NG'ANG'UTYET 21:27 - BUKUIT NE TILIIL Sireet ne Dutero Kanon

²⁷ Ak ma koi wo oriit kiy age tugul ne murwoon, anan ko ne yaei kiy ne kiwechei, ak lembeita, kobatee icheek che ki kisirchi bukuitap saboondo ne po Aarwet.

Bukuit Ne Tilil

²⁷ Ak ma koi wo oriit kiy age tugul ne murwoon, anan ko ne yaei kiy ne kiwechei, ak lembeita, kobatee icheek che ki kisirchi bukuitap saboondo ne po Aarwet.

BUKUIT NE TILIL

²⁷ ak magoi wa orit kiy age tugul ne muruon, anan ko ne yaei kiy ne kiwechei, ak lembeita, kobate ichek che kigisirji bukuitab sobondo ne bo Aruet.

NG'ANG'UTYET 21:27 Referencias Cruzadas

TIENWOGIKAL 101:8

Ang'eme karonet age tugul kiptengeginik tugul che po emet; si kobiit aisto yaik tugul che po tengekto eng' nganaseetap Kamuktaindet ne Toroor.

KOMONG'U 32:32

Ago ngot icham, nguno, inyochigaat tengektonywa. Ngo ma uu nooto, asoomin ale iistaa eng' bukuing'ung' ne ki isir.”

ISAIAH 35:8

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

ISAIAH 52:1

Ng'eet, ng'eet, ilaach kimnateng'ung', ee Zion; ilaach ngoroiguk che korooron, ee Jerusalem, nganaseet ne tiliil: amu kobooch nguno koma kobwanjinin che ma kimuratan ak che ma tiliileen.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

EZEKIEL 44:9

Mwaei Kiptaiyat Kamuktaindet ne Toroor kole ma wendi oldanyu ne tiliil toondet age tugul ne Pororyosyek che ma kimuratan muguleldo ak poorto, agot toondet age tugul ne mi kwenutap piigap Israel.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

ATEPTAP LAWIK 13:46

Murwoniitu ineendet peetuusyek tugul kotee koamei myanooto. Meng'iisyei ineegei; meng'ootennyi ko saang'utap nganaseet.

SEKARIA 14:21

Ee, kitiliiljin Kamuktaindet ne Toroor ne po lugoosyek tereet age tugul eng' Jerusalem ak eng' Judah; ak kobwa icheek tugul che eng'sei, koip tereenichooto ak koyoise: ama komiitei kogeny eng' peetuunooto chemung'araindet eng' kootap Kamuktaindet ne Toroor ne po lugoosyek.

KAITOSYEK 12:15

Ki kigerchi anyun Miriam saang'utap nganaseet peetuusyek tisap. Ki ma testai piik eng' pandanywa agoi kimut Miriam kogeny konyo kaa.

KAITOSYEK 5:3

Oiste koba saang'utap nganaseet chooto tugul che murenik ak kwonyiik; ma nyolu komurwon nganasennywa, ole amenye eng' kwenunnywa.”

MATAYO 13:41

Iyooktoi Weeriitap chii malaikaisyekyik, koba koyum komang'une laitornateennyi, tuguuk tugul che inachi piich, ak icheek che yaei tengek,

MARIKO 7:2

ak ki keer alak eng' kasubikyik koamei magatiinik eng' eunek che murwonen, nooto ko, eunek che ma kiuun.

LUKA 10:20

Ago amoboiboitu amu ng'olyoondoni, amu kasok iit oik; ago oboiboitu amu siraatiin kainaikwok eng' kipsengwet.”

EPESOEK 5:5

Amu ongen niito iman ole, ma mi chii ne soksei, anan chiitap simdo, anan ne kasei myat, nooto ne saaei kanamonik, ma mi eng' chu ne nyooru poroteet eng' laitornatetap Kristo ak Kamuktaindet.

PILIPIK 4:3

Ee, asoomin aginye, kiboityot ne po iman kobooto, ale toret kobogoryosyechu, amu ki kiboisyei tugul eng' logoiywek che myach, kobooto Klement agine, ak chuun alak che ki kiboitiinik tugul, che mi kainaikwak bukuitap saboondo.

1 TIMOTEO 1:10

agobo che soksei, ak murenik che ibegei ak murenik, ak che chorei piik, ak kiplembechonik, ak che iyastos lembech, ak ngo mi kiit age tugul ne ketei kaneetisyet ne po imanit;

HEBRANIK 12:14

Ogiilgei otebi eng' kaalyeet kobooto piik tugul, ak tiliilinooto ne ngo ma tinyei chii koma imuuchi kogeer Kiptaiyat:

2 PETERO 3:13

Ago, kigeni kipsengwet ne leel ak ng'wonyut ne leel ko uu arorutyennyi, ole menyei imanda.

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 20:12

Ak ki ageer che ki kobek, che eecheen ak che mengeechen, kotonondos eng' taitap ng'echereetap laitornatet; ak ki kiyaat bukuisyek. Ki kiyat kora bukuit age, nooto ko bukuitap saboondo. Ak ki kirwookyi che ki kobek eng' tuguuk che kiga kisirchi bukuisyechooto, ko uu poisyonikwak.

NG'ANG'UTYET 20:15

Ak ngot kenyoor chii age tugul ne ki ma kisirchi bukuitap saboondo, kewiirchin araraitap maat.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 3:5

“Ineendet ne iterteeri kotun kilaakyin ko uu nooto ngoroik che leelach; ak ma koi abuch kainennyi eng' bukuitap saboondo, ago ang'aanye kainennyi eng' taitap Abba ak eng' taitap malaikaisyekyik.