NG'ANG'UTYET 9:18 - BUKUIT NE TILIIL Sireet ne Dutero Kanon

¹⁸ Ak ki kibare `korotwechooto somok kebeberta agenge eng' somok ne po piik, eng' maat, iyeto ak eng' koik che laldos che ki mang'une kutusweekwak.

Bukuit Ne Tilil

¹⁸ Ak ki kibare `korotwechooto somok kebeberta agenge eng' somok ne po piik, eng' maat, iyeto ak eng' koik che laldos che ki mang'une kutusweekwak.

BUKUIT NE TILIL

¹⁸ Ak kigibar korotwechoto somok kebeberta agenge eng’ somok ne bo bik, eng’ mat ak eng’ iyeto ak eng’ koik che laldos, che kimong’une kutuswekwak.

NG'ANG'UTYET 9:18 Referencias Cruzadas

NG'ANG'UTYET 8:10

Ki kuut malaikaiyatap somok, ak kirorok kecheiyat ne oo eng' kipsengwet, kolalei ko uu tait, ak ki ibutyi kebeberta agenge eng' somok ne po ainoosyek, ak kondametusyegap peek.

NG'ANG'UTYET 8:11

Ki kiguure kainetap kecheiyandanooto Ng'wanindo. Ak king'wanit kebeberta agenge eng' somok ne po peek, ak ki pek piik che chaang' eng' peechooto, amu kiga kiyai kong'woneegitu.

NG'ANG'UTYET 8:12

Ki kuut malaikaiyatap ang'wan, ak ki kikwer kebeberta agenge eng' somok ne po asiista, ak kebeberta agenge eng' somok ne po arawet, ak kebeberta agenge eng' somok ne po kecheik, si koimenit kebeberta agenge eng' somok ne po tuguuchooto. Ak kebeberta agenge eng' somok ne po peetuut koma iluu, ak koigei nooto agine kemout.

NG'ANG'UTYET 8:7

Ki kuut malaikaiyat ne po tai, ak ki piit koigap ropta ak maat che purugotin ak korotiik, ak ki kiwiirchi ng'wony; ak ki lal kebeberta agenge eng' somok ne po ng'wony, ak ki lal kebeberta agenge eng' somok ne po keetiik, ak kilalyo susweek tugul che tuonen.

NG'ANG'UTYET 8:8

Ki kuut malaikaiyatap aeng', ak ki kiwiirchi nyanjet kiit ne uu tulweet ne oo kolalei; ak ki ek korotiik kebeberta agenge eng' somok ne po nyanjet.

NG'ANG'UTYET 8:9

Kime kebeberta agenge eng' somok ne po tyong'ik che kisaptos che ki mi nyanjet, ak ki king'em kebeberta agenge eng' somok ne po melisyek.

NG'ANG'UTYET 9:15

Ki kityaach anyun malaikaisyechooto ang'wan, che kiga kechop agobo sait ak peetuut ak arawet ak kenyiit, si kobar kebeberta agenge eng' somok ne po piik.

NG'ANG'UTYET 9:17

Ki ageer eng' ng'ang'utyet paraisisyek ak icheeget che ketei, kotinyei tuguuk che kilaakyin tegetik che uu maat ak che uu huakinto ak che uu koik che laldos. Ak ki uu metowegap paraisisyek metowegap ng'etuunyik, ak komang'une kutusweekwak maat ak iyeto ak koik che laldos.

NG'ANG'UTYET 9:19

Amu mi kimnateetap paraisisyek kutusweekwak ak katutaikwak, amu kergei katutaikwak ak erenook, ak kotinyei metowek; ak konyalilsye tuguuchooto.