NG'ATUTIK 32:14 - BUKUIT NE TILIIL Sireet ne Dutero Kanon

¹⁴ Kibae icheek mwaitap cheego ne po akweet, ak cheegap keechiirek, kobooto mwanigap aaregap keechiir. Ki igoochi icheek mengichigap Bashan ak ng'oroorek, kobooto mwanigap nganuuk che myachen. Ki eei divaik che anyiny, che kiyae peegap sabibuk.

Bukuit Ne Tilil

¹⁴ Kibae icheek mwaitap cheego ne po akweet, ak cheegap keechiirek, kobooto mwanigap aaregap keechiir. Ki igoochi icheek mengichigap Bashan ak ng'oroorek, kobooto mwanigap nganuuk che myachen. Ki eei divaik che anyiny, che kiyae peegap sabibuk.

BUKUIT NE TILIL

¹⁴ Mwaitab chego ne bo akwet, ak chegab kechirek, koboto mwanikab arekab kechir, Ak mengichikab Basan, ak ng’ororek, Koboto mwanikab nganok che miachen: Ak kieei divaik, korotikab sabibuk.

NG'ATUTIK 32:14 Referencias Cruzadas

TAUNET 18:8

Yeityo konam mwaitap cheego, cheego, ak kiptoiyondonooto kagagechop konde tainnywa, ak kotonon ineendet eng' ole neegitee keetit keel yooto ki amisyei icheek.

TAUNET 49:11

Ratyin sigiryennyi keetitap sabibuk, ak ratyin moitap sigiryennyi keetitap sabibuk ne myee kosiir; ki komwete ngoroikyik divaik che po sabibuk, ak komwete che tugegei piik che piriireen che po sabibuk.

2 SAMUEL 17:29

kobooto kumyat, mwaitap cheego ak keechiirek ak mugunigap cheego, koipchi Daudi ak piik che ki mi kobooto ineendet, koam. Amu ki le, “Amei rubeet piik, ng'etyotiin ak koamei melelda eng' surkwen.”

NEEMIA 9:25

Ki nam `icheek nganasook che ng'ootaatiin, emet ne akwai, kooriik che nyiitootiin tuguuk tugul che myachen, ak keriingonik che ki kibal, mbareenigap sabibuk, mbareenigap mseituni ak keetiik ng'iisyat che po logoek. Ki am anyun ak kibiyong'so. Kineryo ak ki igaskei eng' myeeindong'ung' ne oo.

NEEMIA 9:26

Ago ma kasin iit ak ki ingeleljin. Ki wiirta Ng'atuutiguk kotuktoochi patai ak kobar maotiguk che kibaoryanji, icheek kole koweech icheek kobwanjin, ak koyai tagisyosyek che eecheen.

Kitabuutap JOB 20:17

Ma keerei ainoosyek, anan ko kereruusyek che rootei che po kumyat ak mwanigap cheego.

Kitabuutap JOB 29:6

Ye ki kiuune tyegutikyuk mwaitap cheego, ak kiroong'wa rwandet ainoosyegap mwanik!

TIENWOGIKAL 147:14

Yaei kaalyeet eng' kiwotosyeguk; inyiitin nganuuk che neryootiin kosiir.

TIENWOGIKAL 22:12

Kagoyiema kiruugik che chaang'; kagoyiema kiruugik che koroomen che po Bashan.

TIENWOGIKAL 81:16

Kata pae icheek nganuuk che neryootiin kosiir: Ak kata abaenen kumyat ne punu rwandet kot ibiye.

ISAIAH 7:15

Amei ineendet mwaitap cheego ak kumyat, ye kagonai koeesyo yaityet, ak kolewen ne myee.

ISAIAH 7:22

tuun amei ineendet mwaitap cheego amu tuun koonu icheeget cheego che chaang', amu tuun amei age tugul ne kang'et eng' emet, mwaitap cheego ak kumyat.

EZEKIEL 39:18

Oam panyeegap che kiimeen, ak oee korotiigap pounigap ng'wony, che po mengichik, ak che po aaregap keechiir, ak che po ng'oroorek, ak che po kiruugik, tugul che akwaen che po Bashan.

HOSEA 11:4

Ki achuutune icheek poroonigap chii, kobooto rogoonigap chamyet; ak ki auu eng' icheek icheeget che istoi chogit eng' tagilgilikwak, ak ki ande amitwogik tainnywa.

AMOS 4:1

Ogas ng'olyoondoni, okweek tuugap Bashan, che miitei tulweetap Samaria, che sastoe kibananook, che tyekyin ng'wony che ma tinyei kiy, che leenjin kiptainikwak, “Oibu, kee!”

MIKAH 7:14

Iyage piiguk eng' kiroktong'ung', akweetap poroteng'ung', che meng'iisyei icheegei, eng' timiin ne mi kwenutap Karmel: ingoagetyo eng' Bashan ak Gilead, ko uu peetuusyek che po keny.

KAITOSYEK 18:12

“Kaagoonin tongoanikwak tugul che kigoochin Kamuktaindet ne Toroor, tugul che myachen che po mwanik, divaik tugul che korooron che po kesisyetap sabibuk, ak che po peek che myachen.

NG'ATUTIK 28:47

“Amu meboisyechini Kamuktaindet ne Toroor Kamuktaindeng'ung' eng' poiboiyet, ak eng' kagasetapkei ne po muguleldo amu chaang'indap tuguuk tugul.

NG'ANG'UTYET 14:20

Ak ki kityech ole kitue sabibuk eng' nganaseet saang', ak komong' korotiik eng' ole kituisye, kot koit kariigap kutitap paraisisyek, ne itei olo po maelisyek pogol aeng'.

KIRUOGIK 5:25

Ki soom peek, ago ki inage cheego; ki ipchi mwaitap cheego eng' taabeet ne po teegisto.