NG'ATUTIK 31:3 - BUKUIT NE TILIIL Sireet ne Dutero Kanon

³ Kamuktaindet ne Toroor Kamuktaindeng'ung' ineendet ne landoi kondoenen si kobar pororyosyechu mi taing'ung' ak inam icheek. Landoi Joshua kondoenen ko uu ye ki mwa Kamuktaindet ne Toroor.

Bukuit Ne Tilil

³ Kamuktaindet ne Toroor Kamuktaindeng'ung' ineendet ne landoi kondoenen si kobar pororyosyechu mi taing'ung' ak inam icheek. Landoi Joshua kondoenen ko uu ye ki mwa Kamuktaindet ne Toroor.

BUKUIT NE TILIL

³ Jehovah Kamuktaindeng’ung’, inendet ne landoi kondoenen; ak kobar bororiosiechu mi taing’ung’, ak inam ichek: landoi Josua kondoenen, ko u ye kimwa Jehovah.

NG'ATUTIK 31:3 Referencias Cruzadas

TAUNET 48:21

Yeityo koleenji `Israel Joseph, “Keero, neegit ame, ago mi Kamuktaindet kobooten ak koweekten kogeny iwe emetap kwanisyeguk.

POISYONIGAP CHE KIYOKTOI 7:45

Ne ki ip kwanisyekyok ak icheek eng' peetuusyekwak, kobooto Joshua, ye kinamei Pororyosyek, che ki oon Kamuktaindet eng' taitap kwanisyekyok. Ki mi yooto agoi peetuusyegap Daudi,

NG'ATUTIK 1:30

Yaei pooryeet agobo okweek Kamuktaindet ne Toroor Kamuktaindeng'wong' ne indoenok ko uu tugul che kiyaiywok eng' Misiri,

NG'ATUTIK 3:28

Ago ng'at Joshua, igiil ineendet ak igimit, amu ineendet ne landoi kondoe pichu ak kogoochi konyaban emet neta igeere.’ ”

NG'ATUTIK 31:14

Ki leenji Kamuktaindet ne Toroor `Musa, “Keero, kagoriik peetuut ne imee. Ara kuur Joshua anyun ak obe otononse eng' emait ne kituiyechin, si ang'at ineendet.” Ki pa anyun Musa ak Joshua, kotononso eng' emaitap tuiyet.

NG'ATUTIK 31:23

Ki igoochi anyun Joshua weeriitap Nun ng'atuutyet ak koleenji, “Kimitu, nyiganitu. Amu imuti piigap Israel koba emet ne ki ayosyechi ak ami kobooten.”

NG'ATUTIK 31:4

Yachin `Kamuktaindet ne Toroor pororyosyechu ko uu ye ki yachi Sihon ak Og, laitorinigap Amorik ak emennywa che king'em.

NG'ATUTIK 34:9

Ki nyiitaat Joshua weeriitap Nun muguleldo ne po utaatyet. Amu kiga kogonoor Musa eunekyik ineendet. Ki kas iit anyun lagogap `Israel ineendet ak ki yai ko uu ye ki ng'at `Kamuktaindet ne Toroor Musa.

NG'ATUTIK 7:1

Ye kagoiitin Kamuktaindet ne Toroor Kamuktaindeng'ung' emet ne iwendi iname kobunjiin ak koon pororyosyek che chaang' eng' taing'ung', che chooto ko Hitik, Girgasik, Amorik, Kanaanik, Perisik, Hibik, ak Jebusik, pororyosyek tisap che eecheen ak ko kiimeen kosiirin,

NG'ATUTIK 9:3

Nai anyun rani ile, Kamuktaindet ne Toroor Kamuktaindeng'ung', ko landoi kondoenen ko uu maat ne oo ne liblibeni. Ng'emei pichooto ak kogoochi konyeratitu eng' taing'ung' si iluul ak ing'em ichokyi ko uu ye kimwaun Kamuktaindet ne Toroor.

HEBRANIK 4:8

Amu nda kiga kogoochi Joshua icheek kamuung'et, ta ki ma kota komwaei let agobo peetuut age.

JOSHUA 1:2

“Kogome otwogindennyu Musa. Ara ng'eet anyun nguno inyee ak pichu tugul, olandae ainooni po Jordan, ak obe emet ne agoochini icheeget, piigap Israel.

JOSHUA 11:15

Ko uu ye ki kang'at `Kamuktaindet ne Toroor Musa otwogindennyi, koging'at `Musa Joshua ko uu nooto, ak ki yai `Joshua ko uu nooto. Ma pagaakta kiy age tugul ne ma yai eng' tuguuk tugul che ki ng'at `Kamuktaindet ne Toroor Musa.

JOSHUA 3:7

Ki leenji `Kamuktaindet ne Toroor Joshua, “Atau rani atoroorin eng' taitap Israel tugul, si kobiit konai icheek kole ami kobooten ko uu ye ki ami kobooto Musa.

JOSHUA 4:14

Ki itoroor `Kamuktaindet ne Toroor Joshua eng' peetuunooto eng' taitap Israel tugul. Ki iywei `ineendet piigap Israel eng' peetuusyek tugul che po sabeennyi, ko uu ye ki iywei Musa.