NG'ANG'UTYET 3:12 - BUKUIT NE TILIIL Sireet ne Dutero Kanon

¹² “Ineendet ne iterteeri, ayae koek toloita eng' Hekaluut ne po Kamuktaindet nenyu, ama komandoi saang' kogeny. Asirchini ineendet kainetap Kamuktaindet nenyu, ak kainetap nganaseetap Kamuktaindet nenyu, nooto Jerusalem ne leel, ne choorugei eng' kipsengwet kobunu Kamuktaindet nenyu, ak kainennyu ne leel.

Bukuit Ne Tilil

¹² “Ineendet ne iterteeri, ayae koek toloita eng' Hekaluut ne po Kamuktaindet nenyu, ama komandoi saang' kogeny. Asirchini ineendet kainetap Kamuktaindet nenyu, ak kainetap nganaseetap Kamuktaindet nenyu, nooto Jerusalem ne leel, ne choorugei eng' kipsengwet kobunu Kamuktaindet nenyu, ak kainennyu ne leel.

BUKUIT NE TILIL

¹² Inendet ne iterteri, ayae koek toloita eng’ hekalut ne bo Jehovah nenyu, ama komandoi sang’ kogeny: ak asirjini inendet kainetab Jehovah nenyu, ak kainetab nganasetab Jehovah nenyu, noto Jerusalem ne leel, ne chorugei eng’ kipsengwet kobunu Jehovah nenyu, ak kainennyu ne leel.

NG'ANG'UTYET 3:12 Referencias Cruzadas

1 LAITORINIK 7:21

Ak ki lumda tolochik eng' keterutap Hekaluut: ki lumda toloito ne po komostap tai, ak koguuree kainennyi Jakin, ak ki lumda toloita ne po komostap kaataam, ak koguuree kainennyi Boaz.

TIENWOGIKAL 46:4

Mi aineet, ne kereruusyekyik ko iboiboi nganaseetap Kamuktaindet, meng'ootet ne tiliil ne po Ineendet Ne Toroor Miising'.

TIENWOGIKAL 48:8

Ko uu ye ki kigas ko kage keer eng' nganaseetap Kamuktaindet ne Toroor ne po lugoosyek, eng' nganaseetap Kamuktaindennyo; ne igimiti Kamuktaindet koigeny.

TIENWOGIKAL 87:3

Kimwaitaenen tuguugap teegisto, Ee inyee nganaseetap Kamuktaindet.

ISAIAH 62:2

Ak kogeer pororyosyek imandang'ung', ak kogeer laitorinik tugul toroornateng'ung': ak keguurenen kainet ne leel, ne tuun kuurenen Kamuktaindet ne Toroor.

ISAIAH 65:15

Ak omete kaineng'wong' koek chubisyet eng' chechuuk che ki alewen, ak kobarin Kiptaiyat Kamuktaindet ne Toroor; ak koguur otwogikyik eng' kainet age:

JEREMIA 1:18

Keero, kayain peetuuni iegu nganaseet ne riiboot, toloitap karnet, ak irimoigap sugunwet, si igirinde emet komugul, igirinde laitorinigap Judah ak pounikyik, tisiikyik ak piigap emet.

EZEKIEL 40:49

Ki ek mitainik tiptem che po euut kooindap keterut, koek mitainik taman ak agenge che po euut tebeesindo; ak kimi tuguuk tamanu che ki kityegoti ketogosyin yooto: ak kimi tolochik ole neegitee tugatugik, kimi age komosi, komi age komosin.

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

MARIKO 12:16

Ak ki ipchi. Ak ki leenji icheek, Po ng'oo itooni ak sirooni? Ak koleenji, “Po Caesarea.”

GALATYEK 2:9

ak ye kingo nai Jakobo ak Kepa ak Johana, icheeget che ki kiit keele tolochik, myeeindo ne ki kigoono, kogoono ak Barnaba eutap tai ne po yamdaet, si kobiit keebe ye mi Pororyosyek, koba icheek ye mi che kimuratani;

EPESOEK 3:15

ne nyoorunee ineendet kainennywa ooreet age tugul ne po kapchii, eng' kipsengwet ak ng'wony,

HEBRANIK 12:22

ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,

HEBRANIK 13:14

Amu ma ki tinyei eng' yu nganaseet ne tebyei koigeny, ago kicheeng'e nin nyoonei.

1 JOHANA 4:4

Oo po Kamuktaindet, lagochu mengech, ak ki oterter icheek; amu oo ineendet ne mi eng' okweek kosiir ineendet ne mi ng'wony.

NG'ANG'UTYET 14:1

Ki ageer, ak ogeero, tononi Aarwet eng' tulweetap Zion, ak komi kobooto `ineendet piik eliphuusyek pogol ak artam ak ang'wan, che tinyei kainennyi, ak kainetap Kwandanyi, che ki kisirchi togoochikwak.

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 2:11

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri koma nyooru ng'wanindo eng' meet ne po aeng'.

NG'ANG'UTYET 2:17

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini che po mana che ung'ootiin, ak agoochi koita ne leel, ak ki kisirchi koyata kainet ne leel, ne ma ingen chii kobatee ineendet ne taachei.

NG'ANG'UTYET 2:7

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini koam che po keetitap saboondo ne mi Paradiso ne po Kamuktaindet.

NG'ANG'UTYET 21:2

Ki ageer nganaseet ne tiliil, Jerusalem ne leel, kochoorugei eng' kipsengwet kobunu Kamuktaindet, ko kagechop ko uu murereet ne kagelelesonjinechi manong'otyondennyi.

NG'ANG'UTYET 22:4

ak keerei togeennyi; ak mi kainennyi togoochikwak.

NG'ANG'UTYET 3:5

“Ineendet ne iterteeri kotun kilaakyin ko uu nooto ngoroik che leelach; ak ma koi abuch kainennyi eng' bukuitap saboondo, ago ang'aanye kainennyi eng' taitap Abba ak eng' taitap malaikaisyekyik.