NG'ATUTIK 11:9 - BUKUIT NE TILIIL Sireet ne Dutero Kanon

⁹ Si kobiit kochang'a peetuusyekwok eng' emonooto, ne ki iyasyechi Kamuktaindet ne Toroor kwanisyekwok kole igoochin icheek ak iyotennywa ne piitu let, emet ne nyiitaat cheego ak komi kumyat eng' chaang'indo.

Bukuit Ne Tilil

⁹ Si kobiit kochang'a peetuusyekwok eng' emonooto, ne ki iyasyechi Kamuktaindet ne Toroor kwanisyekwok kole igoochin icheek ak iyotennywa ne piitu let, emet ne nyiitaat cheego ak komi kumyat eng' chaang'indo.

BUKUIT NE TILIL

⁹ si kochang’a betusiekwok eng’ emonoto, ne kiiyosiechi Jehovah kwanisiekwok kole igochin ichek ak iyotenywa ne biitu let, emet ne nyiitat chego ak kumik.

NG'ATUTIK 11:9 Referencias Cruzadas

KOMONG'U 20:12

Teech kwandang'ung' ak kamenng'ung' si kochang'a peetuusyeguk eng' emet ne koonin Kamuktaindet ne Toroor Kamuktaindeng'ung'.

KOMONG'U 3:8

Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

KALEWANAIK 10:27

Tesei peetuusyek kaiyweisyet ne kiywei Kamuktaindet ne Toroor, ago kitilei kenyiisyegap kiptengeginik kong'ering'itu.

KALEWANAIK 3:16

Mi eunnyi ne po tai chaang'indap peetuusyek; komi eunnyi ne po kaataam mogornatosyek ak teegisto.

KALEWANAIK 3:2

amu tesun chooto chaang'indap peetuusyek, kenyiisyegap sabeet ak kaalyeet.

KALEWANAIK 9:11

Amu tesoksei peetuusyeguk eng' anee, ak kotesak kenyiisyegap sabeeng'ung'.

EZEKIEL 20:6

ki ayogoochi eunnyu icheek eng' peetuunooto, amutu icheek komong' eng' emetap Misiri kobwa emet ne ki amararchi icheek, ne nyiitaat cheego ak kumyat, ne toroornatetap emotinwek tugul:

NG'ATUTIK 1:8

Ogeero, kande emet taing'wong'; omong'ji anyun onam kobunjook emet ne ki iyasyechi `Kamuktaindet ne Toroor kwanisyekwok, Abraham, Isak ak Jakobo kole igoochin icheek ak iyotennywa ne piitu let.

NG'ATUTIK 11:10

Amu ma uu emet ne obendi oname kobunjook emetap Misiri ne ki obunu ole ki igoole kesweguk ak ki ibisisye keeldong'ung' ko uu kabungui.

NG'ATUTIK 11:21

si ko uu ye ta komi kipsengwet ak ng'wony, ko tesoksei ko uu nooto peetuusyekwok ak peetuusyegap lagokwok eng' emet ne ki iyasyechi Kamuktaindet ne Toroor kwanisyekwok kole igoochin.

NG'ATUTIK 4:40

Riip anyun kaneetisyosyekyik ak ng'atuutikyik che `kang'atiin rani si komyeeit eng' inyee, kobooto lagoguk che piitu let ak kochang'a peetuusyeguk eng' emet ne koonin Kamuktaindet ne Toroor Kamuktaindeng'ung' koigeny.

NG'ATUTIK 5:16

Teech kwandang'ung' ak kamenng'ung', ko uu ye king'atin Kamuktaindet ne Toroor Kamuktaindeng'ung', si kochang'a peetuusyeguk ak komyeeit eng' inyee eng' emet ne koonin Kamuktaindet ne Toroor Kamuktaindeng'ung'.

NG'ATUTIK 5:33

Obun ortinwek tugul che king'ataak Kamuktaindet ne Toroor Kamuktaindeng'wong', si osapche ak komyeeit eng' okweek ak kochang'a peetuusyekwok eng' emet ne oname kobunjook.”

NG'ATUTIK 6:18

Yai ne po iman ak ne myee eng' taitap Kamuktaindet ne Toroor si komyeeit eng' inyee ye iwe inam kobunjiin emet ne myee ne ki iyasyechi Kamuktaindet ne Toroor kwanisyeguk

NG'ATUTIK 6:2

si kobiit igonyit Kamuktaindet ne Toroor Kamuktaindeng'ung', inyee ak weeriing'ung' ak mochogoreng'ung' eng' peetuusyeguk tugul kotee isabe. Ak iriip kaneetisyosyekyik tugul ak ng'atuutikyik che ang'atiin, si kochang'a peetuusyeguk.

NG'ATUTIK 6:3

Ogas anyun ee Israel, oriip ogeer ole koyai si komyeeityin ak otesage eng' emet ne nyiitaat cheego ak komi kumyat eng' chaang'indo ko uu ye ki iarorun `Kamuktaindet ne Toroor, Kamuktaindetap kwanisyeguk.

NG'ATUTIK 8:7

Imutin `Kamuktaindet ne Toroor Kamuktaindeng'ung' iit emet ne karaaran, emetap kereruusyek che mi peek ak komi kong'igap peek ak keriingonik che kutune peek eng' atebwosyek ak eng' tuloonook.

NG'ATUTIK 9:5

Ma eng' imandang'ung' anan atebeeng'ung' ne myee, ne kagoonin inam emennywa. Ago oonei `Kamuktaindet ne Toroor Kamuktaindeng'ung' pororyosyechu eng' taing'ung' amu sogornatennywa, si kobiit kogimit Kamuktaindet ne Toroor ng'olyoot ne ki iyasyechi kwanisyeguk Abraham, Isak ak Jakobo.