NG'ATUTIK 33:13 - BUKUIT NE TILIIL Sireet ne Dutero Kanon

¹³ Ak ki le agobo Joseph, “Iberuurot eng' Kamuktaindet ne Toroor emennyi; Amu tuguuk che korooron kot che po roptap kipsengwet, ak amu rewoot ak rireet ne mi kurere.

Bukuit Ne Tilil

¹³ Ak ki le agobo Joseph, “Iberuurot eng' Kamuktaindet ne Toroor emennyi; Amu tuguuk che korooron kot che po roptap kipsengwet, ak amu rewoot ak rireet ne mi kurere.

BUKUIT NE TILIL

¹³ Ak kile agobo Josep, Iberurot eng’ Jehovah emennyi; Amu tuguk che kororon kot che bo kipsengwet, amu rewot, Ak riret ne mi kurere,

NG'ATUTIK 33:13 Referencias Cruzadas

TAUNET 27:27

Ki wo anyun koriikta, ak kotorooch. Ak king'uchi siiptap ngoroikyik, ak ki iberuur ineendet kole, “Keero, kergei siiptap weeriinnyu ak ng'uunetap emet ne ki iberuur Kamuktaindet ne Toroor.

TAUNET 27:39

Ki wolji `Isak kwandanyi ineendet koleenji, “Keero, looitu meng'ooteng'ung' eng' akwaiyetap ng'wony, ak eng' rewootap kipsengwet ne punu parak.

TAUNET 48:5

Chechuuk anyun nguno weeriichuguk aeng'u, chu ki kisigun eng' emetap Misiri, ye kitom aitu ole imi; egu chechuuk Ephraim ak Manasseh, ko uu ye chechuuk Reuben ak Simion.

TAUNET 48:9

Ki leenji Joseph kwandanyi, “Weeriikyuk chu che ki koono Kamuktaindet eng' olito.” Ak ki le, “Kaigai imutwaa kobwa yu, si aberuur.”

Kitabuutap JOB 29:19

Iwaktoi tigitikyuk kobendi peek, ak kotebee rewoot temennyu kemout komugul:

TIENWOGIKAL 110:3

Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

TIENWOGIKAL 148:7

Olasu Kamuktaindet ne Toroor eng' ng'wony, okweek maswetisyek ak rirosyek tugul.

KALEWANAIK 19:12

Uu nereegegap laitoryat porisenetap ng'etuny; ago uu myeeindonyi rewoot ne mi susweek.

KALEWANAIK 3:20

Kipcheak rirosyek eng' naennyi, ak isaau poolik rewoot.

ISAIAH 18:4

Amu kamwaiwo Kamuktaindet ne Toroor ko uu ni koleenjo: “Asise, ak ageere eng' ole amenye, ko uu asiista ne ng'waan ne iluu miising', ko uu poldetap rewoot eng' kiptoretap peetuusyegap kesisyet.”

HOSEA 14:5

Aigeitu rewoot eng' Israel: yiei ineendet ko uu taapteet ne karaaran, ak kowakta tigitikyik ko uu Lebanon.

MIKAH 5:7

Ak kotebee piik che ki ng'et che po Jakobo kwenutap pororyosyek che chaang' ko uu rewoot ne punu Kamuktaindet ne Toroor, ko uu ropta ne inesyin susweek; ne ma igeni chii, anan kogany weeriigap piik.

SEKARIA 8:12

Amu tuun piitu keswootap kaalyeet; tuun yiei keetitap sabibuk, ak koruryo tuguuk eng' emet, ak kogoon kipsengwet rewoot; ak agoochi piik che ki ng'et eng' pichu konam tuguuchu tugul koek porotennywa.

KAITOSYEK 1:32

Eng' ooreetap Joseph, che salu ooreetap Ephraim, ko ki kiit piik tugul kobooch che po kenyiisyek tiptem ak kwo tai, tugul che ki imuuchi koba lugeet, ko uu ole tee kainaikwak, kosupkei ak ibinwekwak, ko uu ortinwekwak ak ko uu kooriigap kwanisyekwak.

NG'ATUTIK 32:2

Rong'ugei kaneetisyennyu ko uu ropta, ak kosoi ng'aleekyuk ko uu rewoot, ko uu ropta ne inesyin susweek che ng'orng'or, ak ko uu ropta ne robonjin susweegap timiin:

NG'ATUTIK 33:14

Ingiberuur eng' tuguuk che korooron kot che po logoegap asiista, ak tuguuk che korooron kot che po ruroteetap arawek.

NG'ATUTIK 33:28

Meng'iisyei anyun Israel eng' kaalyeet, Kondap peek ne po Jakobo ineegei. Eng' emet ne po peek ak divaik. Ee, isau kipsengwetisyekyik rewoot.