NG'ATUTIK 10:17 - BUKUIT NE TILIIL Sireet ne Dutero Kanon

¹⁷ Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

Bukuit Ne Tilil

¹⁷ Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

BUKUIT NE TILIL

¹⁷ Amu Jehovah Kamuktaindeng’wong’ ko Kamuktaindet ne siirei cheptalelisiek, ak Kiptaiyatab kiptainik, Kamuktaindet ne o, ne bo kamuktaet, ne bo kamuiset, ne matiytii bik, ne mataachei che bo kagaigaet.

NG'ATUTIK 10:17 Referencias Cruzadas

2 ATEPTAP PEETUUSYEK 19:7

Ingotebenok anyun kaiyweisyet ne oiywei Kamuktaindet ne Toroor, oriip ak oyai, amu ma mi tengekto eng' Kamuktaindet ne Toroor, Kamuktaindennyo anan ko tiytiyetap piik, ama taachei konunoik che kigoigoisye.”

NEEMIA 1:5

Yeityo ale; “Asaain, ee Kamuktaindet ne Toroor, Kamuktaindetap kipsengwet, Kamuktaindet ne oo ne po kwong'eet, ne riibei arorutyet ak rireenet eng' icheeget che chamei ineendet ak koriibei ng'atuutikyik:

NEEMIA 4:14

Ak ye ki ageer ole uu, ang'eet ak aleenji piik che taagunotiin, pounik ak piik tugul, “Amoiywei icheek. Obwaat Kamuktaindet ne Toroor ne oo ak ko po kamuiset ak oyai lugeet agobo tupchosyekwok, weeriikwok, tiibiikwok, osotikwok ak kooriikwok.”

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

Kitabuutap JOB 34:19

Kotam nee anyun eng' ineendet ne ma konyiti pounik, ne ma keerei mogoreek kosiir kibananook? Amu poisyonigap eunekyik icheek tugul.

TIENWOGIKAL 99:3

Ingolas icheek kaineng'ung' ne oo ne imuisei. Tiliil ineendet.

KOMONG'U 23:8

Ametaach tuguuk che po asoya, amu tuchei konunoik icheeget che ng'oomen ak kogunuuri ng'aleegap che po imanda.

ISAIAH 37:16

Ee Kamuktaindet ne Toroor ne po lugoosyek, Kamuktaindetap Israel, ne tebee kerubisyek, ii Kamuktaindet, inyee inyegei, ne po laitornatosyek tugul che po ng'wony; ki iyai kipsengwet ak ng'wony.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 20:11

Ago mi Kamuktaindet ne Toroor kobooto ko uu ineendet ne kiim ak komuisei: kinachi anyun usiikyuk, ama iterteerisyei: ililandos kot, amu ma yai eng' ng'omnateet, ak ma koi kiutye teweernatennywa ne po koigeny.

JEREMIA 32:18

inyee ne iriiree eliphuusyek, ak igeerchini tengekwogigap kwanisyek tegetigap lagokwak che isubi icheek: Kamuktaindet ne Toroor ne oo, ne po kamuktaet, kainennyi ko Kamuktaindet ne Toroor ne po lugoosyek;

MARIKO 12:14

Ak kingo pwa, koleenji ineendet, Kaneetindoni, kingen keele ii po iman, ameiti chii age tugul: amu megeere itoondap chii, ago ineeti iman ooreetap Kamuktaindet: Tos chamdoi ng'atuutik kigoochi kodi Caesarea, anan ma chamdoi?

POISYONIGAP CHE KIYOKTOI 10:34

Ki ng'aany anyun Petero kutinnyi, kole, “Iman ageere ale ma chamei `Kamuktaindet piik alak kosiir alak:

ROMANIK 2:11

amu ma tiytiy `Kamuktaindet piik.

GALATYEK 2:6

Ago icheeget che ki kiiti keele taagunotiin (ngo uu ole teptoi icheek, koma kiy eng' anee: ma tiytiy Kamuktaindet chii) - amwae ale, ma teswa kiy icheeget cho taagunotiin.

EPESOEK 6:9

Ak okweek kiptainichu, oyachi icheek ak okweek ko uu nooto, amorasyini: ongen ole mi kipsengwet Kiptaiyannywa ak ko neng'wong', ama mi eng' ineendet tiytiyet ne po piik.

NG'ATUTIK 1:17

Amotiytiy piik eng' kirwooget; ago ogasyi ne ming'in ak ne oo kogergeit. Amoiywei togoch ne po chii amu po kirwooget Kamuktaindet. Ng'olyoot ne katemenak oibwa si agas.’

NG'ATUTIK 16:19

Amemaas kirwooget. Ametiytiy piik anan itaach che po kagaigaet, amu kerei konyegap che tinyei utaatyet tuguuk che po kagaigaet, ak kogunuuri ng'aleegap che po imanda.

NG'ATUTIK 24:17

Amemaas kirwoogetap toondet anan ne ma tinyei sigiik anan iname pesendo ngoryeetap mosoget.

NG'ATUTIK 27:25

“Chuboot chii ne taachei melekto si kobar chii ne ma tinyei tengek.” Ak kole piik tugul, “Amen!”

NG'ATUTIK 7:21

Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

KOLOSAIK 3:25

Amu ineendet ne yaei ne ya, ko tuun taachei agine ne po yaityonooto ki yai: ama mi tiytiyet.

1 TIMOTEO 6:15

ne tuun iboortoi eng' peetuusyekyik, ne ineendet ne iberuurot ak ko Kamuktaindet ineegei, Laitoryat ne po laitorinik, ak Kiptaiyat ne po kiptainik;

JOSHUA 22:22

“Ingen Kamuktaindet ne Toroor, Kamuktaindet ne pou kamuktaik, ak ta konaei Israel agine, ngot ko eng' ngelelnateet anan ngot ko eng' kachililutyet ne kagichililji Kamuktaindet ne Toroor, (ko mat isarwech rani,)

1 PETERO 1:17

Ak ngot oguure ineendet oleen Kwanda, ne irwoochi ko uu ole teptoi poisyetap chii age tugul, ama eng' tiytiyet, obendoti eng' kaiyweisyet eng' peetuusyekwok che omi ko oo toek:

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 19:16

Ak kotinyei eng' ngoryennyi ak eng' kubestanyi kainet ne ki kisir kole, “Laitoryat ne po Laitorinik ak Kiptaiyat ne po Kiptainik.”