NG'ATUTIK 12:5 - BUKUIT NE TILIIL Sireet ne Dutero Kanon

⁵ Ocheeng' anyun ole menyei Kamuktaindet ne Toroor Kamuktaindeng'wong' eng' ole leweni ineendet eng' ortinwekwok tugul kole konde kainennyi. Yooto ye nyolu obe,

Bukuit Ne Tilil

⁵ Ocheeng' anyun ole menyei Kamuktaindet ne Toroor Kamuktaindeng'wong' eng' ole leweni ineendet eng' ortinwekwok tugul kole konde kainennyi. Yooto ye nyolu obe,

BUKUIT NE TILIL

⁵ Ago ole leweni Jehovah Kamuktaindeng’wong’ eng’ ortinwekwok tugul kole konde kainennyi oloto, ocheng’ anyun ole menyei inendet, ak iwe oloto:

NG'ATUTIK 12:5 Referencias Cruzadas

1 LAITORINIK 12:27

Ngot koba pichu kotogosta kogoito tiseiywek eng' kootap Kamuktaindet ne Toroor eng' Jerusalem, koweekyingei mugulelwegap pichu kogeny kiptaiyannywa, ne ineendet ko Rehoboam laitoryatap Judah. Kobara icheek ak koweekyigei Rehoboam laitoryatap Judah.”

1 LAITORINIK 14:21

Ki laitoran Rehoboam weeriitap Solomon eng' Judah. Ki po Rehoboam kenyiisyek artam ak agenge ye ki tau kolaitorani, ak ki laitoran kenyiisyek taman ak tisap eng' Jerusalem, nganaseet ne ki lewen Kamuktaindet ne Toroor eng' ortinwek tugul che po Israel, si konde kainennyi yooto. Ki kiguure kametap Rehoboam Naamah che po Amonik.

1 LAITORINIK 8:16

‘Kobooch peetuut ne ki amutu piikyuk Israel komong' eng' Misiri, koma alewen nganas eng' ortinwek tugul che po Israel ateech koot, si kobiit kotebee yooto kainennyu; ago ki alewen Daudi koboi piikyuk Israel.’

1 LAITORINIK 8:20

Ak kagogimiit Kamuktaindet ne Toroor ng'olyoondennyi ne ki mwa; amu ki abiitu ageer kwandanyu Daudi, ak atebee ng'echereetap laitornatet ne po Israel, ko uu ye ki iyomis Kamuktaindet ne Toroor, ak koateekyi koot kainetap Kamuktaindet ne Toroor, Kamuktaindetap Israel.

1 LAITORINIK 8:27

“Ago tos meny Kamuktaindet ng'wony iman? Keero, ma yamin kipsengwet itebee, anan kipsengwet ne po parak miising', ko ming'in ne tya anyun kooi koateech!

1 LAITORINIK 8:29

Ingogeer konyeguk kooi kemoi ak peet, kogeer komosta ne ki imwa ile, ‘Tebee yooto kainennyu’; si igas saaet ne saaei otwogindeng'ung' kotokyingei komosita.

2 LAITORINIK 18:22

Ago ngot oleenjo: “Kimang'u Kamuktaindet ne Toroor, Kamuktaindennyo,” koma ineendet, ne ki isto Hezekiah komoswekyik che torooreen ak kapkorosusyekyik, ak koleenji Judah ak Jerusalem, “Osae eng' taitap kaptisisyoni eng' Jerusalem”?

1 ATEPTAP PEETUUSYEK 22:1

Ki le anyun Daudi, “Ni ko kootap Kamuktaindet ne po Toroornatet, ak ni ko kaptisisyetap kagoochinet ne kibeelei, ne po Israel.”

2 ATEPTAP PEETUUSYEK 7:12

Kimong'ji `Kamuktaindet ne Toroor Solomon kemoi ak koleenji ineendet, “Kaagas saaeng'ung', ak kaalewenjigei yuto koek kootap tiseiywek.

EZRAH 3:2

Yeityo kotonon anyun `Jeshua weeriitap Josadak ak tupchosyekyik tisiik, kobooto Zerubabel weeriitap Shealtiel, ak tupchosyekyik, ak koteech kaptisisyet ne po Kiptaiyat Kamuktaindetap Israel, si kogoitoe kagoochinoik che kibeelei ko uu ye siraat eng' Ng'atuutyetap Musa chiitap Kamuktaindet.

EZRAH 6:12

Ngo par Kamuktaindet ne ki inde kainennyi komeny olooto, laitorinik tugul ak piik tugul che iitoi eunekwak kole kowal ng'olyoondonooto ak kong'em kootap Kamuktaindet ne miitei Jerusalem. Kaang'at anee Darius. Ara ingoyaak ng'atuutyoniito eng' kagiiletapkei tugul.

EZRAH 7:17

Myee anyun iale fedhaisyechu, kiruugik, mengichik, aaregap keechiir, kobooto kagoochinoikwak che po peek ak kagoochinoikwak che kieei ak igoite chooto eng' kaptisisyetap kootap Kamuktaindeng'wong' ne mi Jerusalem.

NEEMIA 1:9

ago ngot oweekyage, oriip ng'atuutikyuk ak oyai, ko agot ngo ki kiyestochok tabandap kipsengwet, ayumi kobwa eng' olooto ak amutu kobwa ole ki alewen ande kainennyu kotebee.’

TIENWOGIKAL 78:68

Ago ki lewen ooreetap Judah, Tulweetap Zion ne ki cham.

KOMONG'U 15:2

Kamuktaindet ne Toroor ko kimnateennyu ak tyendanyu, ak yetunennyu. Niito Kamuktaindennyu ak alasu ineendet; Ineendet ko Kamuktaindet ne po abba, atoroori ineendet.

KOMONG'U 20:24

Teekwo kaptisyet ne po ng'ung'unyek ak ieng'wo eng' kaptisisyonooto kagoochinoiguk che kibeelei ak kagoochinoiguk che po kaalyeet, keechiireguk ak tuguuk. Anyoonjinin ak aberuurin eng' komosta age tugul ole andoi kainennyu kibwaate.

KOMONG'U 25:22

Yeityo ketuiye ak inyee eng' olooto ak keng'alaal kobooten ko katebee kerwanooto po rireenet parak, ami kwenutap kerubisyek aeng' che mi paragutap moingetap paornateet ak amwaun tuguuk tugul che ang'atiin agobo piigap Israel.

JEREMIA 26:2

Kamwa Kamuktaindet ne Toroor kole: Tonon eng' seremutap kootap Kamuktaindet ne Toroor, ak ing'alaalji nganasook tugul che po Judah, che cham kobwanei kolasu eng' kootap Kamuktaindet ne Toroor, mwachi ng'aleek tugul che ang'atiin; imwachi; ametuuch ng'olyoo.

JEREMIA 7:12

Oba nguno oldanyu ne ki mi Shiloh, ole ki ande kainennyu eng' tai, si ogeer kiit ne ki ayachi amu tengekwogigap piikyuk Israel.

JEREMIA 7:14

ayachini anyun koyooto, nooto kimwaitoe kainennyu, ne omang'u, kobooto komosta ne ki agoonok ak kwanisyekwok, ko uu ye ki ayachi Shiloh.

ATEPTAP LAWIK 17:4

ama ket konyo kurgeetap emait ne kituiyechin, si kogoito koek kagoochinet ne igoochin Kamuktaindet ne Toroor eng' taitap kootap Kamuktaindet ne Toroor, ki ityin chiichooto korotiik. Kagotumda korotiik, ak king'etoi chiichooto eng' piikyik.

KAITOSYEK 7:89

Ye kingwo Musa emait ne kituiyechin kwo kong'alaal ak Kamuktaindet ne Toroor, kogas anyun kutit kong'alaaljin ineendet komang'une paragutap kerwetap rireenet ne ki miitei moingetap paornateet; ki mang'une kwenutap kerubisyechooto aeng', ak ki ng'alaalji ineendet.

NG'ATUTIK 12:11

Egu anyun ole leweni Kamuktaindet ne Toroor Kamuktaindeng'wong' konde kainennyi kotebee, ole oibe koba tugul che ang'atook; kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak ak kaarortaosyekwok tugul che oarorchini Kamuktaindet ne Toroor.

NG'ATUTIK 12:13

Riipkei si megoite kagoochinoiguk che kibeelei eng' oldo tugul ole igeere,

NG'ATUTIK 12:18

Ago iame tuguuchooto eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung' ak otwogeng'ung' ne muren ak ne tye ak Lawindet ne mi kurgotiguk. Ak ibaibaitu eng' taitap Kamuktaindet ne Toroor Kamuktaindeng'ung' eng' kiy age tugul ne iyae euneguk.

NG'ATUTIK 12:4

“Amoyachi Kamuktaindet ne Toroor Kamuktaindeng'wong' ko uu ye yachin icheek kamuktaikwak.

NG'ATUTIK 14:23

Iamisyei eng' taitap Kamuktaindet ne Toroor Kamuktaindeng'ung', eng' ole leweni konde kainennyi komeny olooto, kebebertap taman ne po peeguk, divaiguk, mwaniguk ak che twatei akweeng'ung' ak keechiireguk, si ineetkei iywei Kamuktaindet ne Toroor Kamuktaindeng'ung' kotugul.

NG'ATUTIK 14:24

Ye tuun iberuurin Kamuktaindet ne Toroor Kamuktaindeng'ung' me muuchi iip kebeberwechooto ak kouit panda eng' inyee amu loo eng' olooto ki lewen Kamuktaindet ne Toroor Kamuktaindeng'ung' konde kainennyi,

NG'ATUTIK 15:20

Iame chooto eng' taitap Kamuktaindet ne Toroor Kamuktaindeng'ung' inyee ak piigap koong'ung', eng' kenyiit age tugul eng' ole leweni Kamuktaindet ne Toroor.

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

NG'ATUTIK 16:15

Riipchi Kamuktaindet ne Toroor Kamuktaindeng'ung' igoorto eng' peetuusyek tisap eng' ole leweni Kamuktaindet ne Toroor. Amu iberuurun Kamuktaindet ne Toroor Kamuktaindeng'ung' tuguuk tugul che inyooru, ak poisyonik tugul che po euneguk ak ibaibaitu miising'.

NG'ATUTIK 16:2

Igoochi Kamuktaindet ne Toroor Kamuktaindeng'ung' tiseiywot ne po paska eng' keechiirek ak eng' tuuga eng' ole leweni Kamuktaindet ne Toroor kotebee kainennyi.

NG'ATUTIK 16:6

kobatee eng' ole leweni Kamuktaindet ne Toroor Kamuktaindeng'ung' kotebee kainennyi, ieny eng' olooto che po paska koskoleny, ye machei kororokto asiista eng' peetuut ne ki imong'u eng' Misiri.

NG'ATUTIK 16:7

Iiyo anyun si iam eng' ole leweni Kamuktaindet ne Toroor Kamuktaindeng'ung' yeityo iweege karon iwe ole mi emaisyeguk.

NG'ATUTIK 17:8

Ngo piit ng'olyoot ne uui eng' kirwooget ne temeneen, ne po korotiik eng' korotiik anan ng'olyoot eng' ng'olyoot, anan pireet eng' pireet, che kaek kabeletapkei eng' kurgotiguk, ing'eet anyun, iwe ole leweni Kamuktaindet ne Toroor Kamuktaindeng'ung';

NG'ATUTIK 18:6

“Ngo pun Lawindet kurgotiguk alak tugul eng' Israel, komong' eng' ole menyei eng' chamyennyi tugul ne po saboondanyi ak kwo ole leweni Kamuktaindet ne Toroor,

NG'ATUTIK 26:2

inam anyun eng' tongoanik tugul che po logoek che po emet che iibu eng' emeng'ung' ne koonin Kamuktaindet ne Toroor Kamuktaindeng'ung' ak inde kitonget yeityo iip koba ole leweni Kamuktaindet ne Toroor Kamuktaindeng'ung' kondai kainennyi.

NG'ATUTIK 31:11

ye kabwa Israel tugul koboorgei eng' taitap Kamuktaindet ne Toroor Kamuktaindeng'ung' eng' ole tuun leweni, isoman anyun ng'atuutyoni eng' taitap Israel tugul kogas.

KOLOSAIK 2:9

amu menyei eng' ineendet eng' poorto nyiyet tugul ne po Kamuktaindet,

HEBRANIK 12:22

ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,

JOSHUA 18:1

Ki iyumgei tuiyet tugul ne po piigap Israel eng' Shiloh ak koteech eng' olooto emait ne kituiyechin. Ki iterteerat anyun emonooto eng' tainnywa.

JOSHUA 22:11

Kingo kas piigap Israel kemwaei koleen kogoteech kaptisisyet lagogap Reuben, lagogap Gad ak kebebertap pororyetap Manasseh eng' taitap emetap Kanaan, eng' kooret ne neegit Jordan, eng' komosta ne po piigap Israel,

JOSHUA 9:27

Ki yai `Joshua icheek eng' peetuunooto koek che petei kweenik ak koramjin peek tuiyet ak kaptisisyetap Kamuktaindet ne Toroor eng' ole leweni ineendet, ak mi ko uu nooto agoi ra.

NG'ANG'UTYET 14:1

Ki ageer, ak ogeero, tononi Aarwet eng' tulweetap Zion, ak komi kobooto `ineendet piik eliphuusyek pogol ak artam ak ang'wan, che tinyei kainennyi, ak kainetap Kwandanyi, che ki kisirchi togoochikwak.