NG'ATUTIK 31:14 - BUKUIT NE TILIIL Sireet ne Dutero Kanon

¹⁴ Ki leenji Kamuktaindet ne Toroor `Musa, “Keero, kagoriik peetuut ne imee. Ara kuur Joshua anyun ak obe otononse eng' emait ne kituiyechin, si ang'at ineendet.” Ki pa anyun Musa ak Joshua, kotononso eng' emaitap tuiyet.

Bukuit Ne Tilil

¹⁴ Ki leenji Kamuktaindet ne Toroor `Musa, “Keero, kagoriik peetuut ne imee. Ara kuur Joshua anyun ak obe otononse eng' emait ne kituiyechin, si ang'at ineendet.” Ki pa anyun Musa ak Joshua, kotononso eng' emaitap tuiyet.

BUKUIT NE TILIL

¹⁴ Kilenji Jehovah Musa, Keero, kagorik betut ne imee: kuur Josua anyun, ak obe otononse emait ne kituiyechin, si ang’at inendet. Kiba anyun Musa ak Josua, kotononso eng’ emaitab tuiyet.

NG'ATUTIK 31:14 Referencias Cruzadas

TAUNET 47:29

Ye kingo riik anyun peetuusyek che po kalilotetap Israel, koguur anyun weeriinnyi Joseph ak koleenji, “Ngo kaanyooru chameet eng' taing'ung', inde anyun eung'ung' kubestanyu, iyaiywo ne myee, ak ne po iman. Kaigai ametupcha Misiri,

1 LAITORINIK 2:1

Ki irik anyun peetuusyek che po kaliletap Daudi, ak ki ng'at weeriinnyi Solomon koleenji,

2 LAITORINIK 1:4

Ara anyun, kamwa Kamuktaindet ne Toroor kole: ‘Mechooruge eng' itogung'ung' ne irue, ago imee iman.’ ” Ak ki wo Elijah.

2 LAITORINIK 20:1

Kimyan Hezekiah eng' peetuusyechooto kot ko neegit kome. Ki nyoonji maotyot Isaiah weeriitap Amos, ak koleenji ineendet, “Kamwa Kamuktaindet ne Toroor kole: Rarchi keet piigap koong'ung'; amu imee, mesabe.”

Kitabuutap JOB 1:6

Ki mi anyun peetuut ye kibwanei weeriigap Kamuktaindet kotonondos eng' taitap Kamuktaindet ne Toroor ak ki nyo agine Setani kobooto icheek.

Kitabuutap JOB 2:1

Ki mi kogeny peetuut ye kibwanei weeriigap Kamuktaindet kotonondos eng' taitap Kamuktaindet ne Toroor ak ki nyo agine Setani kobooto icheek, ak kotonon eng' taitap Kamuktaindet ne Toroor.

KOMONG'U 33:11

Ki ng'alaaljin Kamuktaindet ne Toroor ak Musa kimni, ko uu ye ng'alaaljindos chii ak chorwennyi. Kingo pata ko ki weeksei kogeny kowendi nganaseet. Ago king'etu eng' Emainooto kiboityondennyi ne neran, nooto ko Joshua weeriitap Nun.

KOMONG'U 33:9

Ye kingo chut `Musa Emainooto, ko kichoorugei pooldet, konyonei kotonone kurgeetap Emait ak kong'alaal Kamuktaindet ne Toroor ak Musa.

KOMONG'U 34:2

Chopkei karon ak imusu tulweetap Sinai, ak inyoo tainnyu eng' tulweet parak.

AMDOINDET 9:5

Amu ingen che saptos kole pegu. Ago ma naei kiy age tugul che ki kobek, ama kotinyei melekto age tugul kogeny, amu kigeutye icheek.

ISAIAH 38:1

Kimyan Hezekiah eng' peetuusyechooto kot ko neegit kome. Ak ki nyo ole mi ineendet Isaiah maotyot weeriitap Amos, ak koleenji ineendet, “Mwaei Kamuktaindet ne Toroor kole, rarchi keet piigap koong'ung'; amu imee, mesabe.”

KAITOSYEK 27:12

Ki leenji `Kamuktaindet ne Toroor Musa, “Togosu tulwooniito po Abarim, si itoben emet ne ki agoochi piigap Israel.

KAITOSYEK 27:13

Ak ye kaigeer, kiyumin aginye iwe ole mi piiguk, ko uu ye ki kiyum ng'eetap kamenng'ung' Aron.

KAITOSYEK 27:18

Ki leenji `Kamuktaindet ne Toroor Musa, “Imutu Joshua, weeriitap Nun, chiito ne tinyei Kabuuset ne Tiliil, ak igonoor eung'ung' ineendet,

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

NG'ATUTIK 31:13

Oyai niito si kogas lagokwak che tomo konai ak koneetkei koywei Kamuktaindet ne Toroor Kamuktaindeng'wong' peetuusyek tugul kotee osaptosi eng' emet ne olandoe Jordan obendi oname.”

NG'ATUTIK 31:2

Koleenji, “Kobooch ra ko kenyiisyekyuk ko pogol ak tiptem. Ma amuuchi amanda ak among'u. Kogeny, ko ki koleenjo Kamuktaindet ne Toroor, ‘Melandoe Jordan-ini.’

NG'ATUTIK 31:23

Ki igoochi anyun Joshua weeriitap Nun ng'atuutyet ak koleenji, “Kimitu, nyiganitu. Amu imuti piigap Israel koba emet ne ki ayosyechi ak ami kobooten.”

NG'ATUTIK 32:50

Si imechi tulweet ole itogosyini ak kiyumin kobooto piiguk, ko uu ye ki mechi Aron ng'eetap kamenng'ung' tulweetap Hor ak ki kiyum kobooto piikyik.

NG'ATUTIK 34:5

Ki me anyun `Musa kiboityotap Kamuktaindet ne Toroor eng' olooto eng' emetap Moab ko uu ng'olyootap Kamuktaindet ne Toroor.

NG'ATUTIK 4:22

Ago amechini anee emoni, malandoe Jordan ago olandoi okweek oname emonooto karaaran.

JOSHUA 23:14

“Awendi anyun rani ooreet ne pendi piik tugul che po ng'wony. Ongen eng' mugulelwekwok tugul ak eng' saboonwekwok tugul, ole ma pet ng'olyoo agot agenge eng' tuguuk tugul che myachen che ki mwa Kamuktaindet ne Toroor Kamuktaindeng'wong' agobo okweek. Ago ki isulda chooto tugul eng' okweek ama pet kiy agot agenge eng' chooto.

JOSHUA 24:1

Ki iyum anyun `Joshua pororyosyek tugul che po Israel koba Shekem, ak koguur poisyegap Israel, pounikwak, kirwoogikwak ak kiptainikwak. Ki pwa anyun ak kotononso eng' taitap Kamuktaindet.

JUDA 1:24

Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,

1 SAMUEL 10:19

Ago kaoeesye ra Kamuktaindeng'wong' ne ineendet ko sarwok eng' pichiinwekwok ak nyalilwogikwok tugul. Komwa ole, ‘Achicha, itoroorwech laitoryat koboiywech.’ Obwa anyun taitap Kamuktaindet ne Toroor obwanune pororyosyekwok ak ortinwekwok.”

1 SAMUEL 26:10

Yeityo kole `Daudi, “Ko uu ye sabei Kamuktaindet ne Toroor, kobarei `Kamuktaindet ne Toroor ineendet anan koityi peetuunnyi ne meei anan kwo lugeet kwo komechi olooto.