NG'ANG'UTYET 6:12 - BUKUIT NE TILIIL Sireet ne Dutero Kanon

¹² Ak ki ageer ye kingo yaat ng'ookset ne po lo, ak ki piit potanet ne oo ne po ng'wony; ak ki tuit asiista ko uu kuniet ne ki kiyae koroorik, ak ki igei arawet komugul korotiik;

Bukuit Ne Tilil

¹² Ak ki ageer ye kingo yaat ng'ookset ne po lo, ak ki piit potanet ne oo ne po ng'wony; ak ki tuit asiista ko uu kuniet ne ki kiyae koroorik, ak ki igei arawet komugul korotiik;

BUKUIT NE TILIL

¹² Ak kiageer ye kingoyat ng’okset ne bo lo, ak kibiit botanet ne o ne bo ng’ony: ak kituuiit asista ko u kuniet ne kigiyae kororik, ak kiigei arawet komugul korotik;

NG'ANG'UTYET 6:12 Referencias Cruzadas

ISAIAH 24:23

Ak kotoptoben arawet, ak kolilaan asiista; amu laitorani Kamuktaindet ne Toroor ne po lugoosyek eng' tulweetap Zion ak eng' Jerusalem, ak eng' taitap poisyekyik.

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 34:4

Ak kochoot lugeet tugul ne po kipsengwet, ak kemaman kipsengwet ko uu kartasit. Ak kowandagei lugeennywa tugul, ko uu sogoot ne ibuti eng' keetitap sabibuk, ak ko uu sogoot ne ibuti eng' mogoywet.

ISAIAH 50:3

Alaakyini kipsengwet tuindo, ak atuge kuniok.

JOEL 2:10

Potani emet eng' tainnywa; potandos kipsengwet: imenitu asiista ak arawet, ama kooluu kecheik.

JOEL 3:15

Imenitu asiista ak arawet, ama kooluu kecheik,

AMOS 1:1

Ng'aleegap Amos, ne ki agenge eng' mestowegap Tekoa, ng'ang'uut ne ki keer agobo Israel eng' peetuusyegap Uzziah laitoryatap Judah, ak eng' peetuusyegap Jeroboam weeriitap Joash laitoryatap Israel, eng' kenyiisyek aeng' kotom kobotan emet.

AMOS 8:9

Mwaei Kiptaiyat Kamuktaindet ne Toroor kole, “Eng' peetuunooto, agoochini kororokto asiista peet kween, ak agoochini emet koimenit eng' peetuut ne churat.

SEKARIA 14:5

Ak omwei obun atebweetap tuloonookyuk; amu itei atebweetap tuloonoogap Asel: ee, omwei, ko uu ye ki omwei ye kibotani ng'wony eng' peetuusyegap Uzziah laitoryatap Judah: ak konyo Kamuktaindet ne Toroor Kamuktaindennyu, komi piik tugul che tiliileen kobooto ineendet.

MATAYO 11:21

Pwo! Wee Korazin! Pwo! Wee Bethsaida! Amu nda kiga kiyai eng' Tyro ak Sidon poisyonik che po kamuktaet che ki kiyai eng' okweek, ta kiga kosik keny, kolaach kuniok ak koiilegei oreek.

MATAYO 24:29

“Ne ma tyanit ko kagogeskei nyalilda ne po peetuusyechooto, koimenit asiista, ama kooluu arawet, ak rorogu kecheik eng' kipsengwet, ak kitumdum kimnatosyek che po kipsengwet.

MATAYO 24:7

Amu tuun setyin pororyet age pororyet age, ak setyin laitornatet age laitornatet age, ak tuun piitu rubosyek ak potaneetap ng'wony eng' emotinwek che teerchiin.

MATAYO 27:45

Ki imenit anyun emet komugul kong'etee sait lo agoi sait sogool.

MATAYO 27:54

Ye kingo keer chemogetap kiplugotinik pogol ak icheeget che ki mi kobooto ineendet koriibei Jeso potaneetap ng'wony, ak tuguuk che kayaagiis, koywei miising' ak kole, “Iman Weeriitap Kamuktaindet chiichi.”

MATAYO 28:2

Keero, ki potan ng'wony miising'; amu ki choorgei malaikaiyatap Kiptaiyat eng' kipsengwet, konyo komilda koita ak kotebee koiata.

MARIKO 15:33

Ak kingo it sait lo, koimenit emet komugul agoi sait sogool.

NG'ANG'UTYET 11:13

Ak ki piit eng' sainooto potanet ne oo ne po emet, ak kiluul kebeberta agenge eng' taman ne po nganaseet; ak ki kibar eng' potanonooto piik eliphuusyek tisap; ak ki aragenso che kiga ng'et, ak ki igoochi toroornatet Kamuktaindet ne po kipsengwet.

NG'ANG'UTYET 16:18

Ak ki piit ilotik, ak kutusweek, ak tuloosyek; ak ki piit potanet ne oo ne po ng'wony, ne ki tomo kobiitu kobooch ngo piit piik eng' ng'wony, potanet ne oo, ne kiim kot.

NG'ANG'UTYET 16:8

Ak ki roong'ji malaikaiyat ne po ang'wan taabeennyi asiista; ak ki kigoochi kobeel piik eng' maat.

NG'ANG'UTYET 8:12

Ki kuut malaikaiyatap ang'wan, ak ki kikwer kebeberta agenge eng' somok ne po asiista, ak kebeberta agenge eng' somok ne po arawet, ak kebeberta agenge eng' somok ne po kecheik, si koimenit kebeberta agenge eng' somok ne po tuguuchooto. Ak kebeberta agenge eng' somok ne po peetuut koma iluu, ak koigei nooto agine kemout.

NG'ANG'UTYET 8:5

Ak ki ip malaikaiyat teronooto ak konde maatap kapkoros konyi, ak kowiirchi ng'wony; ak ki piit tuloosyek, ak kutusweek ak kalyelosyek, ak potaneetap ng'wony.