NG'ATUTIK 16:15 - BUKUIT NE TILIIL Sireet ne Dutero Kanon

¹⁵ Riipchi Kamuktaindet ne Toroor Kamuktaindeng'ung' igoorto eng' peetuusyek tisap eng' ole leweni Kamuktaindet ne Toroor. Amu iberuurun Kamuktaindet ne Toroor Kamuktaindeng'ung' tuguuk tugul che inyooru, ak poisyonik tugul che po euneguk ak ibaibaitu miising'.

Bukuit Ne Tilil

¹⁵ Riipchi Kamuktaindet ne Toroor Kamuktaindeng'ung' igoorto eng' peetuusyek tisap eng' ole leweni Kamuktaindet ne Toroor. Amu iberuurun Kamuktaindet ne Toroor Kamuktaindeng'ung' tuguuk tugul che inyooru, ak poisyonik tugul che po euneguk ak ibaibaitu miising'.

BUKUIT NE TILIL

¹⁵ Ripchi Jehovah Kamuktaindeng’ung’, igorta eng’ betusiek tisab eng’ ole leweni Jehovah: amu iberurun Jehovah Kamuktaindeng’ung’ tuguk tugul che inyoru, ak boisionik tugul che bo euneguk, ak ibaibaitu mising’.

NG'ATUTIK 16:15 Referencias Cruzadas

NEEMIA 8:17

Kiteekyigei keryosyek tuiyet tugul ne po piik che ki weeksei che kiga kiluul ak komeny keryosyechooto, amu kitom koyai piigap Israel ko uu nooto kobooch peetuusyegap Jeshua weeriitap Nun, ak ki piit poiboiyet ne oo.

NG'ATUTIK 12:5

Ocheeng' anyun ole menyei Kamuktaindet ne Toroor Kamuktaindeng'wong' eng' ole leweni ineendet eng' ortinwekwok tugul kole konde kainennyi. Yooto ye nyolu obe,

NG'ATUTIK 16:10

Ye ibata wigisyechooto, iriipchi anyun Kamuktaindet ne Toroor Kamuktaindeng'ung' igoorto ne po wigisyek eng' kagoochinet ne kigoitoi eng' chamyet ne igoochini, che tee che ki iberuurun Kamuktaindet ne Toroor Kamuktaindeng'ung'.

NG'ATUTIK 16:14

Paibaitu eng' igoortang'ung', inyee ak weeriing'ung' ak cheptong'ung', otwogeng'ung' ne muren ak ne tye, Lawindet, toondet, ne ma tinyei sigiik ak mosoget che mi nganasooguk.

NG'ATUTIK 16:16

“Ingobwa mureniguk tugul taitap Kamuktaindet ne Toroor Kamuktaindeng'ung' konyil somok eng' kenyiit eng' ole leweni ineendet eng' igoorto ne po magatiinik che ma kinde mermereek, eng' igoortap wigisyek ak eng' igoortap keryosyek. Amat kobwa taitap Kamuktaindet ne Toroor ak euut puch.

NG'ATUTIK 30:16

Amu kaang'atiin rani ale icham Kamuktaindet ne Toroor Kamuktaindeng'ung' iwendote ortinwekyik, iriip ng'atuutikyik ak kaneetisyosyekyik ak kirwoogutikyik si isap itesage, si koberuurin Kamuktaindet ne Toroor Kamuktaindeng'ung' eng' emet ne iwendi iname.

NG'ATUTIK 7:13

Chamin, iberuurin ak kotesin ochaang'e. Iberuuri iyoteng'ung', ruroteetap emeng'ung', peeguk, peegap logoeguk, mwaniguk, ak kaberuretap tuuga ak che po keechiireguk eng' emet ne ki iyasyechi kwanisyeguk kole koonin.