NG'ANG'UTYET 5:12 - BUKUIT NE TILIIL Sireet ne Dutero Kanon

¹² komwaei eng' kutit ne oo kole: “Nyoljin Aarwet ne ki kibar konyoor kimnateet, ak mogornatosyek ak utaatyet, ak kamuktaet, ak teegisto, ak toroornatet ak kaberuret.”

Bukuit Ne Tilil

¹² komwaei eng' kutit ne oo kole: “Nyoljin Aarwet ne ki kibar konyoor kimnateet, ak mogornatosyek ak utaatyet, ak kamuktaet, ak teegisto, ak toroornatet ak kaberuret.”

BUKUIT NE TILIL

¹² komwaei eng’ kutit ne o kole, Nyoljin Aruet ne kigibar konyor kimnatet, ak magornatosiek ak ng’omnatet, ak kamuktaet, ak teegisto, ak torornatet, ak kaberuret.

NG'ANG'UTYET 5:12 Referencias Cruzadas

SEKARIA 13:7

Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

JOHANA 1:29

Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!

JOHANA 17:2

ko uu ye ki igoochi ineendet kimnateet koboi piik tugul, si kobiit kogoochi saboondap koigeny tugul che ki igoochi ineendet.

2 KORINTOEK 8:9

Amu ongen myeeindap Kiptaiyandennyo Jeso Kristo ole, agot nganda ki mogoryo, ko ki ek kibanania agobo okweek, si kobiit oegu mogoreek eng' panandanyi.

1 TIMOTEO 1:17

Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

NG'ANG'UTYET 1:6

ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

NG'ANG'UTYET 19:1

Kingo pata tuguuchu, agas kiit ne uu kutit ne oo ne po tuiyet ne oo eng' kipsengwet, kole, “Haleluya! Po Kamuktaindet nenyo yetunet, toroornatet, ak kamuktaet;

NG'ANG'UTYET 4:11

“Nyoljinin, Kiptaiyandennyo ak ko Kamuktaindet nenyo, itaach toroornatet ak teegisto ak kamuktaet; amu kiitau iyae tuguuk tugul, ak ki piit amu mageng'ung' ak ki kiyai.”

NG'ANG'UTYET 5:13

Ak ki agas kiit age tugul ne ki kiyai ne mi kipsengwet, ak ne mi ng'wony, ak ne mi kurereetap ng'wony, ak eng' nyanjet, ak tuguuk tugul che mi oriitinnywa koleen: “Ingobunji ineendet ne tebee ng'echereetap laitornatet ak Arwanooto, kalasunet, ak teegisto, ak toroornatet, ak pounateet, koigeny ak koigeny.”

NG'ANG'UTYET 5:6

Ak ki ageer eng' kwenutap ng'echeranooto po laitornatet ak tyong'ichooto ang'wan saptos, ak eng' kwenutap poisyechooto, kotonone Aarwet ko uu ne kageeny, kotinyei kuinoik tisap, ak koonyek tisap, che saboonwek tisap che po Kamuktaindet, che ki kiyookto koba ng'wony komugul.

NG'ANG'UTYET 5:8

Ak ye kingo kagoip bukuinooto, kobutyi taitap Aarwet `tyong'ichooto ang'wanu saptos ak poisyechooto tiptem ak ang'wan, kotinyei age tugul ketubet, ak taabook che po thahabu che nyiitootiin nyamdutik che kebeelei, che chooto ko saautigap piik che tiliileen.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.

NG'ANG'UTYET 6:1

Ki ageer anyun Aarwet ye kiyaate agenge eng' ng'ooksosyechooto tisap. Ki agas age eng' tyong'ichooto ang'wan saptos komwaei eng' cheet ne uu tuleet, kole, “Nyoo!”

NG'ANG'UTYET 7:12

koleen, “Amen! Po Kamuktaindet nenyo kaberuret ak toroornatet, utaatyet ak kongoi ak teegisto, ak kamuktaet ak kimnateet, koigeny ak koigeny. Amen!”