NG'ATUTIK 26:11 - BUKUIT NE TILIIL Sireet ne Dutero Kanon

¹¹ Ak ibaibaitu eng' myeeindo tugul ne kigoonin Kamuktaindet ne Toroor Kamuktaindeng'ung' inyee ak koong'ung' Lawindet ak toondet ne mi kwenung'ung'.

Bukuit Ne Tilil

¹¹ Ak ibaibaitu eng' myeeindo tugul ne kigoonin Kamuktaindet ne Toroor Kamuktaindeng'ung' inyee ak koong'ung' Lawindet ak toondet ne mi kwenung'ung'.

BUKUIT NE TILIL

¹¹ ak ibaibaitu eng’ mieindo tugul ne kigonin Jehovah Kamuktaindeng’ung’, ak gong’ung’, inye ak Lawindet, ak toondet ne mi kwenung’ung’.

NG'ATUTIK 26:11 Referencias Cruzadas

NEEMIA 8:10

Koleenji icheek `Nehemiah, “Oba, oam che akwaen ak oee che anyiny ak oyookyi kebeberwek ineendet ne ma kichopchi kiy, amu tiliil peetuuni eng' Kiptaiyandennyo. Amoaragense, amu kimnateeng'wong' poiboiyetap Kamuktaindet ne Toroor.”

AMDOINDET 3:12

Angen ale ma mi kiit ne myee eng' icheek kosiir koboiboitu, ak koyai ne myee kotee kosaptos.

AMDOINDET 3:13

Ak kogeny konunetap Kamuktaindet konyaaljin chii age tugul koamis, koeeiso ak kobaibait eng' tuguuk che myach eng' pirtoennyi pogei tugul.

AMDOINDET 5:18

Ogeero, kiit ne myee ne ki ageer ak ko nyolu, ko koamis chii ak koe, ak kobaibaitune tuguuk che myach eng' poisyennyi tugul ne yaei eng' kurereetap asiista, eng' peetuusyek tugul che po sabeennyi che ki igoochi `Kamuktaindet ineendet. Amu kebebertanyi niito.

AMDOINDET 7:14

Paibaitu eng' peetuutap perurto, ak eng' peetuutap nyalilda ibwaat komyee. Ki iyai Kamuktaindet chooto kogergeit tuwai, si ma nai chiito kiit age tugul ne piitu let.

ISAIAH 65:14

ogeero, tyendos otwogikyuk amu poiboiyetap mugulelwekwak, ago orirtosi eng' arageneetap muguleldo, oteitosi amu ng'wanindap muguleldo.

SEKARIA 9:17

Amu oo ne tya myeeindonyi ak korooronindonyi! Igoochin `peek murenik koneryo, ak kogoochin `divaik che leelach tiibiik koneryo.

1 KORINTOEK 9:11

Ngo ki kigooljok tuguugap saboondo, ko tos kiy ne oo ngeges tuguukwok che po poorto?

NG'ATUTIK 12:12

Oboiboitu eng' olooto eng' taitap Kamuktaindet ne Toroor Kamuktaindeng'wong', okweek kobooto weeriikwok, tiibiikwok, otwogikwok che murenik kobooto otwogikwok che tiibiik ak Lawindet ne mi kurgotikwok, amu ma tinyei ineendet kebeberta anan poroteet kobootok.

NG'ATUTIK 12:18

Ago iame tuguuchooto eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung' ak otwogeng'ung' ne muren ak ne tye ak Lawindet ne mi kurgotiguk. Ak ibaibaitu eng' taitap Kamuktaindet ne Toroor Kamuktaindeng'ung' eng' kiy age tugul ne iyae euneguk.

NG'ATUTIK 12:7

Oamisye eng' olooto eng' taitap Kamuktaindet ne Toroor Kamuktaindeng'wong', okweek ak piikwok kibagenge, oboiboitune tugul che kiberuurwok Kamuktaindet ne Toroor Kamuktaindeng'wong'.

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

NG'ATUTIK 27:7

ak ieny kagoochinoik che po kaalyeet ak iamisye eng' olooto. Si ibaibaitu eng' taitap Kamuktaindet ne Toroor Kamuktaindeng'ung'.

NG'ATUTIK 28:47

“Amu meboisyechini Kamuktaindet ne Toroor Kamuktaindeng'ung' eng' poiboiyet, ak eng' kagasetapkei ne po muguleldo amu chaang'indap tuguuk tugul.

PILIPIK 4:4

Oboiboitu eng' Kiptaiyat kotugul: ak amwae kogeny ale, Oboiboitu.