NG'ANG'UTYET 3:1 - BUKUIT NE TILIIL Sireet ne Dutero Kanon

¹ “Ak isirchi malaikaiyatap kaniset ne mi Sardis, ileenji: Mwaei tuguuchu ineendet ne tinyei saboonwek tisap che po Kamuktaindet ak kecheik tisap: Angen poisyoniguk, angen ale itinye kainet keele isabe, ago kaimei.

Bukuit Ne Tilil

¹ “Ak isirchi malaikaiyatap kaniset ne mi Sardis, ileenji: Mwaei tuguuchu ineendet ne tinyei saboonwek tisap che po Kamuktaindet ak kecheik tisap: Angen poisyoniguk, angen ale itinye kainet keele isabe, ago kaimei.

BUKUIT NE TILIL

¹ Ak isirji malaikaiyatab kaniset ne mi Sarde, ilenji: Mwaei tuguchu inendet ne tinyei Tamirmirik tisab che bo Jehovah, ak kecheik tisab: Angen boisioniguk, ale itinye kainet kele isobe, ago kaimei.

NG'ANG'UTYET 3:1 Referencias Cruzadas

LUKA 15:24

amu weeriinnyu ni, ne kiga kome, ago kagosap kogeny; kiga kobet, ak kagobiit. Ki toi anyun koboiboitu.

LUKA 15:32

Ago kanyoolu keboiboitu ak kigaske: amu kiga kome weeri otupche, ago kagosap kogeny; kiga kobet, ago kagobiit.’ ”

JOHANA 1:16

Amu ko ki kitaach acheek tugul che po nyiennyi, ak myeeindo eng' myeeindo.

JOHANA 1:33

Ak ki ma angen ineendet: ago ineendet ne ki iyookwo abatisane peek, ko ineendet ne kimwaiwo koleenjo, ‘Chiichooto igeere kochorchingei Kabuuset ne Tiliil, ak koteebee ineendet, ko nooto ne ibatisane Kabuuset ne Tiliil.’

JOHANA 20:22

Ak ye kingo kagomwa niito, kobusyi, ak koleenji, “Otaach Kabuuset ne Tiliil:

JOHANA 3:34

Amu ng'alaali ng'aleegap Kamuktaindet ineendet ne ki iyoogu Kamuktaindet; amu ma koonu ineendet Kabuuset ne Tiliil eng' karagendoet.

POISYONIGAP CHE KIYOKTOI 2:33

Amu itoroorot ineendet eng' eutap tai ne po Kamuktaindet, ak ko kagetaach eng' Kwanda kayomiset ne po Kabuuset ne Tiliil, ko kagoroong' anyun niito ogeere ak ogase.

EPESOEK 2:1

Ak kigosabok okweek, ye ki oo pegunotin eng' yaitwogikwok ak tengekwogikwok,

EPESOEK 2:5

agot ye ki kibegunotin eng' yaitwogikyok, ko ki isaabech kobooto Kristo (kigesorwok eng' myeeindo),

KOLOSAIK 2:13

Ak okweek, che ki oo pegunotin eng' yaitwogikwok ak poorwekwok che ma kimuratan, ki isaabok okweek, kobooto ineendet, ko kagonyoiywech kaat yaitwogikyok tugul;

1 TIMOTEO 5:6

Ago ineendet ne suegei ko kagome agot ngo sabei.

JAKOBO 2:26

Amu ko uu ye meat poorto ne ma tinyei kabuuset, ko uu nooto kayaneet ne ma tinyei poisyonik, meat agine.

1 PETERO 1:11

ye ki cheeng'ei peetuut ne ineet anan ole uu peetuut ne ki iboorchin Kabuusetap Kristo ne ki miitei eng' icheek, ye kisip kobaoryan agobo nyalilwogigap Kristo, ak toroornatosyek che isubi chooto.

JUDA 1:12

Pichuuto ko rwandosyek che ung'ootiin eng' igoorwekwok che po chamyet ye oamisyei tugul, mestoweek che amisyei icheegei ama iyweisyei. Icheek ko poolik che ma tinyei peek, che ibooti usoonaik; keetiik che ma tinyei logoek, che ki kobek konyil aeng', che ki kitut ak tigitik;

NG'ANG'UTYET 1:11

koleen, “Sirchi bukuit tuguuk che igeere ak iyookyi kanisosyek tisap; iyookyi Epheso, ak Smyrna, ak Pergamo, ak Thyatira, ak Sardis, ak Philadephia, ak Laodikia.”

NG'ANG'UTYET 1:16

Ki tinyei kecheik tisap eng' eunnyi ne po tai, ak ki mang'une kutinnyi rotwetap chok ne ng'atiben komoswek tuwai. Ki uu togeennyi asiista ne iluu eng' kimnateennyi.

NG'ANG'UTYET 1:20

Ung'ootyetap kecheik tisap che kegeer eng' eunnyu ne po tai, ak keelyek tisap che po taisyek che po thahabu ko uu ni: kecheichooto tisap ko malaikaisyegap kanisosyek tisap: ak kelyechooto tisap po taisyek ko kanisosyek tisap.

NG'ANG'UTYET 1:4

Sirchin Johana kanisosyek tisap che mi Asia: Ingotep myeeindo ak kaalyeet kobootok che punu ineendet ne mi, ne ki mi ak ne tuun nyoonei; ak che punu saboonwek tisap che mi taitap ng'echerennyi ne po laitornatet,

NG'ANG'UTYET 2:13

“Angen ole imenye, ole mi ng'echereetap laitornatet ne po Setani. Iname kainennyu miising', ama ieesye kayanennyu, agot eng' peetuusyegap Antipa paoryandennyu, nenyu ne po iman, ne ki kibar eng' kwenung'wong', ole menyei Setani.

NG'ANG'UTYET 2:19

“Angen poisyoniguk, angen chamyeng'ung' ak kayaneng'ung', otisyeng'ung' ak muitaeng'ung', ak angen ale chaang' poisyoniguk che po let kosiir che po tai.

NG'ANG'UTYET 2:2

Angen poisyoniguk, ak poisyeng'ung' ne nyigiis ak muitaeng'ung'. Angen ale memuuchi imuite agobo piik che yaacheen, ak kiityem icheek che kuuregei che kiyooktoi ago ma chooto, ak ki inai ile kiplembechonik.

NG'ANG'UTYET 2:9

“Angen nyalildang'ung' ak panandang'ung' nganda ii mogoryo. Angen chombilisyetap icheek che mwaei kole ki Yahudik, nga icheek ko sinagogitap Setani.

NG'ANG'UTYET 3:15

“Angen poisyoniguk, ale ma ii kaitit ametinye maat; kata achame nda ka ii kaitit anan itinye maat.

NG'ANG'UTYET 3:2

Ng'eet! Igimiit tuguuk che ng'etunotiin, che machei kobek, amu tomo anyooru poisyoniguk che ki kosulda eng' taitap Kamuktaindet nenyu.

NG'ANG'UTYET 3:8

Angen poisyoniguk. Keero, kaande taing'ung' kurgeet ne yaataat, ne ma imuuchi chii koger. Angen ale itinye kimnateet ne ming'in, ak ki iriip ng'olyoondennyu, ama ieesye kainennyu.

NG'ANG'UTYET 4:5

Ak mang'une ng'echeranooto kalyeleet ak kutusweek ak tuloosyek. Ak kilaldos taisyek tisabu che po mastinwek eng' taitap ng'echeranooto po laitornatet, chooto ko saboonwek tisap che po Kamuktaindet.

NG'ANG'UTYET 5:6

Ak ki ageer eng' kwenutap ng'echeranooto po laitornatet ak tyong'ichooto ang'wan saptos, ak eng' kwenutap poisyechooto, kotonone Aarwet ko uu ne kageeny, kotinyei kuinoik tisap, ak koonyek tisap, che saboonwek tisap che po Kamuktaindet, che ki kiyookto koba ng'wony komugul.