'wony;

JEREMIA 8:2

Kimaae eng' asiista ak eng' arawet ak eng' taitap tuguuk tugul che po kipsengwet, che kiga kocham, che kiga koot, che kiga kosubot, che kiga kocheeng'at ak che kiga kolas. Ma kiyumi anan ketup, ago egu keturek eng' emet.

EZEKIEL 18:6

ak tomo koamisye tuloonook, ama tokyi kanamonik che po kootap Israel, ama ing'wanit osotyotap chiitap kokwennyi, ama riikyi kwony eng' peetuusyekyik che po arawet;

EZEKIEL 8:16

Ak ki imutwaa seremut ne po oriit ne po kootap Kamuktaindet ne Toroor, ak ogeero, kimi piik che neegit tiptem ak muut eng' kurgeetap Hekaluutap Kamuktaindet ne Toroor, eng' kwenutap keterut ak kaptisisyet, che kaituktoochi patai Hekaluutap Kamuktaindet ne Toroor, ak kotokyigei kong'asiis; ak ki sa asiista kotokyingei kong'asiis.

SEPANIA 1:5

ak icheek che ilasu tuguuk tugul che po kipsengwet, eng' kooriik parak; kobooto icheeget che ilasu, che iyasyechin Kamuktaindet ne Toroor, ak koyastos eng' kainetap Malkam;

MATAYO 5:45

si oegu weeriigap Kwandang'wong' ne mi kipsengwet; amu igoochin asiistanyi kochorchi che yaach ak che myach, ak iyookyin ropta che po imanda ak che ma po imanda.

POISYONIGAP CHE KIYOKTOI 7:42

Ago ki ituktoochi patai Kamuktaindet icheek, ak kogoito icheek koot lugeetap kipsengwet; ko uu ye siraat eng' bukuitap maotik, keele: ‘Tos ki ogoono che kiyagi che kageeny ak tiseiywek eng' kenyiisyek artam eng' surkwen, Ee kootap Israel?

ROMANIK 1:25

amu ki wal imanitap Kamuktaindet kowale lembeita, ak kolas ak koot kiit ne ki kiyai kosiir Yaindet, ne iberuurot koigeny. Amen.

NG'ATUTIK 13:10

Lach eng' koik kot kome amu ki cheeng'ei komaasin imete Kamuktaindet ne Toroor Kamuktaindeng'ung' ne ki imutun imang'une emetap Misiri eng' kootap otwoknateet.

NG'ATUTIK 13:5

Kibarei maotyondonooto anan karwotitoindonooto amu kamwa kiit ne ibeeti piik kobagaakta Kamuktaindet ne Toroor Kamuktaindeng'wong', ne ki imutwok omang'une emetap Misiri, ne ki ityaachak eng' kootap otwoknateet. Kibarei ineendet amu katyem kole komaasin eng' ooreet ne king'atin Kamuktaindet ne Toroor Kamuktaindeng'wong' iwendote. Iste anyun ko uu nooto yaityet eng' kwenung'ung'.

NG'ATUTIK 17:3

ak kwo koot kanamonik kogutung'ji anan asiista anan arawet anan age tugul ne po chaang'indap kipsengwet ne ma ang'at,

NG'ATUTIK 4:18

Anan itoondap kiy age tugul ne ichuutegei ng'wony, anan itoondap njiryot age tugul ne mi peek che mi ng'wony oriit.