NG'ATUTIK 13:10 - BUKUIT NE TILIIL Sireet ne Dutero Kanon

¹⁰ Lach eng' koik kot kome amu ki cheeng'ei komaasin imete Kamuktaindet ne Toroor Kamuktaindeng'ung' ne ki imutun imang'une emetap Misiri eng' kootap otwoknateet.

Bukuit Ne Tilil

¹⁰ Lach eng' koik kot kome amu ki cheeng'ei komaasin imete Kamuktaindet ne Toroor Kamuktaindeng'ung' ne ki imutun imang'une emetap Misiri eng' kootap otwoknateet.

BUKUIT NE TILIL

¹⁰ Lach eng’ koik kot kome; amu kicheng’ei komaasin imete Jehovah Kamuktaindeng’ung’ ne kiimutun imong’une emetab Misri, eng’ gotab otwognatet.

NG'ATUTIK 13:10 Referencias Cruzadas

2 LAITORINIK 11:18

Ki pa piik tugul che po emet kootap Baal ak kobut koluul. Kibut kapkorosusyekyik ak kanamonikyik kotonaton inne, ak kobar Matan tisiindetap Baal eng' taitap kapkorosusyek. Ak ki lewen tisiindet pounik koriip kootap Kamuktaindet ne Toroor.

2 ATEPTAP PEETUUSYEK 24:21

Ago kichaam ineendet ak kolage koik eng' ng'atuutyetap laitoryat eng' seremutap kootap Kamuktaindet ne Toroor.

KOMONG'U 20:2

“Aa Kamuktaindet ne Toroor, Kamuktaindeng'ung' ne ki imutun imang'une emetap Misiri, kootap otwoknateet.

KOMONG'U 32:27

Yeityo koleenji `ineendet icheek, “Kamwa ko uu ni Kamuktaindet ne Toroor, Kamuktaindetap Israel kole, ‘Ingorat chii age tugul rotwennyi po chok ak ingwo chii tugul komosi ak komosi kobun kwenutap kurgeet age agoi kurgeet age, eng' nganaseet komugul, ak kobar chii tugul ne tupcho, chorwennyi ak chiitap kokwennyi.’ ”

ATEPTAP LAWIK 20:2

“Ileenji piigap Israel, Chii age tugul ne igoochin lagokyik Molek, ngo age eng' piigap Israel anan age eng' punootik che meng'iisyei eng' Israel, kebarei chiichooto iman. Lachei piigap emet eng' koik.

ATEPTAP LAWIK 20:27

“Kibarei iman ne poisyee oik, ne muren anan ne kwony, anan chii ne poonin. Kilachei icheek eng' koik, ak tebee korotiikwak icheek.”

ATEPTAP LAWIK 24:23

Ara ki ng'alaalji `Musa piigap Israel ak ki imut `icheek chiichooto kisasisyei kwo saang'utap nganaseet ak kelage ineendet koik. Ki yai anyun piigap Israel ko uu ye ki ng'at `Kamuktaindet ne Toroor Musa.

NG'ATUTIK 13:5

Kibarei maotyondonooto anan karwotitoindonooto amu kamwa kiit ne ibeeti piik kobagaakta Kamuktaindet ne Toroor Kamuktaindeng'wong', ne ki imutwok omang'une emetap Misiri, ne ki ityaachak eng' kootap otwoknateet. Kibarei ineendet amu katyem kole komaasin eng' ooreet ne king'atin Kamuktaindet ne Toroor Kamuktaindeng'wong' iwendote. Iste anyun ko uu nooto yaityet eng' kwenung'ung'.

NG'ATUTIK 17:5

imutu anyun murenonooto anan kwonyooto ne kayai kioto ya konyo kurgotiguk si ilach eng' koik kot kome.

NG'ATUTIK 17:7

Ingosip kolach paorinichooto yeityo kolach anyun piik tugul. Iste anyun ko uu nooto yaityet eng' kwenung'ung'.

NG'ATUTIK 21:21

Ye Ibata kolage koik murenik tugul che po nganasennyi agoi kome. Iste anyun yaityet ko uu nooto eng' kwenung'ung' si kogas Israel tugul ak koywei.

NG'ATUTIK 4:19

Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.

JOSHUA 7:25

Ki leenji Joshua, “Amu nee si inyalilech? Inyaliilin Kamuktaindet ne Toroor rani.” Ak kilach Israel tugul ineendet eng' koik; ki peel eng' maat ak kolach eng' koik.