NG'ATUTIK 28:58 - BUKUIT NE TILIIL Sireet ne Dutero Kanon

⁵⁸ “Ngo meriip iyai ng'aleek tugul che po ng'atuutyoni che ki kisirchi kitabuuni, si kobiit igonyit kainani po teegisto, kainet ne kiywei Kamuktaindet ne Toroor Kamuktaindeng'ung';

Bukuit Ne Tilil

⁵⁸ “Ngo meriip iyai ng'aleek tugul che po ng'atuutyoni che ki kisirchi kitabuuni, si kobiit igonyit kainani po teegisto, kainet ne kiywei Kamuktaindet ne Toroor Kamuktaindeng'ung';

BUKUIT NE TILIL

⁵⁸ Ngo merib iyai ng’alek tugul che bo ng’atutioni che kigisirji bukuini, si kobiit igonyit kainani bo teegisto, kainet ne kiywei JEHOVAH KAMUKTAINDENG’UNG’;

NG'ATUTIK 28:58 Referencias Cruzadas

NEEMIA 9:5

Yeityo komwa Lawiik: Jeshua, Kadmiel, Bani, Hasabeneia, Serebia, Hodia, Sebania ak Petaia kole, “Otononie ak olasu Kamuktaindet ne Toroor, Kamuktaindeng'wong' kobooch koigeny agoi koigeny.” Ingoberuurok kaineng'ung' ne po toroornatet, ne itoroorot kosiir kaberuret tugul ak kalasunet.

TIENWOGIKAL 111:9

Ki koyokyi piikyik katyaget; kigong'at kayomisennyi kobunji koigeny. Tiliil ak kiywei kainennyi.

TIENWOGIKAL 48:10

Ko uu ole teptoi kaineng'ung', ee Kamuktaindet, ko uu nooto kalasuneng'ung' agoi ole poochin ng'wony. Nyiitaat imanda eung'ung' ne po tai.

TIENWOGIKAL 50:7

Oep iit, ee piikyuk, si ang'alaal; ee Israel, si abaoryanun. Aa Kamuktaindet, Kamuktaindeng'ung'.

TIENWOGIKAL 61:5

Amu inyee, ee Kamuktaindet ne ki igas kaarortaosyekyuk, ki igoono poroteetap icheeget che konyiti kaineng'ung'.

TIENWOGIKAL 72:19

Ak iberuurot kainennyi ne tinyei toroornatet agoi koigeny; Ak ingonyi ng'wony komugul toroornatennyi. Amen, ak Amen.

TIENWOGIKAL 83:18

Si kobiit konai kole inyeendet inyegei ne kaineng'ung' ko Kamuktaindet ne Toroor, Inyee ko ii Ne Toroor Miising' ne pou ng'wony komugul.

TIENWOGIKAL 99:3

Ingolas icheek kaineng'ung' ne oo ne imuisei. Tiliil ineendet.

KOMONG'U 15:26

ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”

KOMONG'U 20:2

“Aa Kamuktaindet ne Toroor, Kamuktaindeng'ung' ne ki imutun imang'une emetap Misiri, kootap otwoknateet.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 42:8

Aa Kamuktaindet ne Toroor, kainennyu nooto; amagoochini toroornatennyu chiito age, amagoochini kanamonik che kiwaei, kalasunennyu.

JEREMIA 5:12

Ki komwa lembechek agobo Kamuktaindet ne Toroor, komwa kole, “Ma yae kiy ineendet, ma mi yaityet ne ityinech, ma koi kigeer rotwetap chok anan ko rubeet.”

JEREMIA 5:22

Amu nee asi moiywea? Mwaei Kamuktaindet ne Toroor. Amu nee si mobotandosi eng' tainnyu? Tos ma anee ne ki ande ng'aniek koek kiwotetap nyanjet, eng' ng'atuutyet ne tebyei agoi ne ma imuuchi nyanjet kosiir? Nganda mildoegei peek miising', koma imuuchi kotil kiy, agot ngo moror, koma imuuchi kosiir.

MALAKI 1:14

Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

MATAYO 10:28

Amoiywei icheek che parei poorto ago ma imuuchi kobar saboondo; ago kaigai oiywei ineendet ne imuuchi kong'em saboondo kobooto poorto eng' Gehenna.

NG'ATUTIK 28:15

“Ago ngo meepchi iit kutitap Kamuktaindet ne Toroor Kamuktaindeng'ung' iriip ak iyai ko uu ng'atuutikyik tugul ak kaneetisyosyekyik che ang'atiin rani, kobwonjin anyun ak koityin chubisyosyechu tugul:

NG'ATUTIK 28:59

koyai anyun Kamuktaindet ne Toroor korotweguk koek che kikwong'ee ak korotwegap iyoteng'ung', korotwek che eecheen, che tebyei keny ak myanwogik che yaacheen, che tebyei keny.

NG'ATUTIK 6:13

Iywei Kamuktaindet ne Toroor Kamuktaindeng'ung', oot ineendet ak iyasye eng' kainennyi.