NG'ANG'UTYET 20:12 - BUKUIT NE TILIIL Sireet ne Dutero Kanon

¹² Ak ki ageer che ki kobek, che eecheen ak che mengeechen, kotonondos eng' taitap ng'echereetap laitornatet; ak ki kiyaat bukuisyek. Ki kiyat kora bukuit age, nooto ko bukuitap saboondo. Ak ki kirwookyi che ki kobek eng' tuguuk che kiga kisirchi bukuisyechooto, ko uu poisyonikwak.

Bukuit Ne Tilil

¹² Ak ki ageer che ki kobek, che eecheen ak che mengeechen, kotonondos eng' taitap ng'echereetap laitornatet; ak ki kiyaat bukuisyek. Ki kiyat kora bukuit age, nooto ko bukuitap saboondo. Ak ki kirwookyi che ki kobek eng' tuguuk che kiga kisirchi bukuisyechooto, ko uu poisyonikwak.

BUKUIT NE TILIL

¹² Ak kiageer che kigobek, che eechen ak che mengechen, kotonondos eng’ taitab ng’echeretab laitornatet; ak kigiyat bukuisiek: ak kigiyat bukuit age, noto ko bukuitab sobondo: ak kigiruokyi che kigobek eng’ tuguk che kiga kisirji bukuisiechoto, ko u boisionikwak.

NG'ANG'UTYET 20:12 Referencias Cruzadas

TIENWOGIKAL 28:4

Igoochi ko uu poisyonikwak, ko uu ole tee yaetap yautikwak. Igoochi ko uu poisyetap eunekwak; yookyi che nyoljin.

TIENWOGIKAL 62:12

Ee Kiptaiyat, neng'ung' rireenet agine; amu inyee ne iyaakyini chii tugul ko uu poisyennyi.

TIENWOGIKAL 69:28

Ingibukto icheek eng' bukuitap saboon, Amat kesir kobooto che po imanda.

KALEWANAIK 24:12

Ngot imwa ile, “Keero, ma ki nai niito!” Tos ma ibwaati niito ineendet ne keerei mugulelwek eng' karagendoet? Tos ma naei ng'olyoondoniito ineendet ne riibei saboondang'ung'? Ak tos ma igeerchin chii age tugul ko uu poisyennyi?

KALEWANAIK 24:29

Amat imwa ile, “Ayachini ineendet ko uu ye kagoyaiywo; ageerchini chiichooto ko uu poisyennyi.”

AMDOINDET 12:14

Amu ipchin Kamuktaindet poisyet age tugul kapkirwooget, kobooto kiit age tugul ne ung'aat, ngo kiy ne myee anan ngo ne ya.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JEREMIA 32:19

ineendet ne oo eng' kirwooget, ak ko po kamuktaet eng' poisyet; ne keerei konyekyik ortinwek tugul che po weeriigap piik; si kogoochi age tugul ko uu ortinwekyik ak ko uu logoegap poisyonikyik;

MATAYO 11:22

Ago amwaiwok ale, kaigaitu tuun Tyro ak Sidon eng' peetuutap kirwooget, kosiirok.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

LUKA 10:20

Ago amoboiboitu amu ng'olyoondoni, amu kasok iit oik; ago oboiboitu amu siraatiin kainaikwok eng' kipsengwet.”

POISYONIGAP CHE KIYOKTOI 24:15

atinye kamang'unet eng' Kamuktaindet, ne cheeng'ei pichu ak icheek, ale, tatun komi ng'eetyeetap che po imanda ak che ma po imanda.

ROMANIK 2:6

ne tuun igoochin chii tugul ko uu poisyonikyik:

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

PILIPIK 4:3

Ee, asoomin aginye, kiboityot ne po iman kobooto, ale toret kobogoryosyechu, amu ki kiboisyei tugul eng' logoiywek che myach, kobooto Klement agine, ak chuun alak che ki kiboitiinik tugul, che mi kainaikwak bukuitap saboondo.

NG'ANG'UTYET 11:18

Ki nereekso pororyosyek, ak kagonyo nereeknateng'ung'. Kagoit peetuut ne kirwookyinee piik che ki kobek, ak peetuut ne kigoochinee otwogiguk maotik melekwek, ak piik che tiliileen ak icheek che iywei kaineng'ung', che mengeechen ak che eecheen; ak keng'em icheek che ng'emei ng'wony.”

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 17:8

Tyonyi kegeere komi, ama komi; ak ko neegit komong' eng' keriinget ne ma igoksei, ak kwo luseet. Ak kwong'dos icheek che menyei ng'wony, che ki ma kisirchi kainaikwak bukuitap saboondo kobooch ngap kelumda ng'wony, ye keer tyondo, amu ki mi, ama komi, ak kota konyonei.

NG'ANG'UTYET 19:5

Ak ki mong' kutit eng' ng'echereetap laitornatet, kole, “Olasu Kamuktaindet nenyo, okweek tugul otwogikyik che oiywei ineendet, che mengeechen ak che eecheen.”

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 20:11

Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.

NG'ANG'UTYET 20:13

Ak kigon nyanjet che ki kobek che ki mi oriitinnyi; ak kigon meet ak ye mi che ki kobek, icheek che ki kobek che ki mi oriitinnywa, ak ki kirwookyi chii age tugul ko uu poisyonikyik.

NG'ANG'UTYET 20:15

Ak ngot kenyoor chii age tugul ne ki ma kisirchi bukuitap saboondo, kewiirchin araraitap maat.

NG'ANG'UTYET 21:27

Ak ma koi wo oriit kiy age tugul ne murwoon, anan ko ne yaei kiy ne kiwechei, ak lembeita, kobatee icheek che ki kisirchi bukuitap saboondo ne po Aarwet.

NG'ANG'UTYET 22:12

“Ogeero, anyoone achogu; ak aibu melektanyu si agoochi chii age tugul ko uu poisyonikyik.

NG'ANG'UTYET 3:5

“Ineendet ne iterteeri kotun kilaakyin ko uu nooto ngoroik che leelach; ak ma koi abuch kainennyi eng' bukuitap saboondo, ago ang'aanye kainennyi eng' taitap Abba ak eng' taitap malaikaisyekyik.