NG'ATUTIK 12:29 - BUKUIT NE TILIIL Sireet ne Dutero Kanon

²⁹ “Ye tuun ing'eto eng' taing'ung' Kamuktaindet ne Toroor Kamuktaindeng'ung' pororyosyek che iwendi inam si kobunjiin chooto, ye inam ak imeny emennywa,

Bukuit Ne Tilil

²⁹ “Ye tuun ing'eto eng' taing'ung' Kamuktaindet ne Toroor Kamuktaindeng'ung' pororyosyek che iwendi inam si kobunjiin chooto, ye inam ak imeny emennywa,

BUKUIT NE TILIL

²⁹ Ye tun ing’eto Jehovah Kamuktaindeng’ung’ bororiosiek eng’ taing’ung’, eng’ ole iwendi iname ak kobunjin choto, ak imeny emenywa;

NG'ATUTIK 12:29 Referencias Cruzadas

2 ATEPTAP PEETUUSYEK 33:2

Ki yai ne ya eng' taitap Kamuktaindet ne Toroor, kosuubi tuguuk che kiwechei che po pororyosyek che kigaon Kamuktaindet ne Toroor eng' taitap piigap Israel.

TIENWOGIKAL 78:55

Ki oon pororyosyek eng' tainnywa, Ak kipchechi icheek emonooto eng' kiwotosyek koek porotennywa, Ak ki igoochi ortinwegap Israel komeny emaisyekwak.

KOMONG'U 23:23

Amu wendi malaikaiyandennyu kondoenen, komutin iwe ole mi Amorik, Hitik, Perisik, Kanaanik, Hibik ak Jebusik ak aiste icheek awong'u.

NG'ATUTIK 12:30

iriipkei anyun si ma riichin ak isup icheek, kogageng'em pichooto eng' taing'ung': ye iteep agobo kanamonikwak ile, ‘Ootitoi ano pororyosyechu kanamonikwak? Amache ayai agane ko uu nooto.’

NG'ATUTIK 19:1

Ye kagoon `Kamuktaindet ne Toroor pororyosyek che nenywa emenooto koonin Kamuktaindet ne Toroor Kamuktaindeng'ung' ak inam imeny nganasookwak ak kooriikwak,

NG'ATUTIK 9:3

Nai anyun rani ile, Kamuktaindet ne Toroor Kamuktaindeng'ung', ko landoi kondoenen ko uu maat ne oo ne liblibeni. Ng'emei pichooto ak kogoochi konyeratitu eng' taing'ung' si iluul ak ing'em ichokyi ko uu ye kimwaun Kamuktaindet ne Toroor.

JOSHUA 21:43

Ki igoochi anyun `Kamuktaindet ne Toroor Israel emet tugul ne ki iyasyechi kwanisyekwak kole tuun igoochin ak ki nam kobunji ak komeny,

JOSHUA 23:4

Ki apcheiywok pororyosyechu kang'et koek poroteetap ortinwekwok kobooch Jordan, kobooto pororyosyek tugul che ki abar agoi nyanjetap Mediterenian ne tokyingei kong'asiis.