NG'ATUTIK 12:3 - BUKUIT NE TILIIL Sireet ne Dutero Kanon

³ Obut kapkorosusyekwak ak otonaton tolochikwak ak obeel lumeiwegap Aserik. Oluul kanamonikwak che ki kiwai, ong'em ak obet kainennywa eng' olooto.

Bukuit Ne Tilil

³ Obut kapkorosusyekwak ak otonaton tolochikwak ak obeel lumeiwegap Aserik. Oluul kanamonikwak che ki kiwai, ong'em ak obet kainennywa eng' olooto.

BUKUIT NE TILIL

³ ak obut kapkorosusiekwak ak otonaton tolochikwak, ak obeel Aserik; ak oluul kanamonikwak che kigiwai, ak ong’em kainenywa eng’ oloto.

NG'ATUTIK 12:3 Referencias Cruzadas

1 LAITORINIK 14:15

Kong'eete nguno kobarei Kamuktaindet ne Toroor Israel, ko uu ye kitumdumi morong'yot eng' peek. Itutu `ineendet Israel eng' emoni karaaran, ne ki igoochi kwanisyekwak, ak koseer kosiir aineet pitoniin; amu kiyachigei Aserik ak kotaach Kamuktaindet ne Toroor.

1 LAITORINIK 15:13

Ki isto agine kamennyi Maaka eng' laitornatet, amu kiga yachi Asera kanamwet ne kiwechei. Kibut Asa kanamwanooto ak kobeel eng' kererutap Kidron.

2 LAITORINIK 11:18

Ki pa piik tugul che po emet kootap Baal ak kobut koluul. Kibut kapkorosusyekyik ak kanamonikyik kotonaton inne, ak kobar Matan tisiindetap Baal eng' taitap kapkorosusyek. Ak ki lewen tisiindet pounik koriip kootap Kamuktaindet ne Toroor.

2 LAITORINIK 18:4

Ki isto komoswek che torooreen, kibut tolochik ak koluul tolochigap Asera. Kitui ereneetap sugunwet ne kiyaei Musa, ne kiguure Nehustan. Amu kibeeljin nyamdutik piigap Israel agoi peetuusyechooto.

2 LAITORINIK 23:14

Kituatui anyun ineendet tolochik ak koep Aserik koluul, ak ki inyiit olooto kawegap piik.

2 ATEPTAP PEETUUSYEK 14:2

Ki yai Asa ne myee ak ne po iman eng' taitap Kamuktaindet ne Toroor Kamuktaindennyi.

2 ATEPTAP PEETUUSYEK 14:3

Ki isto kapkorosusyek che teer, ak komoswek che torooreen, kibut tolochik ak koep Aserik.

2 ATEPTAP PEETUUSYEK 19:3

Nganda uu nooto ko ki kigeerchin tuguuk che myachen, amu ki iste Aserot eng' emet ak ki igiil muguleldang'ung' icheeng' Kamuktaindet.”

2 ATEPTAP PEETUUSYEK 31:1

Kingo kagogeskei chuuto tugul, koba nganasoogap Judah Israel tugul che ki mi koba kobut tolochik, koep Aserik ak kobut komoswek che torooreen ak kapkorosusyek eng' Judah tugul ak Benjamin, eng' Ephraim ak Manasseh, kot kong'em kogees tugul. Ki week anyun lagok tugul che po Israel koba nganasookwak, kwo chii tugul ole mi tuguukyik.

2 ATEPTAP PEETUUSYEK 34:3

Amu eng' kenyiitap sisiit ne po laitornatennyi, ye kita ko ming'in, kotoi kocheeng' Kiptaiyat Kamuktaindetap Daudi kwandanyi: ak eng' kenyiitap taman ak aeng' kotoi kotiliil Judah ak Jerusalem koisto komoswek che torooreen, ak Aserik, ak kanamonik che ki kiwai ak kanamonik che ki kitany.

TIENWOGIKAL 16:4

Icheeget che leweni kamuktain age ko tesoksei nyalilwogikwak; ma tumdoi anee kagoochinoikwak che kieei che po korotiik, anan amwa kainaikwak eng' kutinnyu.

KOMONG'U 23:13

Riip tuguuk tugul che kaamwaun. Amat imwa kainaigap kamuktaik, amat kegasyi kutinng'ung'.

KOMONG'U 23:24

Amat isaa kanamonikwak, anan ioot, anan isup poisyonikwak. Ago oluul kot koma ng'et kiy ak obut kotonogis tolochikwak.

KOMONG'U 34:13

Ago obut kapkorosusyekwak. Otuatui kanamonikwak kotonogis ak oluul Aserikwak,

ISAIAH 27:9

Tuun kiuundoi anyun eng' niito yaityetap Jakobo, ak chuuto ko logoek tugul che ki istoe tengektanyi; ye kagoyai koik tugul che po kaptisisyet kogergeit ak taartaarik che ki kitui, kot koma kong'eetos kogeny keetiik che po ole kisaae ak itoonwegap asiista.

JEREMIA 17:2

kota kobwaati lagokwak, kapkorosusyekwak, ak Aserik che mi ole mi keetiik che tuonen eng' tuloonook parak,

HOSEA 2:17

Amu aistoi kainaigap Baalik eng' kutinnyi ama kibwaati kogeny kainaikwak.

MIKAH 5:14

Ak atutu Aserik eng' kwenung'ung'; ak ang'em nganasoguk.

SEKARIA 13:2

Ak mwaei Kamuktaindet ne Toroor ne po lugoosyek kole tuun aistoi eng' peetuunooto kainaigap kanamonik eng' emet, ama kibwaati kogeny: ak aiste kogeny maotik ak tamirmiryet ne murwoon eng' emet.

KAITOSYEK 33:52

oon anyun piik tugul che menyei emonooto koba eng' taing'wong'. Ong'em koikwak che saaei, ong'em kanamonikwak che ki kitaanyi ak obut oldinwekwak tugul che torooreen.

NG'ATUTIK 12:4

“Amoyachi Kamuktaindet ne Toroor Kamuktaindeng'wong' ko uu ye yachin icheek kamuktaikwak.

NG'ATUTIK 7:25

Obeel kanamonigap kamuktaikwak, amat igase myat fedha anan thahabu che mi kanamonichooto, anan iipchigei si ma riichin amu wechei nooto Kamuktaindet ne Toroor Kamuktaindeng'ung'.

NG'ATUTIK 7:5

Ago oyachi ko uu ni; obut kapkorosusyekwak, otonaton tolochikwak, oep lumeiywegap Aserik ak obeel kanamonikwak.

NG'ANG'UTYET 13:1

Ak ki ageer tyondo kotogosu eng' nyanjet, ne tinyei kuinoik taman ak metowek tisap, ak naryosyek taman eng' kuinoikyik, ak ki mi metowekyik kainaigap chubisyet.

KIRUOGIK 2:2

Eng' kebebertang'wong' ko mat oyai arorut ak piik che menyei emoni. Obut kapkorosusyekwak.’ Ago ma ogas iit kutinnyu. Nee ni ka oyai?