NG'ATUTIK 17:16 - BUKUIT NE TILIIL Sireet ne Dutero Kanon

¹⁶ Ago amat kotesyigei paraisisyek anan kogoochi piik koweektagei Misiri si kotesigei paraisisyek. Amu kimwaiwok Kamuktaindet ne Toroor kole, ‘Amata oweektage oranooto kogeny.’

Bukuit Ne Tilil

¹⁶ Ago amat kotesyigei paraisisyek anan kogoochi piik koweektagei Misiri si kotesigei paraisisyek. Amu kimwaiwok Kamuktaindet ne Toroor kole, ‘Amata oweektage oranooto kogeny.’

BUKUIT NE TILIL

¹⁶ Ago amat kotesyigei mbartanyisiek, anan kogochi bik koweektagei Misri, si kotes mbartanyisiek: amu kimwawok Jehovah kole, Amata oweektage oranato kogeny.

NG'ATUTIK 17:16 Referencias Cruzadas

2 SAMUEL 8:4

Kiluule `Daudi ineendet murenikyik eliphuut agenge ak pogol tisap che ki laanyei paraisisyek ak eliphuusyek tiptem che kibunei keelyek. Ki ep Daudi kutung'oigap paraisisyek tugul che ki ichuuti kariisyek, ago ki ituuch eng' chooto che yamei kariisyek pogol.

1 LAITORINIK 1:5

Ki ietkei Adonijah weeriitap Haggith kole, “Aegu laitoryat!” Ko uu nooto ko ki chopchigei kariisyek ak paraisisyek che laanyei, ak piik konom che rwaei kondoe ineendet.

1 LAITORINIK 4:26

Ki tinyei Solomon kooriik eliphuusyek artam che po paraisisyegap kariisyekyik, piik eliphuusyek taman ak aeng' che ketei paraisisyek.

1 LAITORINIK 5:6

Ko uu nooto ng'at anyun keebwa keetiigap taragonik eng' Lebanon. Ingobois otwogikyuk ak otwogiguk, ak agoonin melektap otwogiguk che kemwa; ko uu ye ingen inyee ile ma mi chii eng' acheek ne ingen koep keetiik ko uu Sidonik.”

2 ATEPTAP PEETUUSYEK 1:16

Ki kigetune Misiri paraisisyek che ki tinyei Solomon; ki alei chemung'arainigap laitoryat kobee akwotisyek.

2 ATEPTAP PEETUUSYEK 9:25

Ki tinyei Solomon kooriik eliphuusyek ang'wan che po paraisisyek ak kariisyek, ak piik eliphuusyek taman ak aeng' che po paraisisyek, che ki inde nganasoogap kariisyek ak che ki mi ole mi laitoryat eng' Jerusalem.

TIENWOGIKAL 20:7

Imang'u alak kariisyegap lugeet ak alak paraisisyek; ago kibwaati acheek kainetap Kamuktaindet ne Toroor, Kamuktaindennyo.

KOMONG'U 13:17

Kingo kagounda `Pharaoh piik koba, koma indochi `Kamuktaindet icheek kobun ooreet ne punei emetap Philistik, nganda ki neegit. Amu ki le Kamuktaindet, “Si ma iyweis piik ye keer lugeet, ak komach koweekyigei Misiri.”

KOMONG'U 13:18

Ago ki indochinot `Kamuktaindet piik kobun surkwen ne tokyingei Araraita ne Piriir. Ki togosta anyun piigap Israel komanda eng' emetap Misiri ko kagolaach kariik.

KOMONG'U 14:13

Ago ki wolji `Musa piik koleenji, “Amoiywei, ogany kityo si ogeer yetunetap Kamuktaindet ne Toroor ne yaiywok rani. Amu ma ogeere kogeny misirichu ogeere rani.

ISAIAH 2:7

Nyiitaat emennywa kogeny fedha ak thahabu, ama mi ole igeesunegei konoraikwak. Nyiitaat emennywa kogeny paraisisyek, ama mi ole igeesunegei kariisyekwak.

JEREMIA 42:19

Kagong'alaal Kamuktaindet ne Toroor agobo okweek, ee okweek che ki ong'etu che oo po Judah, kole amobe Misiri: onai komyee ole kaabaoryanwok rani.

EZEKIEL 17:15

Ago ki ingelelji ineendet amu ki iyookto tononjinikyik koba Misiri, si kobiit kogoochi ineendet paraisisyek ak piik che chaang'. Tos kiberuuri? Tos chilil ineendet ne yaei tuguuk che uu chooto? Tos put kayomiset, ak kochilil?

HOSEA 11:5

Ma weekyingei ineendet emetap Misiri; ago egu `Assyrianindet laitoryandennyi, amu ki eesyo icheek koweigei.

HOSEA 14:3

Ma sarwech Ashur; ma kilaanye paraisisyek: ama keleenjini kogeny poisyonigap eunekyok, Oo kamuktaikyok: amu nyoorunenen rireenet icheek che ma tinyei kwanisyek.

MIKAH 5:10

Mwaei Kamuktaindet ne Toroor kole tuun abare eng' peetuunooto paraisisyeguk eng' kwenung'ung', ak ang'em karisyeguk che po lugeet:

NG'ATUTIK 28:68

Ak koweekyin `Kamuktaindet ne Toroor Misiri kogeny eng' melisyek, eng' ooreet ne ki amwaun, ale, ‘Ma igeere kogeny.’ Oaldochinigei puunikwok eng' olooto oegu otwogik che murenik ak che kobogorisyek, ago ma piitu chii ne alok.”

1 SAMUEL 8:11

Ki le, “Uu ni laitoryat ne tuun laitoranenok: namei weeriikwok ak kolewenjigei kotononji kariisyekyik koek che laanyei paraisisyekyik ak korwai kondoe kariisyekyik;