NG'ANG'UTYET 20:8 - BUKUIT NE TILIIL Sireet ne Dutero Kanon

⁸ ak komong' koberber pororyosyek che miitei luukwek ang'wan che po ng'wony, Gog ak Magog, koyumji icheek lugeet; che tee koiitennywa ng'aniegap nyanjet.

Bukuit Ne Tilil

⁸ ak komong' koberber pororyosyek che miitei luukwek ang'wan che po ng'wony, Gog ak Magog, koyumji icheek lugeet; che tee koiitennywa ng'aniegap nyanjet.

BUKUIT NE TILIL

⁸ ak komong’ koberber bororiosiek che mitei luukwek ang’wan che bo ng’ony, Gog ak Magog, koyumji ichek luget: che te koitenywa ng’aniekab nyanjet.

NG'ANG'UTYET 20:8 Referencias Cruzadas

1 LAITORINIK 4:20

Ki chaang' Judah ak Israel, ko uu ng'aniek che mi nyanjet eng' chaang'indo, ki amisyei icheek ak koeisei ak koboiboegei.

2 ATEPTAP PEETUUSYEK 18:21

Ak ki le, ‘Awendi ak aegu tamirmir ne kenisyei eng' kutusweegap maotikyik tugul.’ Ak ki mwa ineendet kole, ‘Iberberi ineendet ak iterteer; ui anyun ak iyai ko uu nooto.’

ISAIAH 10:22

Agot nganda uu piiguk che po Israel ng'aniek che po nyanjet, koweeksei piik che ng'etu kityo eng' icheek. Kigeng'at kagesunet eng' icheek, ne ng'elyektoi eng' imanda.

JEREMIA 33:22

Ko uu ye ma kimuuchi kiit tuguuk che po kipsengwet, ama kimuuchi keger ng'aniegap nyanjet; atese anyun iyoteetap Daudi otwogindennyu, ak Lawiik, che poisyeiwo.

EZEKIEL 38:1

Ak ki nyoonjo ng'olyootap Kamuktaindet ne Toroor, koleenjo,

EZEKIEL 38:2

Ee, weeriitap chii, tokyi togeng'ung' Gog, ne po emetap Magog, pounindetap Rosh, Meshek, ak Tubal, ak imaoten agobo ineendet,

EZEKIEL 39:1

Ee, inyee weeriitap chii, maoten agobo Gog, ak ileenji, mwaei Kiptaiyat Kamuktaindet ne Toroor kole: Keero, aboryenen inyee, ee Gog, pounindetap Rosh, Meshek, ak Tubal:

EZEKIEL 39:6

Ak ayookyi maat Magog, kobooto icheeget che meng'iisyei eng' chametapkei eng' ngeguusyek: si konai icheek kole aa Kamuktaindet ne Toroor.

EZEKIEL 7:2

Ee inyee, weeriitap chii, mwaei Kiptaiyat Kamuktaindet ne Toroor komwachin emetap Israel, koleenjin, Kagesunet: kagonyonji kagesunet luukwek ang'wan che po emet.

HEBRANIK 11:12

nooto anyun ki kisich eng' agenge, ne kiga koigei ne ki kome, piik che chaang', ko uu kecheigap kipsengwet ak ng'aniek che mi ngeguutap nyanjet, che ma iitoksei.

NG'ANG'UTYET 12:9

Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.

NG'ANG'UTYET 16:14

amu chooto ko tamirmirigap oik, che yaei kaboorunoik; che pendi kaplaitorinigap ng'wony komugul, si koyum icheek koba lugeet eng' peetuut ne oo ne po Kamuktaindet, Ne po Kamuktaet.

NG'ANG'UTYET 20:10

Ak ki kiwiirchi chesawilyet ne ki iberber icheek araraitap maat ak koik che laldos, ole miitei ak icheek tyondo ak maotyot ne po lembech; ak kinyaliili peet ak kemoi agoi koigeny ak koigeny.

NG'ANG'UTYET 20:3

ak kowiirchi ineendet keriinget ne ma igoksei, ak koger, ak kong'ooch paragunnyi, si mata koberber pororyosyek kogeny, agoi kogeskei kenyiisyek eliphuut agenge. Ye ibata nooto kityaach ne matya.

NG'ANG'UTYET 7:1

Kingo pata niito ageer malaikaisyek ang'wan kotonondos eng' luukwek ang'wan che po ng'wony, konamei usoonaik ang'wan che po ng'wony, si mata kousyi usoonet ng'wony, anan nyanjet, anan keetit age tugul.

KIRUOGIK 7:12

Kiga ruiyo Midianik, Amelegik ak piigap kong'asiis tugul eng' atebweet koigei chereng'enyinik eng' chaang'indo ak ki ma koitoksei, ki tee tambeesikwak ng'aniegap ngeguutap nyanjet eng' chaang'indo.

1 SAMUEL 13:5

Ki iyumgei Philistiik si kobargei ak Israel kotinyei kariisyek eliphuusyek sosom ak piik eliphuusyek lo che ketei paraisisyek, kobooto piik che tee ng'aniegap ngeguutap nyanjet eng' chaang'indo. Ki togos koteech Mikmas ne tokyingei kong'asiis eng' Beth-aben.