NG'ANG'UTYET 8:12 - BUKUIT NE TILIIL Sireet ne Dutero Kanon

¹² Ki kuut malaikaiyatap ang'wan, ak ki kikwer kebeberta agenge eng' somok ne po asiista, ak kebeberta agenge eng' somok ne po arawet, ak kebeberta agenge eng' somok ne po kecheik, si koimenit kebeberta agenge eng' somok ne po tuguuchooto. Ak kebeberta agenge eng' somok ne po peetuut koma iluu, ak koigei nooto agine kemout.

Bukuit Ne Tilil

¹² Ki kuut malaikaiyatap ang'wan, ak ki kikwer kebeberta agenge eng' somok ne po asiista, ak kebeberta agenge eng' somok ne po arawet, ak kebeberta agenge eng' somok ne po kecheik, si koimenit kebeberta agenge eng' somok ne po tuguuchooto. Ak kebeberta agenge eng' somok ne po peetuut koma iluu, ak koigei nooto agine kemout.

BUKUIT NE TILIL

¹² Ak kiguut malaikaiyatab ang’wan, ak kigikwer kebeberta agenge eng’ somok ne bo asista, ak kebeberta agenge eng’ somok ne bo arawet, ak kebeberta agenge eng’ somok ne bo kecheik; si koimenit kebeberta agenge eng’ somok ne bo tuguchoto, ama iluu betut eng’ kebeberta agenge eng’ somok, ak koigei noto agine kemout.

NG'ANG'UTYET 8:12 Referencias Cruzadas

ISAIAH 13:10

Amu kecheigap kipsengwet ak kecheikyik che iyumigei koma kogoonu lapkeiyennywa; imenitu asiista komachei kochor, ak ma kooluu arawet agine.

ISAIAH 24:23

Ak kotoptoben arawet, ak kolilaan asiista; amu laitorani Kamuktaindet ne Toroor ne po lugoosyek eng' tulweetap Zion ak eng' Jerusalem, ak eng' taitap poisyekyik.

JEREMIA 4:23

Ki ageer ng'wony, ak ki ma komi kiy ak ki ma kotinyei itoon; ki ageer kipsengwet ak ki ma kotinyei lapkeiyet.

JOEL 2:10

Potani emet eng' tainnywa; potandos kipsengwet: imenitu asiista ak arawet, ama kooluu kecheik.

JOEL 2:31

Ak koimenit asiista, ak koigei korotiik arawet, kotom koit peetuut ne oo ne imuisei ne po Kamuktaindet ne Toroor.

JOEL 3:15

Imenitu asiista ak arawet, ama kooluu kecheik,

AMOS 8:9

Mwaei Kiptaiyat Kamuktaindet ne Toroor kole, “Eng' peetuunooto, agoochini kororokto asiista peet kween, ak agoochini emet koimenit eng' peetuut ne churat.

MATAYO 24:29

“Ne ma tyanit ko kagogeskei nyalilda ne po peetuusyechooto, koimenit asiista, ama kooluu arawet, ak rorogu kecheik eng' kipsengwet, ak kitumdum kimnatosyek che po kipsengwet.

MATAYO 27:45

Ki imenit anyun emet komugul kong'etee sait lo agoi sait sogool.

MARIKO 13:24

“Ago eng' peetuusyechooto, ko kagobata nyalilata, koimenit asiista, kama kooluu arawet,

MARIKO 15:33

Ak kingo it sait lo, koimenit emet komugul agoi sait sogool.

LUKA 21:25

Ak kobiit kaboorunoik eng' asiista ak eng' arawet ak eng' kecheik; ak kobiit eng' ng'wony pichiindap pororyosyek, ak peng'jinet amu kamuutetap araraita ak peek che mildogei;

POISYONIGAP CHE KIYOKTOI 2:20

Kiwolei asiista koek mesundeito, ak kewal arawet koek korotiik, kotom koit peetuutap Kiptaiyat, peetuut ne oo ak ko ne tagunoot.

2 KORINTOEK 4:4

eng' icheek che katuch kamuktaindetap ng'wonyuni kabwaatutigap che ma iyani, si ma iluuchi icheek lapkeiyetap logoiywek che myach che po toroornatetap Kristo, ne ineendet ko itoondap Kamuktaindet.

NG'ANG'UTYET 12:4

Ak ichuuti katutyennyi kebeberta agenge eng' somok ne po kecheigap kipsengwet, ak kowiirchi ng'wony. Ki tonon maswetit eng' taitap kwonyooto ne kimachei kosigiis, kole si ye sigis, koam lakweet.

NG'ANG'UTYET 16:10

Kiroong'ji malaikaiyat ne po muut taabeennyi ng'echereetap tyondo; ak koimenit laitornatennyi; ak kinyei ng'elyebwekwak amu ng'wanindo,

NG'ANG'UTYET 6:12

Ak ki ageer ye kingo yaat ng'ookset ne po lo, ak ki piit potanet ne oo ne po ng'wony; ak ki tuit asiista ko uu kuniet ne ki kiyae koroorik, ak ki igei arawet komugul korotiik;

NG'ANG'UTYET 9:15

Ki kityaach anyun malaikaisyechooto ang'wan, che kiga kechop agobo sait ak peetuut ak arawet ak kenyiit, si kobar kebeberta agenge eng' somok ne po piik.

NG'ANG'UTYET 9:18

Ak ki kibare `korotwechooto somok kebeberta agenge eng' somok ne po piik, eng' maat, iyeto ak eng' koik che laldos che ki mang'une kutusweekwak.