NG'ATUTIK 33:28 - BUKUIT NE TILIIL Sireet ne Dutero Kanon

²⁸ Meng'iisyei anyun Israel eng' kaalyeet, Kondap peek ne po Jakobo ineegei. Eng' emet ne po peek ak divaik. Ee, isau kipsengwetisyekyik rewoot.

Bukuit Ne Tilil

²⁸ Meng'iisyei anyun Israel eng' kaalyeet, Kondap peek ne po Jakobo ineegei. Eng' emet ne po peek ak divaik. Ee, isau kipsengwetisyekyik rewoot.

BUKUIT NE TILIL

²⁸ Meng’isiei anyun Israel eng’ kalyet, Kondab beek ne bo Jakobo inegei, Eng’ emet ne bo bek ak divaik; Ee, isau kipsengwetisiekyik rewot.

NG'ATUTIK 33:28 Referencias Cruzadas

TAUNET 27:28

Ingogoonin Kamuktaindet rewootap kipsengwet, ak akwaiyetap ng'wony, ak chaang'indap peek ak divaik.

TAUNET 27:37

Kowolji `Isak Esau koleenji, “Kaayai ineendet koek kiptaiyandeng'ung', kaagoochi tupchosyekyik tugul koek otwogikyik ak kaagimiit ineendet eng' peek ak divaik. Ara, tos ta ayaun nee anyun oo weeriinnyu?”

TAUNET 27:39

Ki wolji `Isak kwandanyi ineendet koleenji, “Keero, looitu meng'ooteng'ung' eng' akwaiyetap ng'wony, ak eng' rewootap kipsengwet ne punu parak.

1 LAITORINIK 5:5

Ara kaabegechi ateekyi koot kainetap Kamuktaindet ne Toroor Kamuktaindennyu, ko uu ye ki mwachi `Kamuktaindet ne Toroor abba Daudi, koleenji, ‘Tuun teekyin kainennyu koot weeriing'ung' ne tuun andoi kotebee ng'echerennyu ne po laitornatet, kogeerin.’

TIENWOGIKAL 68:26

Olasu Kamuktaindet eng' tuiyosyek, Olasu Kiptaiyat, che ko po kondametutap Israel.

KOMONG'U 33:16

Amu kinae nee nguno keele, kaanyooru chameet eng' taing'ung' ak piiguk? Tos ma amu kibendi kobooten ne yaech keegu che itabaanatiin, anee ak piiguk eng' piik tugul che mi ng'wony?”

KALEWANAIK 19:12

Uu nereegegap laitoryat porisenetap ng'etuny; ago uu myeeindonyi rewoot ne mi susweek.

KALEWANAIK 3:20

Kipcheak rirosyek eng' naennyi, ak isaau poolik rewoot.

ISAIAH 48:1

Ogas ni anyun, okweek, ee kootap Jakobo, che kimwaitoenok kainetap Israel, che ki obiitune peegap Judah; che oyostosi eng' kainetap Kamuktaindet ne Toroor, ak omwae Kamuktaindetap Israel, ago ma eng' iman, anan ko eng' imanda.

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

JEREMIA 33:16

Kisaru Judah eng' peetuusyechooto; ak komeng'iis Jerusalem eng' chametapkei; ak ni kainet ne kimwaitoe, Kamuktaindet ne Toroor ko imandanyo.

JEREMIA 49:31

Ong'eetyee, otogoste ole mi pororyet ne tinyei kaalyeet, ne meng'iisyei ama kereri met, mwaei Kamuktaindet ne Toroor: ne ma tinyei ormariichok anan temeleiywek, che menyei icheegei.

EZEKIEL 34:25

Ak kiyomiskei ak icheek eng' kayomiset ne po kaalyeet, ak ageesu tyong'ik che yaach eng' emet: ak komeny surkwen eng' chametapkei, ak koruiyo osnosyek.

SEKARIA 14:11

Ak komeny piik olooto, ama komi chubisyet kogeny; ago meng'iisyei Jerusalem eng' chametapkei.

SEKARIA 8:12

Amu tuun piitu keswootap kaalyeet; tuun yiei keetitap sabibuk, ak koruryo tuguuk eng' emet, ak kogoon kipsengwet rewoot; ak agoochi piik che ki ng'et eng' pichu konam tuguuchu tugul koek porotennywa.

KAITOSYEK 23:9

Amu ageere Israel ami rwandosyek parak, Ak ageere ineendet ami tuloonook. Pichu ko piik che meng'iisyei icheegei, ak ma ki ititoi pororyosyek alak.

NG'ATUTIK 11:11

Ago emet ne olang'jini omenye, kotinyei tuloonook ak tembwosyek ne eei peek che po roptap kipsengwet.

NG'ATUTIK 12:10

Ago ye kaolande eng' Jordan obe omeny emet ne koonok Kamuktaindet ne Toroor Kamuktaindeng'wong' onyaban ak kogoonok kamuung'et eng' puunikwok tugul che mi komoswek tugul, si omeng'iisyei eng' kaalyeet.

NG'ATUTIK 32:2

Rong'ugei kaneetisyennyu ko uu ropta, ak kosoi ng'aleekyuk ko uu rewoot, ko uu ropta ne inesyin susweek che ng'orng'or, ak ko uu ropta ne robonjin susweegap timiin:

NG'ATUTIK 32:8

Ye ki igoochi `Ne Toroor Miising' pororyosyek porotennywa, ye kipcheei weeriigap piik, ki inde kiwotosyegap piik ko uu koitetap piigap Israel.

NG'ATUTIK 33:12

Ki le agobo Benjamin, “Meng'iisyei chamaneetap Kamuktaindet ne Toroor eng' kaalyeet eng' ye neegitee ineendet. Tuchei peet komugul, Ak komenyei kwenutap tigigoikyik.”

NG'ATUTIK 33:13

Ak ki le agobo Joseph, “Iberuurot eng' Kamuktaindet ne Toroor emennyi; Amu tuguuk che korooron kot che po roptap kipsengwet, ak amu rewoot ak rireet ne mi kurere.

NG'ANG'UTYET 21:27

Ak ma koi wo oriit kiy age tugul ne murwoon, anan ko ne yaei kiy ne kiwechei, ak lembeita, kobatee icheek che ki kisirchi bukuitap saboondo ne po Aarwet.