NG'ATUTIK 12:31 - BUKUIT NE TILIIL Sireet ne Dutero Kanon

³¹ Ameyachi ko uu nooto Kamuktaindet ne Toroor Kamuktaindeng'ung'. Amu kiy age tugul ne wegot eng' Kamuktaindet ne Toroor ne wechei ineendet, ko ki yachi ko uu nooto icheek kanamonikwak, amu peelei agot weeriikwak ak tiibiikwak kobeeljin kanamonikwak.

Bukuit Ne Tilil

³¹ Ameyachi ko uu nooto Kamuktaindet ne Toroor Kamuktaindeng'ung'. Amu kiy age tugul ne wegot eng' Kamuktaindet ne Toroor ne wechei ineendet, ko ki yachi ko uu nooto icheek kanamonikwak, amu peelei agot weeriikwak ak tiibiikwak kobeeljin kanamonikwak.

BUKUIT NE TILIL

³¹ Ameyachi ko u noto Jehovah Kamuktaindeng’ung’: amu kiy age tugul ne wegot eng’ Jehovah, ne wechei inendet, ko kiyachi ko u noto ichek kanamonikwak; amu beelei agot werikwak ak tibikwak kobeeljin kanamonikwak.

NG'ATUTIK 12:31 Referencias Cruzadas

2 LAITORINIK 16:3

Ago ki wendotee ortinwegap laitorinigap Israel, ee, ak kogoito weeriinnyi kobun maat, ko uu tuguuk che kiwechei che po pororyosyek, che ki oon Kamuktaindet ne Toroor koba eng' taitap piigap Israel.

2 LAITORINIK 17:31

ki yai Abik Nibas ak Tartak, ak ki peel Separbaik lagokwak kobeelji Adramelek ak Anamelek kanamonigap Separbaim.

2 LAITORINIK 21:2

Ki yai yaityet eng' taitap Kamuktaindet ne Toroor, koosup tuguuk che kiwechei che po pororyosyek, che ki oon Kamuktaindet ne Toroor eng' taitap piigap Israel.

2 LAITORINIK 3:27

Ki nam anyun taaitanyi ne kita tuun namei laitornatennyi kogeeri ineendet ak kogoito koek kagoochinet ne kibeelei eng' inaatut parak. Ki piit nereegek che eecheen agobo Israel; ak ki pa eng' ole mi ineendet, koweektagei emennywa.

2 ATEPTAP PEETUUSYEK 33:2

Ki yai ne ya eng' taitap Kamuktaindet ne Toroor, kosuubi tuguuk che kiwechei che po pororyosyek che kigaon Kamuktaindet ne Toroor eng' taitap piigap Israel.

2 ATEPTAP PEETUUSYEK 36:14

Ki ingelelso kogeny miising' tisiik tugul che eecheen, ak piik, koosup tuguuk tugul che kiwechei che po pororyosyek; ak ki imurwon kootap Kamuktaindet ne Toroor ne kiga kotabaan eng' Jerusalem.

TIENWOGIKAL 106:37

Ki igoito weeriikwak ak tiibiikwak koek tiseiywek che ki koochin oik.

KOMONG'U 23:2

Amesup tuiyet iwe iyai kiy ne ya. Ye ibaoryan eng' kapkirwook ko matonamgei ak tuiyet ibaoryan lembech, imaas kirwooget.

JEREMIA 32:35

Ak ki teech komoswek che torooreen che po Baal, che mi atebweetap weeriitap Hinom, si kogoito weeriikwak ak tiibiikwak kobun maat kogoochi Molek; ne ki ma ang'at, ama kuura met, ale si kobiit koyai kii kiwechei; ak kogoochi Judah koyai tengekto.

JEREMIA 7:31

Kigoteech komoswek che torooreen che po Topet, ne mi atebweetap weeriitap Hinom, si kobeel weeriikwak ak tiibiikwak eng' maat; ne ki ma ang'at, ne ma kuura met.

EZEKIEL 20:31

Ak ye ogoitoi kagoochinoikwok, ye ogoitoi weeriikwok kobun maat, ko tos ma omurwonegei kanamonikwok agoi rani? Ko tos oteepsena, okweek kootap Israel? Mwaei Kiptaiyat Kamuktaindet ne Toroor kole, ko uu ye asabe, koma achame oteepsena:

EZEKIEL 23:27

Ageesu yaityeng'ung' eng' inyee, ak kugoinateng'ung' ne ki ibu eng' emetap Misiri si mata inyaliil icheek, anan kota ibwaat Misiri kogeny.

ATEPTAP LAWIK 18:21

“Amegoite iyoteng'ung' ibeelji Molek, ak amereeny kainetap Kamuktaindeng'ung'. Aa Kamuktaindet ne Toroor.

ATEPTAP LAWIK 18:3

Amat oyai tuguuk che kiyaei emetap Misiri, ole ki omenye, amat oyai poisyonigap emetap Kanaan, ole amutok ak amat obendate kaneetisyosyekwak.

ATEPTAP LAWIK 20:2

“Ileenji piigap Israel, Chii age tugul ne igoochin lagokyik Molek, ngo age eng' piigap Israel anan age eng' punootik che meng'iisyei eng' Israel, kebarei chiichooto iman. Lachei piigap emet eng' koik.

MIKAH 6:7

Tos paibaitune Kamuktaindet ne Toroor mengichik eliphuusyek, anan ainoosyek eliphuusyek taman che po mwanik? Tos agoite taaitanyu agobo pistoennyu, agoite iyoteetap poortanyu agobo tengektap saboondanyu?

NG'ATUTIK 12:30

iriipkei anyun si ma riichin ak isup icheek, kogageng'em pichooto eng' taing'ung': ye iteep agobo kanamonikwak ile, ‘Ootitoi ano pororyosyechu kanamonikwak? Amache ayai agane ko uu nooto.’

NG'ATUTIK 12:4

“Amoyachi Kamuktaindet ne Toroor Kamuktaindeng'wong' ko uu ye yachin icheek kamuktaikwak.

NG'ATUTIK 20:18

Si ma ineetin isup iyai tuguukwak tugul che kiwechei, che ki koyachi kanamonikwak. Ngo yai ko uu nooto ko kochalwogenji Kamuktaindet ne Toroor kamuktaindeng'wong'.

NG'ATUTIK 9:4

Ye kagoon `Kamuktaindet ne Toroor icheek eng' taing'ung', ko mat imwa eng' muguleldang'ung'ile ki imutwaa Kamuktaindet ne Toroor ak kogoono emoni kobunjo amu imandanyu. Oone Kamuktaindet ne Toroor pororyosyechu eng' taing'ung' amu sogornatennywa.

NG'ATUTIK 9:5

Ma eng' imandang'ung' anan atebeeng'ung' ne myee, ne kagoonin inam emennywa. Ago oonei `Kamuktaindet ne Toroor Kamuktaindeng'ung' pororyosyechu eng' taing'ung' amu sogornatennywa, si kobiit kogimit Kamuktaindet ne Toroor ng'olyoot ne ki iyasyechi kwanisyeguk Abraham, Isak ak Jakobo.