NG'ATUTIK 33:25 - BUKUIT NE TILIIL Sireet ne Dutero Kanon

²⁵ Egu kweoniguk kariik ak sugunonik, ak tebyei kimnateng'ung' ko uu peetuusyeguk.”

Bukuit Ne Tilil

²⁵ Egu kweoniguk kariik ak sugunonik, ak tebyei kimnateng'ung' ko uu peetuusyeguk.”

BUKUIT NE TILIL

²⁵ Egu kweoniguk karik ak sugunonik; Tebyei kimnateng’ung’ ko u betusieguk.

NG'ATUTIK 33:25 Referencias Cruzadas

TAUNET 49:20

Ruryotin amitwogik che tuun punu Asher, ak tuun koonu tuguuk che iboiboi laitorinik.

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

TIENWOGIKAL 138:3

Ki iwolwoo eng' peetuut ne ki aguurin, ki igimita eng' kimnateet eng' saboondanyu.

TIENWOGIKAL 147:13

Amu igimiti `inee temeleiywegap ormariichoguk; iberuuri lagoguk eng' kwenung'ung'.

ISAIAH 40:29

Igoochin kimnateet ne nyaluli; ak tesyin kimnateet ineendet ne ma tinyei kamuget.

ISAIAH 40:31

ago nyooru kimnateet ne leel icheeget che igeni Kamuktaindet ne Toroor; togostoi kotirirendos ko uu kipsichinik; rwaei, ama ng'etos; pendoti, ama nyaluldos.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

LUKA 15:22

Ago ki leenji kwanda otwogikyik, Oibu ochogune ngoryeet ne karaaran ne siirei tugul, ak olaakyi; ak ondechi peteiyot mornennyi, ak olaakyi kweonik:

1 KORINTOEK 10:13

Ki ma namak yoomseet kobatee nooto ne imuuchi komuitae chii tugul; ago po iman Kamuktaindet ne ma chamdook keyomak kosiir ne tee ne omuuchi; ago kobooto yoomsonooto koyaei agine ooreet ne ochilile, si kobiit omuuch omuite.

EPESOEK 6:10

Ne po let anyun, oegu che kiimeen eng' Kiptaiyat, ak eng' kimnateetap kamugennyi.

EPESOEK 6:15

ak ko kaoratyi keelyekwok pekyinet ne po logoiywek che myach che po kaalyeet;

NG'ATUTIK 32:47

Amu ma tangoi eng' okweek ni ak ko saboondang'wong'. Otese peetuusyekwok eng' emet ole obendi olandoe Jordan oname kobunjook amu niito.”

NG'ATUTIK 4:40

Riip anyun kaneetisyosyekyik ak ng'atuutikyik che `kang'atiin rani si komyeeit eng' inyee, kobooto lagoguk che piitu let ak kochang'a peetuusyeguk eng' emet ne koonin Kamuktaindet ne Toroor Kamuktaindeng'ung' koigeny.

NG'ATUTIK 8:9

emet ne iamisyei, ne ma piitu rubeet ama rarun kiy eng' olooto, emet ne koikyik ko kariik, ak kebaalen tuloonookyik sugunonik.

PILIPIK 4:13

Amuuchi ayai tuguuk tugul eng' ineendet ne igimita.

KOLOSAIK 1:11

kigimitok eng' kamuktaet tugul, ko uu kamugetap toroornatennyi, agoi muitaet tugul ak talasyet eng' poiboiyet,

JOSHUA 14:11

Ta atinye kimnateet rani ko uu eng' atkinye koyooktaa Musa. Kiit ne ki uu kimnateennyu eng' peetuunooto, ko uu nooto kimnateennyu nguno, ta amuuchi awo lugeet ak aweege.