NG'ATUTIK 16:8 - BUKUIT NE TILIIL Sireet ne Dutero Kanon

⁸ Am peetuusyek lo magatiinik che ma kinde mermereek ak koek eng' peetuutap tisap tuiyetap kaming'inetapkei eng' Kamuktaindet ne Toroor Kamuktaindeng'ung', ne ma kiyae poisyo age tugul eng' peetuunooto.

Bukuit Ne Tilil

⁸ Am peetuusyek lo magatiinik che ma kinde mermereek ak koek eng' peetuutap tisap tuiyetap kaming'inetapkei eng' Kamuktaindet ne Toroor Kamuktaindeng'ung', ne ma kiyae poisyo age tugul eng' peetuunooto.

BUKUIT NE TILIL

⁸ Am betusiek lo makatinik che ma kinde mermerek: ak koek eng’ betutab tisab tuiyetab kaming’inetab ge eng’ Jehovah Kamuktaindeng’ung’; amat iyai boisio age tugul betunoto.

NG'ATUTIK 16:8 Referencias Cruzadas

2 ATEPTAP PEETUUSYEK 7:9

Eng' peetuutap sisiit, kogiyai tuiyetap kaming'inetapkei; amu kiga koyai katabaanetap kaptisisyet eng' peetuusyek tisap ak igoorto peetuusyek tisap.

NEEMIA 8:18

Kisoman kogeny peetuut age tugul bukuit ne po Ng'atuutigap Kamuktaindet, kobooch peetuut ne po tai agoi peetuut ne po let. Ki yai igoorto peetuusyek tisap, ak eng' peetuutap sisiit koyai tuiyetap kaming'inetapkei, ko uu ye ki king'at.

JOEL 1:14

Otabaan karugutetapkei, oguur tuiyet ne po kaming'inetapke. Oyum poisyek kobooto piik tugul che menyei emet kobwa kootap Kamuktaindet ne Toroor Kamuktaindeng'wong', ak oriirchi Kamuktaindet ne Toroor.

ATEPTAP LAWIK 23:36

Ogoitoi kagoochinet ne punei maat, ne kigoochin Kamuktaindet ne Toroor, eng' peetuusyek tisap. Egu kayumetapkei ne itabaanat eng' okweek eng' peetuut ne po sisiit, ak ogoitoi kagoochinet ne punei maat, ne kigoochin Kamuktaindet ne Toroor. Tuiyet ne po kaming'inetapkei niito; amat oyai poisyo age tugul ne po otwoknot.

KAITOSYEK 28:25

Ingoek kayumetapkei ne itabaanat eng' peetuutap tisap; amoyai poisyo age tugul ne po otwoknot.