NG'ANG'UTYET 19:19 - BUKUIT NE TILIIL Sireet ne Dutero Kanon

¹⁹ Ki ageer tyondo ak laitorinigap ng'wony kobooto lugosyekwak, ko kaiyomogei koyai lugeet ak ineendet ne kiga tebee paraisiit, ak lugeennyi.

Bukuit Ne Tilil

¹⁹ Ki ageer tyondo ak laitorinigap ng'wony kobooto lugosyekwak, ko kaiyomogei koyai lugeet ak ineendet ne kiga tebee paraisiit, ak lugeennyi.

BUKUIT NE TILIL

¹⁹ Ak kiageer tiondo, ak laitorinikab ng’ony, ak lugosiekwak, ko kaiyomogei koyai luget ak inendet ne kiga tebe mbartanyit, ak lugennyi.

NG'ANG'UTYET 19:19 Referencias Cruzadas

NG'ANG'UTYET 11:7

Ak ye tuun kagogees paornatennywa, koyai lugeet tyondo ne mang'une keriinget ne ma igoksei, ak koterteer icheek, ak kobar icheek.

NG'ANG'UTYET 14:9

Ak koosup icheek malaikaiyat ne po somok, ne mwaei eng' kutit ne oo kole, “Ngot kolas chii age tugul tyondo ak kanamwennyi, ak konyoor perutyet eng' togeennyi, anan eng' eunnyi,

NG'ANG'UTYET 16:14

amu chooto ko tamirmirigap oik, che yaei kaboorunoik; che pendi kaplaitorinigap ng'wony komugul, si koyum icheek koba lugeet eng' peetuut ne oo ne po Kamuktaindet, Ne po Kamuktaet.

NG'ANG'UTYET 16:16

Ak koyum icheek eng' ole kiguure Har-Magedon eng' kutitap Yahudik.

NG'ANG'UTYET 18:9

Ak riirtos ak koteeitos agobo ineendet laitorinigap ng'wony, che kisokso ak kotebyei kobooto ineendet eng' kaseretap tuguuk, ye keer iyetap lalennyi,

NG'ANG'UTYET 19:21

Ak ki kibar icheek che ki ng'et eng' rotwetap chok ne ki mang'une kutitap ineendet ne kitebee paraisiit, ak kibiyong'so toriitik tugul eng' poorwekwak.