NG'ANG'UTYET 2:3 - BUKUIT NE TILIIL Sireet ne Dutero Kanon

³ Angen kora ale itinye muitaet ak ki imuite agobo kainennyu, ak meng'ete.

Bukuit Ne Tilil

³ Angen kora ale itinye muitaet ak ki imuite agobo kainennyu, ak meng'ete.

BUKUIT NE TILIL

³ ak itinye muitaet ak kiimuite agobo kainennyu, ameng’ete.

NG'ANG'UTYET 2:3 Referencias Cruzadas

TIENWOGIKAL 37:7

Imuuny eng' Kamuktaindet ne Toroor, ak igen ineendet eng' muitaet; ameng' konyitin chii ne peruri eng' ooreennyi, chiito ne isuldoe ng'aalseet.

TIENWOGIKAL 69:7

Amu ki aegu ne kirosyin agobo inyee: Ki kotuch togeennyu kalilanet.

MIKAH 7:9

Amuitoi eng' nereegegap Kamuktaindet ne Toroor, amu ki ayachi tengekto; agoi kong'alaal agobo ng'olyoondennyu, ak koyaiywo kirwooget: tuun imutwaa among' ole mi lapkeiyet, ak ageer imandanyi.

MARIKO 15:21

Ak kibirchi chiito ne kisiirtoi, Simion ne po Kurene, kwandap Aleksanda ak Rupo, kobunu kooret age, koip kimurtoiyotap Jeso.

LUKA 14:27

Ak chii age tugul ne ma ibei kimurtoiyondennyi, ak kosubwo, koma imuuchi koek kasubindennyu.

LUKA 18:1

Ki mwachi anyun kalewenet kole, Kanyool kosa peetuusyek tugul, amat chorirenso;

LUKA 21:19

Ak eng' muitaeng'wong' onyooru saboonwekwok.

LUKA 5:5

Ak ki wol Simion kole, “Kiptaiyat, ko ki poisye kemout komugul, ama kinyooru kiy. Ago achoortoi regereiywot amu ng'olyoondeng'ung'.”

LUKA 8:15

Ak che mi ng'ung'unyek che myach, ko icheeget, che ye kagogas ng'olyoot, konam komyee, eng' mugulelwek che po telunateet ak ko myachen, ak koiiyo logoek eng' kagiiletapkei.

JOHANA 15:21

Ago yaiywok tuguuchu tugul agobo kainennyu, amu ma nai ineendet ne ki iyookwo.

ROMANIK 12:12

oboiboitu eng' kamang'unet; omuitoi eng' nyalilda; ogiiljigei saaet kotugul;

ROMANIK 16:12

Ogat Truphena ak Truphosa, che poisyei eng' Kiptaiyat. Ogat Persis chamaneet, ne kibois miising' eng' Kiptaiyat.

ROMANIK 2:7

igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

ROMANIK 8:25

Ago ngimang'u nooto ma kigeere, kigeni nooto anyun eng' muitaet.

1 KORINTOEK 13:7

siisei eng' tuguuk tugul, iyani tuguuk tugul, imang'u tuguuk tugul, muitoi eng' tuguuk tugul.

1 KORINTOEK 16:16

ale ogas iit okweek che uu chu, ak chii age tugul ne toreti eng' poisyet ak ne pirtoegei poisyet.

2 KORINTOEK 10:15

ama kilasuge kosiir ne tee ne yamei, eng' poisyonigap piik alak; ago kimang'u keele, ko uu ye tesoksei kayaneng'wong', kitoroorech eng' okweek ko uu ole tee kakwaennyo, kot kosiir,

2 KORINTOEK 11:23

Tos kiboitinigap Kristo icheek? (Ang'alaali ko uu chii ne amei iywek) aa siirtoot; eng' pirtaosyegapkei che siirtoot, eng' korgorosyek miising', eng' pirutik che ma kirarei, eng' meosyek konyil che chaang'.

2 KORINTOEK 4:1

Nooto anyun, amu ki tinyei poisyoni, ko uu ye ki kenyooru rireenetapkei, ko mameech mugulel:

2 KORINTOEK 4:16

Nooto anyun, mameech mugulel; ago agot ngo ng'emak chiinyo ne po parak, kewalei chiinyo ne po oriit kileeliti peetuut age tugul.

2 KORINTOEK 5:9

Nooto anyun ko ki it ne kitokyinige, ngemi eng' poori, anan ngo ma kimi, keegu che iboiboi ineendet.

2 KORINTOEK 6:5

eng' pirutik, eng' ratisyosyek, eng' polatosyek, eng' poisyonik che uueen, eng' riipsosyek, eng' rugutosyek;

GALATYEK 6:2

Otoretkei eng' nyalilwogik, oyae kosulda ng'atuutigap Kristo.

GALATYEK 6:9

Among' keng'etye ye kiyae poisyonik che myach: amu tuun kigese ko kait peetuunnyi ngo ma kitanuise.

PILIPIK 2:16

oboortoi ng'olyootap saboondo; si kobiit anyoor ne alasunegei eng' peetuutap Kristo, ale ki ma alabat puch anan aboisye puch.

PILIPIK 4:3

Ee, asoomin aginye, kiboityot ne po iman kobooto, ale toret kobogoryosyechu, amu ki kiboisyei tugul eng' logoiywek che myach, kobooto Klement agine, ak chuun alak che ki kiboitiinik tugul, che mi kainaikwak bukuitap saboondo.

KOLOSAIK 1:11

kigimitok eng' kamuktaet tugul, ko uu kamugetap toroornatennyi, agoi muitaet tugul ak talasyet eng' poiboiyet,

1 THESSALONIKEK 1:3

kibwaati ne ma kisise, poisyeng'wong' ne po kayaneet ak poisyet ne uui ne po chamyet ak muitaetap kamang'unet eng' Kiptaiyandennyo Jeso Kristo, eng' taitap Kamuktaindet nenyo ak ko Kwanda.

1 THESSALONIKEK 2:9

Amu obwaati, tupchosyechu, poisyennyo ne uui ak pichiindo, keboisye kemoi ak peet, si ma kigoochi mileet chii age tugul eng' okweek. Ki kiamwok logoiywek che myach che po Kamuktaindet.

1 THESSALONIKEK 5:12

Ago kisoomok, che kitupche, keele onai icheek che tinyei poisyet ne oo eng' kwenung'wong', ak che poiywok eng' Kiptaiyat, ak kotigoonok;

2 THESSALONIKEK 3:13

Ago okweek, che kitupche, among'etye eng' yaeet ne oyae ne myee.

2 THESSALONIKEK 3:5

Ingondochi Kiptaiyat mugulelwekwok agoi chamyetap Kamuktaindet ak muitaetap Kristo.

2 THESSALONIKEK 3:8

ama ki am amitwogigap chii age tugul puch, ago eng' poisyet ne uui ak pichiindo, keboisyei kemoi ak peet, si ma kiim chii age tugul eng' okweek:

1 TIMOTEO 4:10

Kiyae anyun poisyet ne oo amu niito ak ki kiiligei, amu miitei kamang'unennyo Kamuktaindet ne sabei, ineendet Yetindetap piik tugul, ago ne siirei ko po piik che iyani.

1 TIMOTEO 5:17

Ingiityi poisyek che pou komyee, teegisto konyil aeng', ne siirei ko icheek che yaei poisyet ne nyigiis ne po ng'olyoot ak kaneetisyet.

HEBRANIK 10:36

Amu nyolu otinye muitaet, si ye kaoyai mageetap Kamuktaindet, omuuch otaach arorutyet.

HEBRANIK 12:1

Nooto anyun, amu kiyiemenech pooldet ne oo ne po paorinik eng' komoswek tugul, ongeiste nyigiisindo age tugul, ak tengekto ne isip konamech, ak ongerwai eng' muitaet eng' kabeletapkei ne ki kinde tainnyo,

HEBRANIK 13:13

Ongebe anyun ole mi ineendet eng' saang'utap ormariich, keibe teweernateet ne kiteweeri ineendet.

HEBRANIK 6:10

amu Kamuktaindet, koma Kamuktaindet ne ma po iman, kot koutye poisyeng'wong' ak chamyet ne ki obarte agobo kainennyi, ye ki oboisyechini che tiliileen, ak kota oboisyechini.

HEBRANIK 6:12

si mouuegitu, ago oyaniegei icheek che nyooru arorutik eng' kayaneet ak muitaet.

HEBRANIK 6:15

Ak uu nooto, kingo kagomuita, konyoor arorutyet.

2 PETERO 1:6

ak otesyi `riibetapkei naet; ak otesyi `muitaet riibetapkei; ak otesyi `kayweetap Kamuktaindet muitaet;

NG'ANG'UTYET 1:9

Aa Johana, tupcheng'wong' ak ko aa ne kiyamdoi tugul nyalilda ak laitornatet ak muitaet eng' Jeso, ki ami emet ne ki ikween peek ne kiguure Patmo amu ng'olyootap Kamuktaindet ak paornateetap Jeso.

NG'ANG'UTYET 3:10

Amu ki iriip ng'olyootap muitaennyu, ariibin agane eng' saitap yoomseet ne nyoonjin ng'wony komugul, si kotyem icheek che menyei ng'wony.