NG'ANG'UTYET 2:26 - BUKUIT NE TILIIL Sireet ne Dutero Kanon

²⁶ “Ak ineendet ne iterteeri, ak koriibei poisyonikyuk agoi kagesunet, kotun agoochini kimnateet koboi pororyosyek:

Bukuit Ne Tilil

²⁶ “Ak ineendet ne iterteeri, ak koriibei poisyonikyuk agoi kagesunet, kotun agoochini kimnateet koboi pororyosyek:

BUKUIT NE TILIL

²⁶ Ak inendet ne iterteri, ak koribei boisionikyuk agoi kagesunet, kotun agochini kimnatet koboi bororiosiek:

NG'ANG'UTYET 2:26 Referencias Cruzadas

TIENWOGIKAL 2:8

Sooma, si agoonin pororyosyek koek poroteng'ung', ak agoonin ole poochin ng'wony kobunjiin.

TIENWOGIKAL 2:9

Itue icheek `kirokto ne po karnet; ak ituatui icheek ko uu rokyetap cheptereniot.”

TIENWOGIKAL 49:14

Ki kichopchi icheek ye mi meet ko uu keechiirek; egu `meet mestowonnywa. Tetoi icheek kochute kererit; nunei itoondanywa eng' olooto, ak punjin icheeget ye mi meet.

MATAYO 10:22

Ak kowechok piik tugul agobo kainennyu. Ago ineendet ne muitoi agoi kagesunet kesaru.

MATAYO 19:28

Ki leenji `Jeso icheek, “Amwaiwok iman ale, eng' kalelitetap tuguuk tugul, ye tuun tebee Weeriitap chii ng'echereetap toroornatennyi, okweek che koosubwo ko tuun otebee ak okweek ng'echerok taman ak aeng' che po laitornatet, orwookyini ortinwek taman ak aeng' che po Israel.

MATAYO 24:13

Ago ineendet ne muitoi agoi kagesunet, kesaru.

JOHANA 6:29

Kowolji Jeso koleenji, “Ni poisyetap Kamuktaindet, ale oyan ne ki iyoogu ineendet.”

ROMANIK 2:7

igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

ROMANIK 8:37

Ago, ki katerterik kot kosiir eng' tuguuchu tugul eng' ineendet ne ki chamech.

1 THESSALONIKEK 3:5

Amu ng'olyoondoniito ye ki mata amuuch amuita, ayoogu kuut si kobiit anai kayaneng'wong', ale tama kogoyomak yoomindet, ak koek puch poisyennyo ne uui.

HEBRANIK 3:6

ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

JAKOBO 2:20

Ago imache inai, ee, inyee chiito ne ma ii kiy, ile, kayaneet ne ma tinyei poisyonik ko soon?

1 JOHANA 2:19

Kimandoi eng' olinnyo, ki ma ko chechook; amu nda ki chechook, ta kitebyei kobootech: ago ki pa, si kobiit kotook keele ki ma ko chechook tugul.

1 JOHANA 3:23

Ak ni ng'atuutyennyi, keele kiyan kainetap Weeriinnyi Jeso Kristo, ak kechamye acheegei eng' acheegei, ko uu ye ki koonech ng'atuutyet.

1 JOHANA 5:5

Ak ng'oo ineendet ne iterteeri ng'wony, kobatee ineendet ne iyani kole Jeso ko Weeriitap Kamuktaindet?

NG'ANG'UTYET 2:11

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri koma nyooru ng'wanindo eng' meet ne po aeng'.

NG'ANG'UTYET 2:17

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini che po mana che ung'ootiin, ak agoochi koita ne leel, ak ki kisirchi koyata kainet ne leel, ne ma ingen chii kobatee ineendet ne taachei.

NG'ANG'UTYET 2:7

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini koam che po keetitap saboondo ne mi Paradiso ne po Kamuktaindet.

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

NG'ANG'UTYET 21:7

Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.

NG'ANG'UTYET 22:5

Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.

NG'ANG'UTYET 3:12

“Ineendet ne iterteeri, ayae koek toloita eng' Hekaluut ne po Kamuktaindet nenyu, ama komandoi saang' kogeny. Asirchini ineendet kainetap Kamuktaindet nenyu, ak kainetap nganaseetap Kamuktaindet nenyu, nooto Jerusalem ne leel, ne choorugei eng' kipsengwet kobunu Kamuktaindet nenyu, ak kainennyu ne leel.

NG'ANG'UTYET 3:21

“Ineendet ne iterteeri, kotun agoochini kotebi kobooto eng' ng'echerennyu ne po laitornatet, ko uu ye ki aterteer agane ak ketebi ak Abba eng' ng'echerennyi ne po laitornatet.

NG'ANG'UTYET 3:5

“Ineendet ne iterteeri kotun kilaakyin ko uu nooto ngoroik che leelach; ak ma koi abuch kainennyi eng' bukuitap saboondo, ago ang'aanye kainennyi eng' taitap Abba ak eng' taitap malaikaisyekyik.