NG'ATUTIK 10:12 - BUKUIT NE TILIIL Sireet ne Dutero Kanon

¹² “Ara anyun Israel, nee ne magenen Kamuktaindet ne Toroor Kamuktaindeng'ung', kobatee iywei ineendet kamuktaindeng'ung', iwendote ortinwekyik tugul, icham ineendet ak ioot Kamuktaindeng'ung' eng' muguleldang'ung' tugul ak eng' saboondang'ung' tugul,

Bukuit Ne Tilil

¹² “Ara anyun Israel, nee ne magenen Kamuktaindet ne Toroor Kamuktaindeng'ung', kobatee iywei ineendet kamuktaindeng'ung', iwendote ortinwekyik tugul, icham ineendet ak ioot Kamuktaindeng'ung' eng' muguleldang'ung' tugul ak eng' saboondang'ung' tugul,

BUKUIT NE TILIL

¹² Ara anyun Israel, nee ne magenen Jehovah Kamuktaindeng’ung’, kobate iywei Jehovah Kamuktaindeng’ung’, iwendote ortinwekyik tugul, ak icham inendet, ak iot Jehovah Kamuktaindeng’ung’ eng’ muguleldang’ung’ tugul ak eng’ sobondang’ung’ tugul,

NG'ATUTIK 10:12 Referencias Cruzadas

1 LAITORINIK 3:3

Ki cham `Solomon Kamuktaindet ne Toroor, kowendote ng'atuutigap Daudi kwandanyi; ago kienyei tiseiywek ak kobeelei nyamdutik eng' komoswek che torooreen.

2 LAITORINIK 10:31

Ago ma mage kiy Jehu kowendote ng'atuutigap Kamuktaindet ne Toroor, Kamuktaindetap Israel, eng' muguleldanyi tugul. Ma istoegei tengekwogigap Jeroboam, che ki ibeete Israel si koyai tengekto.

2 LAITORINIK 18:3

Ki yai ne myee eng' taitap Kamuktaindet ne Toroor, ko uu tugul che kiga yai Daudi kwandanyi.

2 LAITORINIK 18:6

Amu ki namgei ak Kamuktaindet ne Toroor, ma masta eng' kasubetap Kamuktaindet ne Toroor, ago ki riip ng'atuutikyik, che ki ng'at `Kamuktaindet ne Toroor Musa.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 15:12

Ki yai arorutyet kocheeng' Kamuktaindet ne Toroor, Kamuktaindetap kwanisyekwak, eng' mugulelwekwak tugul ak eng' saboonwekwak tugul,

Kitabuutap JOB 36:11

Ngot kogas iit ineendet ak koot, koboisyee peetuusyekwak eng' kaberuret, ak koboisyee kenyiisyekwak eng' poiboiyet.

TIENWOGIKAL 119:2

Poiboen icheek che riibei paornatosyekyik, che cheeng'ei ineendet eng' muguleldo komugul,

TIENWOGIKAL 128:1

Paibai age tugul ne iywei Kamuktaindet ne Toroor, ne wendote ortinwekyik.

TIENWOGIKAL 145:20

Riibei Kamuktaindet ne Toroor tugul che chamei ineendet; a, o ng'emei kiptengeginik.

TIENWOGIKAL 18:1

Achamin, ee Kamuktaindet ne Toroor, kimnateennyu.

TIENWOGIKAL 34:9

Oiywei Kamuktaindet ne Toroor, okweek piikyik che tiliileen, amu ma rarchin kiy icheek che iywei ineendet.

TIENWOGIKAL 81:13

Pwo! Nda kiga epcha iit piikyuk, Ee, nda kiga cham Israel kobendatee ortinwekyuk!

TIENWOGIKAL 81:14

Ta kasip aterteerchi puunikwak, Ak aluukyi eunnyu usiikwak.

KOMONG'U 23:25

Oboisyeiwo anee Kamuktaindet ne Toroor Kamuktaindeng'wong', si koberuur amitwogiguk ak peeguk, ak aiste myanwogik eng' kwenung'ung'.

AMDOINDET 12:13

Ara nguno ko kagogasak tugul, ni anyun ko kagesunetap tuguuchu: Iywei Kamuktaindet ak iriip ng'atuutikyik, amu nyoljin chiito poisyoniito tugul.

EZEKIEL 11:20

si kobendatee ng'atuutikyuk, ak koriip kayomisutikyuk, ak koyai: ak koek icheek piikyuk, ak aegu Kamuktaindennywa.

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

SEPANIA 3:9

Amu tuun aweekyini anyun piik eng' peetuunooto kutit ne myee, si koguur tugul kainetap Kamuktaindet ne Toroor, ak koboisyechi eng' mageet agenge.

MATAYO 22:37

Ak ki wolji koleenji, “Cham Kiptaiyat Kamuktaindet ne Toroor neng'ung' eng' muguleldang'ung' komugul, eng' saboondang'ung' komugul ak eng' ng'omnateng'ung' komugul.

LUKA 10:27

Ak ki wolji ineendet koleenji, “Cham Kiptaiyat Kamuktaindet ne Toroor neng'ung' eng' muguleldang'ung' komugul, ak eng' saboondang'ung' komugul, ak eng' kimnateng'ung' komugul, ak eng' ng'omnateng'ung' komugul; ak icham chiitap kokweng'ung' ko uu ye ichamdoige.”

LUKA 11:42

Ago pwo eng' okweek Pharisaik! Amu ogoitoi kebebertap taman ne po heduosmon ak keetiik che mengech che ng'uu, ak che po sogeek alak tugul, ak ometoi kirwooget ak chamyetap Kamuktaindet: ago kita nyolu oyai chuuto, amomete chuun alak.

POISYONIGAP CHE KIYOKTOI 9:31

Konyoor anyun kamuung'et kaniset eng' emet komugul ne po Judea, Galilaya ak Samaria ak koteegak. Ak ye kibendoti eng' kayweetap Kiptaiyat ak eng' kagaigaet ne po Kabuuset ne Tiliil, kotesak.

ROMANIK 1:9

Amu Kamuktaindet paoryandennyu, ne aoote eng' saboondanyu eng' logoiywek che myach che po Weeriinnyi, ale masise amwa agobo okweek kotugul eng' saautikyuk,

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

NG'ATUTIK 10:11

Ki leenjo Kamuktaindet ne Toroor, “Ng'eet indochi piik si koba konam emet ne ki ayosyechi kwanisyekwak ale agoochini.”

NG'ATUTIK 10:13

ak iriip ng'atuutigap Kamuktaindet ne Toroor ak kaneetisyosyekyik, che kaang'atiin rani si komyeeit eng' inyee.

NG'ATUTIK 11:1

Cham anyun Kamuktaindet ne Toroor Kamuktaindeng'ung' ak iriip kotigonennyi, kaneetisyosyekyik, kirwoogutikyik ak ng'atuutikyik kotugul.

NG'ATUTIK 11:13

Ngot ogas iit eng' kagiiletapkei ng'atuutikyuk che kang'atak rani ak ngo cham Kamuktaindet ne Toroor Kamuktaindeng'wong' oboisyechi ineendet eng' mugulelwekwok tugul ak eng' saboonwekwok tugul,

NG'ATUTIK 26:16

“Kang'atiin rani Kamuktaindet ne Toroor Kamuktaindeng'ung' iyai kaneetisyosyechu ak kirwoogutichu. Riip anyun ak iyai eng' muguleldang'ung' komugul ak eng' saboondang'ung' komugul.

NG'ATUTIK 27:10

Ara anyun kas iit kutitap Kamuktaindet ne Toroor Kamuktaindeng'ung' ak iyai ng'atuutikyik ak kaneetisyosyekyik che kaang'atiin ra.”

NG'ATUTIK 30:16

Amu kaang'atiin rani ale icham Kamuktaindet ne Toroor Kamuktaindeng'ung' iwendote ortinwekyik, iriip ng'atuutikyik ak kaneetisyosyekyik ak kirwoogutikyik si isap itesage, si koberuurin Kamuktaindet ne Toroor Kamuktaindeng'ung' eng' emet ne iwendi iname.

NG'ATUTIK 30:20

Cham Kamuktaindet ne Toroor Kamuktaindeng'ung', kas iit kutinnyi ak onamgei ak ineendet. Amu ineendet saboondang'ung' ak kooindap peetuusyeguk, si kobiit imeny emet ne ki iyasyechi `Kamuktaindet ne Toroor kwanisyeguk Abraham, Isak, ak Jakobo kogoochi.”

NG'ATUTIK 4:29

Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.

NG'ATUTIK 5:29

Kata myee anyun nda tinyei kotugul muguleldo ne uu nooto si koiywea ak koriip ng'atuutikyuk tugul si komyeeit eng' icheek ak eng' lagokwak agoi.

NG'ATUTIK 5:33

Obun ortinwek tugul che king'ataak Kamuktaindet ne Toroor Kamuktaindeng'wong', si osapche ak komyeeit eng' okweek ak kochang'a peetuusyekwok eng' emet ne oname kobunjook.”

NG'ATUTIK 6:13

Iywei Kamuktaindet ne Toroor Kamuktaindeng'ung', oot ineendet ak iyasye eng' kainennyi.

NG'ATUTIK 6:2

si kobiit igonyit Kamuktaindet ne Toroor Kamuktaindeng'ung', inyee ak weeriing'ung' ak mochogoreng'ung' eng' peetuusyeguk tugul kotee isabe. Ak iriip kaneetisyosyekyik tugul ak ng'atuutikyik che ang'atiin, si kochang'a peetuusyeguk.

NG'ATUTIK 6:24

Ki ng'atech anyun `Kamuktaindet ne Toroor keyai kaneetisyosyechu tugul, kiywei Kamuktaindet ne Toroor, Kamuktaindennyo si ketepte myeeindo kotugul, si koriibech kesapchee ko uu ra.

NG'ATUTIK 6:5

ak cham Kamuktaindet ne Toroor Kamuktaindeng'ung' eng' muguleldang'ung' tugul, eng' saboondang'ung' tugul ak eng' kimnateng'ung' tugul.

1 TIMOTEO 1:5

Ago kasuldaetap ng'atuutyoni ko chamyet ne punu muguleldo ne tiliil ak kabwaatet ne myee ak kayaneet ne ma tinyei keniisyet:

HEBRANIK 12:28

Nooto anyun, amu kinyooru laitornatet ne ma kimuuchi kitumdum, ko ongeegu che tinyei myeeindo, ne kimuuchi keyae poisyet ne iboiboi Kamuktaindet miising', eng' teegisto ak kayweet:

JOSHUA 22:5

Ago oriipkei miising' oyai kayomisutyet ak ng'atuutyet che king'ataak Musa otwogindetap Kamuktaindet ne Toroor, ocham Kamuktaindet ne Toroor Kamuktaindeng'wong' ak obendate ortinwekyik tugul ak oriip ng'atuutikyik onamge ak ineendet ak oot eng' mugulelwekwok tugul ak saboonwekwok tugul.”

JOSHUA 24:14

“Oiywei anyun Kamuktaindet ne Toroor ak oboisyechi ineendet eng' muguleldo ne ma tinyei keniisyet ak eng' imanit. Oiste kanamonik che kiotei kwanisyekwok eng' aineet pitoniin ak eng' Misiri, ak oboisyechi Kamuktaindet ne Toroor.

1 JOHANA 2:15

Amocham ng'wony, anan tuguuk che mi ng'wony. Ngot kocham chii ng'wony koma mi chamyetap Kwanda eng' ineendet.

1 JOHANA 5:5

Ak ng'oo ineendet ne iterteeri ng'wony, kobatee ineendet ne iyani kole Jeso ko Weeriitap Kamuktaindet?

1 SAMUEL 12:20

Kowolji `Samuel piik koleenji, “Amoiywei, ki oyai iman yaityoni tugul, ago amomaste obagaach Kamuktaindet ne Toroor. Ago oot Kamuktaindet ne Toroor eng' mugulelwekwok tugul.